Yesus libi nanga diniwroko

De klarklari

BAKADI Yesus ben warskow den ipi sma fu big’ai èn ben sori en disipel fu na kefar fu poti tumsi furu prakseri na gudu na skinfasi, dan a e gi na dek’ati: „No frede, pikin ipi bika unu Tata ben feni en bun fu gi unu na Kownukondre.” Na a fasi disi a e tyari kon na krin taki soso wan pikin nomru (bakaten a ben bepaal en tapu 144.000) sa de na ini na hemel Kownukondre. A moro bigi pisi fu den sma di e kisi tego libi, sa de grontapu onderdaan fu na Kownukondre.

Fa disi de wan kefarlek bigi kado „na Kownukondre”! Yesus e ferteri fa den disipel ben mu teki na kado disi, fudi a gi den tranga: „Seri ala san yu abi èn gi presenti fu sar’atifasi.” Iya, den mu gebroiki den gudu fu den fu du bun na tra sma na yeyefasi, èn na sofasi „bow wan gudu na ini hemel di no e kaba”.

Yesus e fermane en disipel morofara fu de klari te a drai kon baka. A e taki: „Tai un mindri èn hori den lampu fu unu letleti, èn de leki sma di e wakti na tapu na Masra te a drai baka fu wan trowoso, fu opo doro gi en wantewante te a doro èn e naki doro. Koloku den srafu de di na meester e feni na ai te a kon! Fu tru, mi e taigi unu: a sa tai en mindri èn meki den didon na tafra èn a sa waka psa èn dini en.”

Taki den dienstknegti ben sa de klarklari te den meester draibaka kon, e kon na krin na ini na eksempre disi fudi den ben hari na langa krosi fu den go a loktu èn ben sutu en go na ondro na leerbuba fu den èn den e tan na a leti fu den lampu fu den di furu bun nanga oli te ini a neti e du den wroko. Yesus e ferklari: ’Te na meester kon na ini na di fu tu [nachtwake; fu wan sani fu neigi yuru na neti te mindrineti] ofu srefi ini na di fu dri nachtwake [fu mindrineti te sowan sani fu dri yuru mamanten] èn e feni den na sowan fasi, koloku den de’.

Na meester e pai en srafu tapu wan fasi di no de gebruikelek. A e meki den didon na tafra èn a e go dini den. A e behandel den no leki srafu ma leki loyaal mati. Fa disi de wan moi paiman taki den ben kan wroko na heri neti gi den meester, aladi den ben wakti te a drai kon baka! Yesus e bosroiti: „De klarklari, bika na Manpikin fu libisma e kon tapu wan yuru di kande yu no e denki taki a kan.”

Petrus e aksi now: „Masra yu e taigi wi na eksempre disi ofu ooktu gi alasma?”

Na presi fu Yesus gi wan piki langalanga a e gi ete wan eksempre. „Suma de trutru na getrow sma di e luku sani,” a e aksi, „di en masra poti en na wroko tapu en skin fu knegti fu tan gi den na a reti ten na marki fu den fu nyanyan di den abi fanowdu? Koloku na srafu dati dati de te en meester e feni en bezig nanga dati te a kon bkaa! Mi e taigi unu nanga reti: A sa poti en tapu ala en gudu.”

Na „meester” de Yesus Kristus. „Na sma di e luku sani” de wan agersi fasi fu na „pikin ipi” fu disipel leki wan skin di de leki wan grupu èn na „skin fu knegti” abi fu du nanga nasrefi grupu disi fu 144.000 di e kisi na hemel Kownukondre, ma a e poti krakti na tapu a wroko fu den leki aparti memre. Den „gudu” di na getrow sma mu luku den, na den kownukondre belang na grontapu di de fu na meester pe yu abi a mindri ooktu den grontapu onderdaan fu na Kownukondre.

Te Yesus e go moro fara nanga na eksempre, a e sori tapu na mogelijkheid taki no wawan ala memre fu na sma dati di e luku sani ofu srafuklasse sa de loyaal. A e ferklari: „Efu na srafu dati oiti ben sa taki na ini en ati: ’Mi meester no e kon ete’, èn ben sa bigin fu naki den dienstknegti èn den umafutuboi, èn fu nyan èn fu dringi èn kon drungu, dan na meester fu na srafu dati sa kon tapu wan dei di a no e fruwakti en . . .”

Yesus e taki morofaya taki nanga na kon fu en wan faya ten fu tesi ben sa doro gi den dyu, fudi sonwan ben teki en leri èn trawan ben trowe den. Moro leki dri yari a fesi a ben teki dopu na ini watra, ma now a e doro en dopu na ini dede moro nanga moro èn soleki a e taki: ’A e benawtu mi te leki a doro en marki.’

Baka di Yesus ben taki den wortu disi gi en disipel, a e drai taki baka nanga den ipi sma. A e sari fu na tranga-ede weigri fu den fu teki na krin buweisi fu suma a de èn san a wani taki. „Te yu e si wan wolku e opo kon na westsei kontren”, na so a e taki „dan wantronwantron yu e taki wan sibibusi e kon, èn so ai psa ooktu. Èn te yu e si taki wan zuidsei winti e wai, yu e taki: ’Wan faya winti e kon’, èn ai psa. Hoigriman, a dorosei fu sani fu na grontapu èn na loktu unu sabi fu krutu, ma fa a du kon taki unu no sabi fu krutu na spesrutu ten disi?” Lukas 12:32-59.

◆ Omeni sma na „pikin ipi” e teri, èn san den e kisi?

◆ Fa Yesus e poti krakti a tapu taki en dienstknegti mu de klarklari?

◆ Su de na ini Yesus eksempre, „na meester”, na „sma di e luku sani” èn na „skin fu dienstknegti”, èn den „gudu” abi fu du nanga san?