Jepi den foe lobi Jehovah agen
1 Moro foeroe foe denwan di ben tai nanga wi fositen, e boeweri te now ete taki den e bribi foeroe sani foe na bijbel. Tokoe na winsi foe den foe drai kon baka na a pipel foe Gado, no de krakti nofo foe boeweigi den foe doe wan sani. San na a troetroe roetoe foe disi? Wi e firi sari srefisrefi foe si na situwâsi foe den èn nanga prisiri wi wani doe ala sani di kan, foe jepi den, ma san wi kan doe? — Gal. 5:7; 2 Kor. 12:15.
2 Omeni leisi wi no e jere inaktief sma e taki: „Mi sabi taki a de na waarheid, ma . . . ” Na bribi foe den no de libilibi, bika den wroko foe den e mankeri (Jak. 2:26). Fa disi doe kon? Na bijbel e taki: „Bika nanga na ati wan sma e sori bribi foe kisi regtfardikifasi” (Rom. 10:10; Hebr. 3:14, Studiebijbel foetoewortoe (Bakratongo)). Na situwâsi foe na ati, na sma di joe de na inisei, soboen de na prenspari sani. Wan inaktief sisa ben taki, di kompe kresten ben proeberi foe jepi en: „Ma mi no kan drai baka na Jehovah. Mi no lobi en!”
3 Ija, lobi gi Jehovah leki Persoon, na lobi di ben poesoe den wan leisi foe gi den srefi abra na En, de fanowdoe. Ma na ati foe den kon prati, kande foe wan lostoe ede foe wan sani di Gado tapoe, foe wan firi ede gi srefidensi ofoe leki wan bakapisi foe wan eigi taki-go-taki-kon foe kakafoetoe gi wan problema di foe taki en leti ben sa moesoe loesoe nanga jepi foe rai foe Gado en Wortoe. Wán brada e froeteri taki a ben ondrofeni fa, di na ati foe en ben kon prati, na preiki di a ben preiki ben piki leigi na ini en eigi jesi èn fa en, te a ben de na mindri brada nanga sisa, a ben abi na firi taki a no ben de troetroe wan pisi foe den. Kolokoe a ben betre ensrefi biten èn now a e dini leki zendeling. O prenspari na rai foe Odo 4:23 de foe ’kibri na ati’, so taki wi no ’lasi bribi leki wan boto di soengoe’, so leki na wan sari fasi dati ben pasa nanga wantoe sma. — 1 Tim. 1:19.
4 Den wan di e fisiti den inaktief brada nanga sisa disi, moesoe froestan taki deki-ati de fanowdoe foe si fowtoe wani na ai. Tokoe a de na fosi, fanowdoe stàp. Na lobi foe den gi Jehovah èn na bribi foe den na ini en Wortoe moesoe poti steifi agen. Owroeman no ben sa wani kari wan sma kon nomo ofoe gi en deki-ati foe drai baka, ma den moesoe gi jepi na wan lobi fasi foe kon sabi den sani di e tapoe pasi èn foe poeroe den. Kande a de fanowdoe foe, na wan voorzichtig fasi, joe doe wan ’operâsi’ di gi foeroe skin-ati, na ini a agersi ati èn foe taki foe Jeremia 17:9, 10. Neleki na wan letterlijk sikiman dan disi moesoe go makandra nanga waran, lobi sorgoe, ini a kefal disi na ini a vorm foe begi èn foe stoeka Jehovah Wortoe makandra.
5 Owroeman nanga trawan di e stoeka nanga inaktief sma, sa wani jepi den foe kakafoetoe troetroe gi den roetoe. Te den so boen sa doe wan sani densrefi gi Jehovah, den sa ’tesi taki A boen’ (Ps. 34:8). Wi alamala kan gi den wan di o lobi Jehovah agen, wan switi kon na ini a Kownoekondrezaal èn kan gi den na firi taki den drai baka na wan bigi lobi famiri.
6 Na pasi foe drai kon baka kan de langa èn moeilek, ma nanga jepi foe Gado jeje, na krakti foe en Wortoe èn den jepi foe wi di gi nanga pasensi, a kan taki foeroe sma e tron prisiri èn aktief dienstknekti agen foe Jehovah. Meki wi foe dati-ede tan span wi srefi foe jepi den foe lobi Jehovah agen nanga den heri ati, bika ’na lobi no e fadon noiti’. — Mark. 12:30; 1 Kor. 13:8.