Pristeri Na Wachttoren ini mei
1 Di Na Wachttoren ben kon a doro fu na fosi tron ini yuli 1979, dan wan leysi ini wan mun soso 6000 eksemplaar ben stanpu ini 1 tongo nomo. Now pikinso moro 101 yari na baka, den e stanpu fu ibri uitgave moro leki 13 milyun eksemplaar ini moro leki 100 tongo, èn dati moro furu tu leysi wan mun. Fu so wan gro e kon a krin taki Yehovah e feni na wrokosani di en e gebroyki fu meki na waarheid fu na Kownukondre bekenti bun.
2 Efu no so langa kba yu ben bigin leysi Na Wachttoren ofu dati yu e du disi furu yari kba, wi abi na overtoygi taki yu e warderi den blesi di e kon fu dati. Na tijdschrift Na Wachttoren gi yu wan howpu di abi en fondamenti ini a beybri. A tranga yu frutrow ini na Kownukondre fu Gado leki na wan enkri sani nanga yepi fu san freyde di sa tan o kon na grontapu. A sori yu na tapu den kefar fu na muylek ten disi di de na marki fu den „lasti dey” (2 Tim. 3:1-5). Nanga yepi fu den bladzijde fu en yu kisi „trowstu fu den Buku” èn getrow tiri di abi en fondamenti ini na wortu fu Gado, na beybri (Rom. 15:4; Ps. 119:105). Te yu e prakseri den blesi disi nanga trawan, disi no e buweygi yu fu meki trawan kon sabi o warti Na Wachttoren de? Ini mei wan yari abonnementi fu wan bijdrage fu Sf 12,00 sa pristeri na sma.
ABI POSITIEF FASI
3 Ini Na Wachttoren den e poti krakti tapu „koni fu Gado èn no na tapu na koni fu libisma” fu kan tak-go-tak-kon. Ini na ten disi ibri sma abi na koni dati tumsi tranga fanowdu. A kan kenki libi èn yepi fu kweki buweygi fu ati. Disi de fanowdu fu „tan a libi” (Odo 9:1-6). Te wi abi na overtoygi fu dati, dan wi sa pristeri na abonnementi nanga wan positief fasi nanga na frustan taki wi abi wan sani di tra sma abi fanowdu. Leysi ibri uitgave finifini fu feni fruklari di so leki yu denki sa kan de bun gi den ososma. So wan sreka sa yepi yu fu sori wan positief yeye te yu e pristeri den tijdschrift disi ini na diniwroko.
4 Na prijs fu Na Wachttoren de so pikin leki a kan, te yu go agersi dati nanga den winimarki di na leysiman sa kisi. Pristeri fu dati-ede na abonnementi na ibri okasi nanga overtoygi. Son preykiman kande wani fu pristeri makandra nanga Na Wachttoren ooktu wan abonnementi tapu Ontwaakt! Wan yari abonnementi tapu ala tu tijdschrift e kostu Sf 24,==.
NA WACHTTOREN E YEPI FU MEKI DISIPEL
5 Abi na fasti bosroyti fu go baka na ala adres pe yu prati tijdschrift èn pruberi fu meki na belangstelling di sori kon moro bigi. Son brada nanga sisa e bow tijdschrift route na den sma di e teki lusu nomru fu den tijdschrift. Efu wan sma e leysi wan eksemplaar fu Na Wachttoren ofu Ontwaakt!, kande a kon geïnteresseerd. So bun go baka èn pristeri na uitgave di e kon baka dati, na sortu okasi yu e poti krakti tapu wan spesrutu artikel di leki fa yu denki abi en belangstelling. Baka di a leysi wan tu uitgave, kande a sa wani abonneer en srefi. Abonné kan nyan bun ooktu te yu kon baka fu yepi den fu suku warti punt ini den tijdschrift.
6 Na pristeri fu Na Wachttoren ini mei sa gi unu seyker prisiri satisfaksi. Fudi wi srefi nyan bun fu den tijdschrift, wi kan pristeri den na trawan nanga overtoygi. Fu di wi gi den deki-ati fu abonneer den srefi èn leysi den warti tijdschrift disi, wi kan yepi den fu teki den bosroyti na a sey fu Yehovah.