Yesus libi nanga diniwroko

Nyan nanga wan Fariseiman

BAKADI Yesus gi piki na sma di e suku fowtu èn di tyari kon a fesi dati den e degedege fu nn fonten fu en makti fu dresi wan man di no kan taki, dan wan Fariseiman e kari en fu kon nyan na en oso. Bifo den nyan, den Fariseiman e wasi leki wan kerki gwenti den anu te na den baka-anu. Den no e du disi wawan fosi èn baka te den nyan ma ooktu ini a ten te den e nyan. Aladi na gwenti disi no de kontrari na skrifi wet fu Gado, toku a e go morofara leki san Gado e aksi tapu na kontren fu ceremoniële krinfasi.

Te Yesus e misi fu handri ini akruderi nanga na gwenti disi, dan a man di kari en fu kon nyan e fruwondru. Aladi kande a no taki nanga wortu taki a fruwondru, toku Yesus e si disi èn taki: „Un Fariseiman now, unu e krin na dnrosei fu na beker èn na skotrikri, ma unu inisei de furu nanga fufur èn goddelowsufasi. Onredeleksma di unu de. A sma di meki na dorosei, no meki ooktu na inisei?

Yesus e tyari sobun na hoigrifasi fu den Fariseisma kon a doro di e wasi den anu ritueel ma e misi fu krin den ati fu goddelowsufasi. A e gi na rai: „Gi den sani di de na inisei leki presenti fu sari-atifasi, èn luku! ala tra sani fu yu sa de krin.” Na gi fu sani fu den mu abi reide di e komoto fu wan lobi ati, no fu na lostu fu meki indruk nanga na regtvaardikifasi di den e sori taki den abi.

„Helu fu unu un Fariseiman,” Yesus e go morofara, „Bika unu e gi tinde fu na minti èn nanga na wijnruit èn fu ibri tra gruntu, ma luku unu e luku psa na geregtigheid nanga na lobi fu Gado! Den sani disi unu ben musu du, sondro fu libi trawan dati.” Na wet di Gado ben gi Israël ben aksi fu pai tinde, ofu a di fu tin pisi, fu san den gron ben e meki. Na minti èn na wijnruit de pikin prani ofu wiwiri di e gebroiki fu gi nyanyan tesi. Den Fariseiman ben pai soifri wan tinde fu srefi den gruntu disi di no wani taki wan sani, ma Yesus e krutu den fudi den poti na moro prenspari vereiste fu sori lobi, fu du bun ofu de bescheiden, a wan sei.

Te Yesus e krutu den morofara a e taki: „Helu fu unu un Fariseiman, bika unu lobi den fes’seipresi na ini den dyukerki èn den odi tapu den wowoyo! Helu fu unu bika unu gersi den memregrebi di no de fu si, sodati den sma e waka psa abra sondro fu sabi!” Na doti libi fu den no de fu si. Na fasi fu anbegi fu den Fariseiman dorosei gersi bun ma a no abi inisei waarde! A abi leki fundamenti hoigrifasi.

Wan koni krutuman, wan fu den sma di ben sabi na wet bun, e arki na a krutu disi èn e kragi: „Leriman, fudi yu e taki den sani disi, yu e afrontu wi ooktu.”

Yesus e si ooku den sabiman disi tapu na kontren fu na wet frantwortu èn e taki: „Helu fu unu ooktu di sabi a wet bun, bika unu e lai tapu den sma lai di de muilek fu tyari ma unusrefi no e fasi den lai no nanga wan fu unu finga. Helu fu unu, bika unu e bow den memregrebi fu den profeiti, ma un fosten tata ben kiri den.”

Den lai di Yesus e taki fu den, de den overlevering di gi nanga mofo, ma den koniman disi no wani opo wan fu den wet disi puru fu meki en moro makriki gi den sma. Yesus e tyari kon na krin taki srefi den ben e agri nanga na kiri fu den profeiti èn fu dat’ede e warkow: „’Den sa aksi na brudu fu ala profeiti, di ben trowe na gron fu sensi na fundamenti fu grontapu fu na geslagti disi. . . fu sensi na brudu fu Abel te na a brudu fu Zacharia, di den ben kiri a mindri na altari èn na oso.’ Iya mi e taigi unu, den sa aksi disi fu na geslagti disi.

Na libismafamiri di ben de bun fu kisi ferlusu ben du kon di Adam nanga Eva ben kisi pikin. Abel ben libi fu dat’ede ini a ten fu „na fundamenti fu na grontapu”. Baka na ogri-ati kiri fu Zacharia dan Yuda ben kisi pori fu wan legre fu Siria. Ma Yesus e taki a fesi fu wan moro ogri pori fu en eigi geslagti, fu na moro bigi takrudu fu en. Na pori disi e feni presi sowan 38 yari a buka, na ini 70 G.T.

Te Yesus e go morofara nanga en krutu a e taki: „Helu fu unu, unu di sabi a wet bun, bika unu puru na sroto fu na sabi; unusrefi no ben go na inisei, èn den sma di ben go na inisei unu ben tapu!” Den sabiman tapu a kontren fu na wet de ferplekti fu tyari a wortu fu Gado kon a krin èn fu sori san a wani taki. Ma den e misi fu du disi èn den e teki srefi na okasi fu den sma fu ferstan a Wortu fu Gado.

Den Fariseiman nanga den sabiman fu a wet ati e bron na Yesus fudi a puru den bere kon a doro. Te a e libi na oso, dan den e bigin gens en srefsrefi èn bigin e tyari ala sortu aksi kon na en tapu. Den e pruberi fu kori en fu taki wan sani di den kan meki den kisi en. Lukas 11:37-54; Deuteronomium 14:22; Micha 6:8; 2 Kronieken 24:20-25.

◆ Fu san-ede Yesus e krutu den Fariseiman èn den sabiman tapu a kontren fu na wet?

◆ Sortu lai den sabiman fu a wet e poti tapu den sma?

◆ Oten na „fundamenti fu na grontapu” ben de?