Tyari den sma di abi belangstelling go na na organisâsi
1 Yu eygi ondrofeni ini na waarheid sondro degedege meki yu frustan omeni wi abi na gemeente fanowdu gi wi eygi yeye gro èn fu de stanfaste ini na bribi (Hebr. 10:24, 25). Dati wani taki yu no musu meki muyti wwan fu gi a sma nanga suma yu e stuka na beybri wan krin frustan fu afersi di abi fu du nanga beybri leri, ma ooktu so wan dipi warderi gi na organisâsi di Yehovah e gebroyki (Luk. 6:40). Wi brochure Yehovah Kotoygi — Den tyari den kon na wan na heri grontapu fu du Gado wani kan yepi yu nanga disi.
2 Sma nanga suma wi e stuka musu frustan taki na strukturu fu Yehovah organisasi èn den fasi di na organisasi e gebroyki abi wan beybri fondamenti. Fu go na fesi, den musu frustan ooktu taki den e kisi inzicht ini na fasi fa Gado e handri, so leki na organisasi e sori disi èn taki a no de so taki den e leri sabi soso wan tra fasi fu anbegi.
NA GEBROYKI FU NA BROCHURE
3 Fruku na ini na stuka regeling na sma di e kisi leri musu kisi wan Den tyari den kon na wan-brochure èn musu kisi u yere a fesi sortu pisi fu en ala wiki lès, den sa luku makandra. Na a fasi disi a kan sreka en srefi na tapu na stuka. Efu yu e sreka yu srefi tapu na stuka, hori dan na fasi fu anbegi di na sma di e kisi leri ben abi a fesi ofu di a abi nownow na prakseri, so taki yu kan sori en na kontrari nanga na organisasi fu Yehovah di abi en fondamenti ini na beybri moro krin. Suku den sroto teksti di no skrifi krinkrin, èn meki gebroyki fu den overzicht aksi na a kba fu pikinso moro ala den 15 pisi di tanapu na ini na brochure. Na a fasi disi yu sa yepi na sma di de na ini a tori fu kisi wan moro krin prenki fu Yehovah organisasi.
4 Te yu e behandel fu eksempre na pisi „Gemeente pe den e bow sma ini wanfasi nanga lobi”, yu ben sa kan aksi na sma di e kisi leri fa den ben poti den kerki fesiman fu en kerki na wroko èn fa sma e si den. Bakadati yu kan sori nanga yepi fu na beybri fa disi de krinkrin ini kontrari nanga san de fu si èn e du ini Yehovah organisasi. Na a srefi fasi yu ben sa kan handri te yu e behandel a pisi fu na fasi fa den e feni a moni fu du a wroko, fu bigin tapu bladzijde 28. Disi sa yepi na sma di e kisi leri fu warderi Yehovah fasi fu du sani èn sa buweygi en fu du wan bun sani a tapu dati.
5 Hori ooktu na prakseri taki yu no abi fu behandel ala stof na ini ala pisi di den e sori ini wan stuka, ma dati yu mag prati disi fu gebroyki den na den difrenti stuka akruderi na fanowdu èn omeni a stof de. Soso feyfi ofu tin minuut baka ibri stuka yu kan teki èn meki gebroyki fu overzicht aksi di abi fu du nanga na pisi fu na stof di behandel, fu di disi e meki den edeprakseri kon krin a fesi.
6 Poti prakseri tapu den fowtow nanga prenki di abi leki marki fu spikri na prakseri fu na tekst na ini na yeye fu na sma di e kisi leri. Furu fowtow e gi wan prenki fu na tekst na ini na yeye fu na sma di e kisi leri. Furu fowtow e gi wan prenki fu na internationaal bigi fu Yehovah organisasi èn fu na wanfasi di de ondro Gado pipri, a wasi sortu ras, sociaal bakagron ofu nationaliteit den de. Soso so wan organisasi kan du a komando fu Yeyses fu preyki na bun nyunsu na a heri grontapu. — Matt. 24:14.
7 Sma musu teki a mindri Yehovah organisasi èn di fu Satan. A libi fu den de na ini a tori (Tori. 26:18). Wi kan yepi den fu teki na yoysti bosroyti efu wi meki gebroyki dorodoro fu den tumsi bun yepisani di Yehovah gi fu tyari sma di abi belangstelling go na en organisasi. Wi musu abi na prakseri fu du disi tapu ibri stuka. Na a fasi disi den kan feti na baka „regtvaardikifasi, bribi, lobi, freyde makandra nanga den di e kari Masra komoto fu wan krin ati”. — 2 Tim. 2:22.