Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 1/92 blz. 5-6
  • „Meki a presi foe joe tenti moro bradi”

Felem no de na a pisi disi.

Sorry, wan sani no go bun di wi pruberi fu drai a felem.

  • „Meki a presi foe joe tenti moro bradi”
  • Wi Kownukondre diniwroko 1992
Wi Kownukondre diniwroko 1992
km 1/92 blz. 5-6

„Meki a presi foe joe tenti moro bradi”

1 Ini a ten disi Jehovah e meki en pramisi „kon troe foe ’meki na pikinwan kon tron wan makti nâsi” èn foe meki a gro dati srefi go „esi-esi” (Jes. 60:22). Foe a tjari kon na wan foe miljoenmiljoen sma foe ala nâsi wan organisâsi ben sa de fanowdoe di ben sa kan bradi ensrefi kefarlek èn tokoe a ben sa man tan foe hori en theokrasia stroktoeroe.

2 Na organisâsi disi de! Na profeitifasi Jehovah ben taki foe en nanga den wortoe foe Jesaja 54:2, 3: „Meki a presi foe joe tenti kon moro bradi.” Èn meki den span den tentikrosi foe joe gran tabernakel. No hori baka. Meki den tenti-titei kon moro langa èn meki den tentipen foe joe tranga. Bikasi na retisei èn na kroektoesei joe sa broko go.”

3 Na a heri grontapoe a profeititori disi e kon troe na wan toemoesi moi fasi. Fa a ben de wan prisiri foe si taki tapoe den seibi distrikt kongres di ben hori a jari di pasa na ini Sovjet Unie, 74.252 arkiman ben de, ala di 7820 sma ben teki dopoe! So srefi na tra presi ini Owstoe-Europa wan kefarlek gro de foe si. Leki bakapisi foe disi na bijkantoro ini Doisrikondre abi moro wrokosani fanowdoe foe kan druk boekoe. Na Bethel- nanga bowfamiri drape e teri now pikinso 1100 memre èn den e wroko tranga foe a kon pikinmoro 100 prosènt moro bigi.

4 Na ini Brooklyn na oso foe 30 sodro di den poti na prakseri foe meki, pe 1000 Bethelsma o libi, e bigin gersi wan sani kaba. A grofoe wroko foe wan bisnis bowfirma, sa kon klari na dreiten foe a jari di e kon, dan baka dti, ondro tiri foe a Genootschap, friwani wrokoman sa doe a fini wroko foe ’moimoi en’. Den brada howpoe taki na a kaba foe 1993 den kan bigin gebroiki na ondrosei pisi nanga 11 sodro.

5 Na a Centrum foe gi leri na ini Patterson (Amerkankondre), den seibi oso pe den o poti fisitiman ini a ten di e kon, klari, neleki a djari di den e meki, den pasi nanga den presi foe poti oto. Now 650 friwani wrokoman e wroko na a bow foe a presi dati di te foe kaba sa abi 17 oso, nanga so srefi presi pe 1200 wrokoman sa kan libi, wan njanjanzaal èn wan zaal foe sidon arki sani iniwan foe den kan teki 1600 sma. Poti na disi toe den foeroe bijkantoro blok di e bow na tra presi ini a grontapoe noso di den e meki kon moro bigi, èn wi e si fa ’a presi foe wi tenti e meki kon moro bradi’.

6 Èn fa a de nanga Sranankondre? Na kongreshal dei foe dei e kon moro moi. Den ben wroko tranga na a presi foe poti oto èn wan oso o bow di o tan wan pisi ten nomo foe kan gi den wrokoman foe dorosei kondre èn kande so srefi wrokoman foe djaso presi foe tan. Den e sreka sani fajafaja foe seti na pisi gron kon boen, pe a njoen bijkantoro e go èn na a srefi ten den e wroko na a skotoe. Wi kisi primisi foe a Genootschap foe bai difrenti fanowdoe sani so leki wan wagi di kan tjari lai, wan bus nanga den sortoe sani so, gi a bow èn na a momenti disi den e wroko tranga toe na dati.

7 Efoe den e libi a gron foe a njoen bijkantoro tan didon foe april te go miti a dreiten sondro foe wroko en meki a kon stampoe boen, dan wi howpoe foe bigin bow na ini a bigi dreiten so dati wi sa si go na fesi drape toe.

8 Dan wi abi den kownoekondrezaal na Frederikshoop-pasi, na Nickerie èn na Gosoetoe. Wi e si den go na fesi krin èn ala di moeilekhèit nanga problema foe kisi materiaal de, tokoe wi howpoe foe kon klari nanga den projekt disi ini den moen di e kon.

9 A koekroe, njanjanzaal, nanga na presi foe a maksin na ini Wicherstrati, pikinmoro de foe kaba. Foe di sani e meki kon moro bigi dan moro presi opo foe kan doe kantoro-wroko. A njoen pisi disi sa meki a wroko doe moro koemakriki èn a njanjanzaal sa abi moro presi.

10 Nanga ala den gro disi wi e go froestan moro nanga moro o prenspari a de taki wi moesoe meki den bijkantoro wrokopresi foe wi moro bigi. Wi e taki Jehovah grantangi gi den foeroe blesi foe en tapoe a wroko, èn nanga begi wi e loekoe go na fesi san sa kon a krin leki a wani foe Jehovah gi na ten di e kon. Èn wi abi na overtoigi taki oenoe alamala, lobi brada nanga sisa, sa wani jepi nanga ala prisiri foe ’meki a presi foe wi tenti kon moro bradi èn no hori tapoe pasi gi joesrefi baka’ (Jes. 54:2). So esi leki fasti bosroiti teki foe doe sani, wi sa meki en oenoe kon sabi disi.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma