Yesus libi nanga diniwroko

Wan afersi fu erfenis

A DE krin taki den sma sabi taki Yesus ben nyan na ini na oso fu wan Fariseiman. Fu dat’ede nanga dusundusun den e kon makandra èn e wakti te leki Yesus e komoto fu na oso. Kontrari den Fariseiman, di e gens Yesus èn di e pruberi fu feni wan sani taki a taki wan fowtu sani, dan den sma e arki nanga prisiri èn nanga warderi na en.

Aladi Yesus e taki fosi nanga en disipel, dan a e taki: „Kibri yusrefi gi na srudeki fu den Fariseiman, san na hoigrifasi.” Soleki kon a krin na a ten fu na nyanyan, dan na heri kerki sistema fu den Fariseiman lai nanga hoigrifasi. Ma awinsi na takrufasi fu den Fariseiman no de fu si nanga ai fudi na vroomfasi fu den e tapu dati, toku te fu kaba a sa tyari kon na krin suma den de. „Noti teki puru soifri fu na ai”, Yesus e taki, „di no sa tyari kon na krin, di kibri di no sa de bekenti.”

Yesus e taki ete wantron na dek’ati di a ben gi na den twarfu di a ben seni den go na wan preiki waka psa Galiléa. A e taki: „No frede den di e kiri na skin èn bakadati no kan du noti moro.” Fudi Gado no e frigiti srefi nowan enkri pikin fowru, meki Yesus e gi en bakaman na dyaranti dati Gado no sa frigiti den. A e taki: „Te den e tyari yu . . . go na publiki komakandra èn na lantiman èn tiriman fesi, . . . dan a santa yeye sa leri yu sortu sani yu mu taki.”

Wan man na ini na ipi e opo en sten taki. „Leriman, taigi mi brada taki a mu prati na gudu nanga mi”, na so a e aksi. Fudi na wet fu Moses e bepaal dati na fosi gebore Mannpikin abi na reti tapu tu psi fu na famiri gudu, meki nowan reide mu de fu wan kesekese. Ma, na man wani te yu luku en bun fu abi moro leki san a wet e gi en.

Nanga leti Yesus e weigri fu go bumui nanga dati. „Yu man, suma poti mi leki krutuman ofu fu prati sani a mindri unu?” a e aksi. Morofara a e gi na prenspari fermane di e kon na den ipi sma: „Luku bun èn kibri yusrefi gi ibri sortu fu gridifasi, bika awinsi wan sma abi psa marki en libi no e kon fu den sani di a abi, iya, awinsi omeni sani wan sma tyari kon ooktu makandra, a de na gewoon waka fu den sani taki a sa dede èn sa libi ala sani na baka. Fu poti krakti tapu na sani disi èn fu sori boiti fu dati o don a de fu misi fu bow wan bun nen na Gado, meki Yesus e gebroiki wan eksempre. A e tyari kon na krin:

„Na gron fu wan seiker guduman ben meki bun nynyan. Fu dat’ede a ben tak-go-tak-kon: ’San mi sa du, now di mi no kan tyaria nyanyan di mi koti komakandra na wan presi?’ En dan ben taki: ’Mi sa du disi: Mi sa broko mi maksin èn bow moro bigi wan, èn na ini dati mi sa poti ala mi nyanyan èn ala mi bun sani; èn mi sa taigi mi sili taki: „Sili yu ben poti furu bun sani na wan sei fu furu yari; abi en makriki, nyan èn dringi èn abi prisiri.”’ Ma Gado ben taigi en: ’Yu onredelek sma, na neti disi ete den e aksi yu sili fu yu. Gi suma dan den sani sa de di yu tyari kon makandra?’”

Leki laatste Yesus e taki: „Na so ai go nanga wan sma, di e tyari gudu kon makandra gi ensrefi, ma di no gudu na ini Gado.” Aladi den disipel kande no fadon ini na trapu fu na donfasi fu tyari gudu kon makandra, toku den aladei sorgu fu a libi ben kan tyari den go makriki tapu wan seipasi, sodati den no o dini Yehoah moro nanga ati èn sili. Fu dat’ede Yesus e gebroiki na okasi disi fu taki ete wantron na tumsi moi rai di sowan wan nanga afu yari afesi a ben gi na ini na Bergipreiki. A e taki aladi a e drai luku en disipel.

„Dat’ede mi e taigi unu: No broko unu ede moro langa gi unu sili, ini a tori fu san un sa nyan, ofu gi unu skin, ini a tori fu san unu sa weri. . . . Luku bun na den raaf: Den no e sai èn den no e koti nyanyan èn den no abi maksin ofu kamra fu poti nyanyan; èn toku Gado e gi den nyanyan. Luku pikinso bun fa den lelie e gro; den no e naki den skin èn no e meki krosi; ma mi e taigi unu: srefi Salomo na ini ala en glori no ben weri so moi leki wan fu den disi. . . .

Kaba fu dat’ede fu suku san yu sa nyan èn san yu sa dringi, èn no de moro langa na ini skreki spanning; bika ala den sani disi den nâsi fu na grontapu e feti fayafaya na baka, ma un Tata sabi taki unu abi den sani disi fanowdu. Ma suku ete alaten en Kownukondre, èn den sani disi unu sa kisi a tapu.”

Spesrutu ini muilek ekonomia ten a de bun fu poti prakseri na den wortu fu Yesus. Wan sma di e broko en ede tumsi fu en fanowdu na skinfasi èn di tapu na kontren fu yeye activiteit e du en safrisafri, e sori trutru taki a no e poti bribi na ini na man di Gado man fu sorgu gi den fanowdu fu en dienstknegti. Lukas 12:1-31; Deuteronomium 21:17.

◆ San kan de na reide fu san-ede na man e poti wan aksi fu en famirigudu, èn sortu fermane Yesus e gi?

◆ Sortu eksempre Yesus e gebroiki, èn sortu punt a e tyari kon na krin?

◆ Sortu rai Yesus e taki ete wantron, èn fu san-ede na rai dati fiti gi na okasi?