Go loekoe belangstelling di wi feni
1 Di Jezus ben gi en getrow bakaman den kriboi bodoi, a ben taki: „Go . . . meki discipel . . . èn leri den” (Matt. 28:19, 20). Nanga den wortoe disi Jezus ben sori tranga na den discipel foe en taki den ben moesoe doe wan leriwroko. Disi ben sa wani foe taki dati den ben moesoe drai go baka na den sma foe kweki belangstelling di den ben feni foe gro moro fara.
FA A WROKO DISI E DOE?
2 Son brada nanga sisa feni en hebi foe doe na pisi disi foe na prékiwroko. Sontron disi e kon foe di den no sabi so boen sortoe bigin den moesoe gebroiki te den e go tjari wan go-baka. Tokoe disi no de so moeilek. Gewoonlek a de a moro boen sani dati wantronwantron baka na fosi fisiti joe e poti na fundamenti foe san joe wani foe go doe na a go-baka. Skrifi den tori foe san na ososma ben sori belangstelling, sodati te joe e go tjari na go-baka joe abi punt di oen toe e agri èn nanga san joe kan go doro. Efoe a kan tjari baka wantoe dé wan go-baka. Efoe wiki e psa, na belangstelling foe na ososma kan kon kowroe èn a kan de moro moeilek foe kon wiki disi baka. Sorgoe taki joe pristeri de eenvoudig, krin èn tapoe a tori. Gebroiki na bijbel foe gi krakti na san joe e taki. Wai pasi gi den tori di e tjari stré kon.
3 A no joe wawan moesoe taki. Efoe sani sa waka boen didon nofotron ini disi dati wi sabi foe meki na ososma teki prati na ini na takmakandra. Gebroiki aksi pe den moesoe teki wan sé, foe joe kan kon foe si san a e prakseri. Disi sa jepi joe foe gi leri di e doro na marki.
JEPI DI DE FOE FENI
4 A no kan trafasi taki son wan foe wi abi jepi fanowdoe ini disi te wi e tjari go-baka fa wi kan kon tron moro betre leriman. Na sortoe jepi dati nofotron de foe feni. Pikinso moro ibriwan foe wi sabi wan sma di kan tjari boen go-baka. Na dienstopziener lobi foe troe foe ferteri trawan nanga san a ben abi winimarki. Joe studileider kande kan jepi joe toe. Aksi en ofoe a kan go nanga joe na wantoe foe den go-baka foe joe. Noso kande a problema de nomo dati joe kisi pikinso jepi te joe e sreka wan takmakandraa fesi. Den prékiman disi di abi ondrofeni kan sori joe sortoe fasi den ben gebroiki foe ben kan kisi boen bakapisi. Hori na prakseri taki Jezus ben teki ten foe leri en discipel. Bifo den ben seni go foe préki, a ben gi den rai. — Matt. 10:5-15.
5 Ini Wi diniwroko-boekoe praktis bodoi de. Loekoe pikinso sortoe heri moi bodoi de a ini tapoe bladzijde 91 nanga 92. Soso na lési wawan kaba foe den fo paragraaf ondro na ede-pisi „Tjari go-baka” moesoe gi oenoe dek’ati.
6 Ete wan heri moi jepi de na boekoe Vergewist u van alles. A abi 123 edetori èn boiti dati tori di gersi den di joe kan gebroiki. Tapoe bladzijde 7, paragraaf 5 èn tapoe bladzijde 8, paragraaf 1 toe fasi tanapoe fa joe kan gebroiki na paragraaf. Rai e gi fa joe kan gebroiki na materiaal efoe joe abi wéniki ofoe joisti pikinso moro ten foe wan takmakandra.
7 Ala réde de soboen foe de positief ini na go-bakawroko, awasi wi abi nomo pikinso ondrofeni. A e go dati wi e broko wi ede gi trawan. Jehovah organisaatsi ini a ten disi e sorgoe foe boekoe nanga prékiman di abi ondrofeni foe lei oen op. Te wi e feni opregti sma di e „soktoe èn e djeme” foe den takroe sani di den e si, dan wi lobi moesoe poti wi foe go baka foe jepi den. — Ezech. 9:4-6.