Lobi gi a bradafasi di de na a heri grontapoe
1 „Mi e gi oenoe wan njoen gebod, dati oenoe lobi makandra; net soleki mi ben lobi oenoe, dati oenoesrefi lobi makandra toe” (Joh. 13:34). Gi den discipel dati foe Jezus ini a fosi jarhondro lobi gi makandra ben sori taki a de wan fanowdoe foe troe. Ini a di foe twenti jarhondro disi a de na srefi fanowdoe sani foe sori sowan lobi. Fa a thema fiti dan di den ben teki gi den kringkomakandra di o bigin ini april 1986: „Lobi gi na bradafasi di de na a heri grontapoe.”
2 Na programma ben seti so nanga na marki foe tjari foeroe pisi kon na fesi foe na lobi disi di de so tranga fanowdoe leki wan krakti di e tai Gado pipel ini wanfasi èn ini soifri-retifasi na fesi foe Jehovah Gado kon na wan. Na a srefi ten di Satan grontapoe e fo doro foe sori bita-ati a mindri den naatsi, pipel, tongo nanga koeltoeroe, Jehovah pipel e sori taki den abi lobi gi na osofamiri ini bribi di de na a heri grontapoe. Na kringkomakandra programma abi leki marki foe gi dek’ati foe sori lobi, no wawan gi den sma di de famiri nanga wi na ini a bribi, ma ooktoe gi den sma di wi kan jepi foe kon leri sabi na waarheid èn kan kon de wan nanga wi.
3 A de na feti foe wi leki wan bradafasi di de na a heri grontapoe foe Jehovah feni wi ini wan boen positsi (2 Petr. 3:13, 14). Meki wi alamala meki plan foe de drape ala den dé.