„Soema de troetroe na getrow knekti, na koniwan?”
„Soema de troetroe na getrow knekti, na koniwan, di en masra ben poti tapoe en skin foe foetoeboi?” — Luk. 12:42.
1. O owroe na aksi de di de na wi fesi, èn san den sma e misi di no sabi na piki?
NA AKSI owroe now moro leki 1900 jari kaba. Foeroe hondro-hondro doesoen sma ini disi ten e bribi dati den kon sabi na piki. Den sma di no e feni a piki e misi foe kisi den winimarki di abi krakti tapoe na tego ten foe den di e kon. Na aksi de: „Soema de troe-troe na getrow, na koni knekti, di na masra foe en ben sa poti tapoe en skin foe foetoeboi foe gi den na a reti ten njanjan?” — Luk. 12:42.
2. (a) Oten na aksi ben aksi foe a fosi tron èn soema ben aksi en? (b) Soema moe abi belangstelling gi na aksi, èn foe sainde?
2 Na aksi ben aksi foe na fosi tron ini na kondre Israël, na ini na Midden-Oosten, èn dati ben de ini na jari 32 foe wi gewoon teri, a ten na mindri na wiwiri-kampoefesa foe den Israëlsma ini a herfst nanga na wij-fesa foe memre na wij foe na tempel na ini Jeruzalem di ben bow baka ini na bigin foe na winter (kowroe ten). Na sma di ben aksi na aksi, de na a heri grontapoe wan sma di den e stré foe en. En nen na Jesus Kristus. Foe datede meki spesroetoe na kristenheid moe abi belangstelling gi na aksi foe en, foedi den e kari en „Masra” èn,den e taki dati den de foeroe discipel foe en.
3, 4. (a) Den sma di ben arki Jezus ben abi belangstelling gi san, èn foe san den no ben abi foe frede leki fa Jezus ben taki? (b) Sortoe 2 agersitori Jezus ben gi foe na fanowdoe foe ta na ai?
3 Akroederi na tori foe na bijbel dan na ondrosoekoe aksi ben aksi leki wan piki tapoe wan aksi, aladi a ben poti gi sma di ben abi belangstelling gi na moro prenspari tiri di ben sa opo oiti na a grontapoe, na kownoekondre foe na Mekiman foe hemel nanga grontapoe, „na kownoekondre foe Gado”. Foe datede meki Jezus Kristus ben taigi den Israël arkiman foe en a fesi: „No frede pikin ipi, bika oen Tata ben feni en foe boen foe gi oenoe na kownoekondre. Seri ala sani di oenoe abi èn gi presenti foe sari-ati. Meki monisaka gi oensrefi di no e kon owroe, wan goedoe ini hemel di no e fadon, pe wan foefoeroeman no man foe kon, èn pe nowan motoe e pori sani. Bika pe joe goedoe de, na drape oen ati sa de.
4 Oen tai oen mindri èn oen meki oen lampoe e leti faja, èn de leki sma di e wakti tapoe a masra foe den, te a drai baka komoto foe wan trow-oso, foe kan opo doro wantronwantron gi en, te a kon èn e naki doro. Kolokoe den srafoe de, di na masra e feni na ai te a kon! Foe troe, mi taki gi oenoe: A sa tai en mindri èn meki den didon na tafra èn a sa waka psa èn dini den. Èn te a kon na a di foe toe ofoe srefi na di foe dri pisi foe na neti-wakti èn a feni den na so wan fasi, kolokoe den de! Ma sabi disi, dati efoe na masra foe na oso ben sabi na sortoe joeroe na foefoeroeman ben sa kon, a ben sa wakti alaten èn a no ben sa meki den broko en oso. Oensrefi toe moe hori oensrefi klari, bikasi na Manpikin foe libisma e kon tapoe wan joeroe di oen no denki dati kande.” — Luk. 12:32-40.
5. (a) Fa Petrus ben kari den warskow wortoe foe Jezus, èn fa wi ben sa kan kari na piki foe Jezus foe datede? (b) San Petrus ben aksi foe na gebroiki foe Jezus wortoe, èn sortoe aksi disi e meki kon foe na gebroiki foe san Jezus ben gi leki piki?
5 San Masra Jezus ben taki drape, na apostel Petrus ben kari wan „agersitori”, bikasi na tori foe Lukas e go moro fara nanga den wortoe: „Petrus ben taigi en: Masra joe e taki na agersitori disi gi wi ofoe gi den alamala?” (Luk. 12:41, Petrus-Canisiusvertaling nanga tra vertaling). San Jezus ben gi leki piki, soboen ben kan loekoe leki wan agersitori, sodati bepaalde troe sani di ben sa moe psa ini na ten di e kon, ben agersi. Nanga tra wortoe, a piki foe Jesus ini Lukas 12:42-44 ben de wan pisi foe na agersitori foe na „getrow èn koni knekti” (Willibrordvertaling). Te wi loekoe now na agersitori, dan wi moe hori na aksi foe Petrus na prakseri, di te joe loekoe na context de ooktoe foe na agersitori di e waka na en baka. Wi e memre dati Petrus ben aksi: „Masra, joe e taki na agersitori disi gi wi ofoe gi den alamala?” (Luk. 12:41, Luthervertaling; Statenvertaling). Wi e aksi foe datede na aksi: Na agersitori disi foe na „knekti” abi foe doe nanga wan klasse, wan „wi”-klasse , den 12 apostel foe Jesus Kristus, ofoe a abi foe doe nanga ala sma di ben arki na a ten dati na Jesus, èn, now, nanga ibri sma di e lési na agersitori foe Jesus, wansi ini sortoe bribi a de inisé ofoe dorosé foe na kristenheid? Na agersitori de wan tori foe wan klasse ofoe foe wan persoon?
„EN MASRA”
6. Nanga jepi foe sortoe agersitori, Jesus ben gi piki tapoe a aksi foe Petrus?
6 Jesus no ben gi piki wantronwantron tapoe na aksi foe Petrus foe na agersitori na fesi, ma a ben taki wan tra agersitori leki piki, di a taki: „Soema de troetroe na getrow, èn koni knekti, di na masra foe en ben poti tapoe na skin foe foetoeboi foe gi den na a reti ten na marki foe njanjan? Kolokoe na srafoe dati de te na masra foe en feni en e doe disi te a kon! Mi e taigi joe nanga reti: A sa poti en tapoe ala en goedoe.” — Luk. 12:42-44, Nieuwe-Wereldvertaling.
7. Soema na „masra” foe na knekti e agersi, èn sortoe fasi den sma di moksi nanga na „masra” disi, moe sori ini na „bosroiti foe na seti foe sani”?
7 Nowan sma sa degedege dati na „masra” foe na getrow knekti de wan agersi fasi foe na ferteriman foe na agersitori, Masra Jesus Kristus. Ini na agersitori di ben meki Petrus ben poti na aksi, Jesus e agersi ensrefi nanga wan bruidegom di, te joe loekoe na trowfesa, e drai kon na oso tapoe wan joeroe di no bepaal a fesi foe a neti ofoe froekoe-mamanten (Luk. 12:35-40). Den sma di de ini na kon troe foe na agersitori foe Jesus, foe datede moe de na ai, spesroetoe ini na ten foe na „bosroiti foe na seti foe sani”. — Matt. 24:3.
8. Sensi oten Jesus Kristus de na „masra” foe wan „skin foe foetoeboi”, èn fa Openbaring 7:1-8 e skrifi foe den?
8 Ini na tori foe na agersitori foe na knekti, na masra abi „wan skin foe foetoeboi”, pe na knekti srefi de wan pisi foe en toe. Disi e akroederi nanga na troe tori dati na ferteriman foe na agersitori, na Masra Jesus Kristus, na jeje fasi abi wan osofamiri. Ini Hebreër 3:4-6 disi ben skrifi: „Na Sma di ben meki ala sani na Gado. Mozes ben de getrow foe troe ini en heri oso leki wan dinari, leki wan kotoigi foe den sani di ben sa taki bakaten, ma Kristus de getrow leki Manpikin foe en égi oso. Na a bigin foe na naatsi Israël, na proféti Mozes ben poti na tapoe na oso foe den 12 lo foe Israël. Openbaring 7:1-8 e tjari kon na krin dati na „oso” de 144.000 jeje Israëlsma, di prati ini 12 lo foe ibri 12.000 sma. Na „oso” disi de soso foe jeje manpikin foe Gado, neleki na Edeman foe den, Jezus Kristus, ben de srefi na jeje manpikin foe Gado. Den disi ala makandra de na „pikin ipi”, èn soleki Jesus ben taki, dan Jehovab Gado, na hemel Tata, ben feni en boen foe gi den na hemel Kownoekondre. — Deut. 18:15-18; Luk. 12:32; Tori foe den Apostel 3:19-23.
9. Efoe wi taki dati na „knekti” de wan aparti kristen man, wan sma di den ben poti ini na fosi eeuw G.T. tapoe sortoe moeilijkheid wi e kon dan foe poti faste wan definitief ten foe na kon foe na masra?
9 Den 144.000 jeje manpikin foe Gado de soboen na „skin foe foetoeboi”, di na Masra, Masra Jezus Kristus, ben poti na „knekti” foe na agersitori na den tapoe. Soema na na agersi „knekti” disi (oikonomos, Griki; so-chen, Djoetongo — vertaling foe Delisch), de alaten wan stré a mindri sma di taki dati den de kristen. Efoe wi taki dati na „knekti” e agersi wan aparti kristen man, dan wi e kon ini toemsi bigi problema. Na agersitori foe eksempre e taki dati na masra foe na knekti e gwe go koiri èn foe wan pisi ten di no abi marki a no de èn e kon na oso baka tapoe wan joeroe di no poti faste. Ini na fosi eeuw G.T. wan faste ten no ben kan poti, bikasi na libisma-famiri no ben abi na a ten dati modern koemakriki sani leki na konkroetité, radio-communicatie nanga esesi mogelijkheid foe koiri nanga faste dienstregeling.
10. Sortoe moeilijkheid e kon foe na tori o owroe wan willekeurig kristen man ben sa moe de tapoe na ten, dati na „masra” ben sa kon?
10 Akroederi den wortoe foe Jesus, dan na „knekti” ben poti tapoe na „skin foe foetoeboi” bifo en masra ben gwe foe koiri. Foedi na masra foe na knekti ben de wan agersi fasi foe na Masra Jesus Kristus, dan en „knekti” foe datede ben poti na wroko bifo Jesus Kristus ben gwe tin dé a fesi foe a djoe pinksterfesa ini 33 G.T., foedi a opo go na hemel. Na a ten foe a drai baka foe a masra, na „knekti” ben sa de na libi èn doe getrow en frantwortoe di a ben kisi. Now 19 eeuw pasa kaba sensi Jesus Kristus ben gwe foe drai go baka na a oso foe en hemel Tata. Soboen, efoe wan sma sa taki dati na agersi „knekti” de wan agersi fasi foe wan aparti kristen man ini na troe kristen gemeente, fa a „knekti” disi ben sa kan de now ete na libi, baka di Jesus Kristus ben poti en na wroko ini na jari 33 G.T. foe wi fosi eeuw G.T.? Nowan enkri man ben libi oiti so langa, srefi no na barinen Methuslah. — Gen. 5:27.
11. San na „knekti” e agersi foe datede, na presi dati den wortoe disi e sori tapoe wan aparti kristen man, èn sortoe fundamenti foe bijbel de foe a loekoe disi?
11 Wan logis tak-go-tak-kon, nanga fundamenti densrefi sortoe bijbel eksempre, e sori krin, dati na „knekti” (oikonomos) e agersi wan klasse, wan collectief skin, èn di e akroederi nanga wan rechtspersoon, soleki wan corporatie, di na wèt foe na kondre e èrkèn. Jehovah Gado ben kari na heri naatsi foe na owroe Israël foe eksempre „mi knekti di mi ben teki” (Jes. 43:10). Na a srefi fasi na „knekti” e agersi na „pikin ipi” foe jeje Israëlsma, a heri groepoe, foe dopoe discipel foe na „masra”, Jesus Kristus, di ben gebore njoen nanga Gado jeje foe kisi na hemel goedoe makandra nanga na „masra” foe den, na glori Jesus. Na „knekti” disi, di ben de foe difrenti sma, ben de na libi èn na Masra di ben e gwe ben kan poti en na wroko, èn now wan fikapisi foe na „knekti”-klasse dati de na grontapoe èn e bewijsi dati a de getrow na a Masra Jezus Kristus. Foedi ala memre de getrow nanga koni, meki wi kan taki dati toe foe na heri klasse.
12. Nanga sortoe prakseri na „knekti” ben poti tapoe na „skin foe foetoeboi”, èn den troe tori e sori ofoe na „knekti”-klasse ben doe disi?
12 Ini na agersitori, na „knekti” ben poti na tapoe na „skin foe foetoeboi” foe en masra „foe tan gi den na a reti ten na marki foe njanjan” (Luk. 12:42). Nanga jepi foe na „knekti”-klasse na marki disi te nanga na dé foe tide ben kon troe. Ini na fosi eeuw G.T., dati ben de so ini den dé foe den 12 apostel foe Jezus Kristus, te leki na dede foe na laatste apostel di ben de ini libi, Johannes, di ben klari en laatste bijdrage na den Santa Boekoe ini na jari 98 G.T. (Joh. 21:20-23). Ini wi ten, ini na „bosroiti foe na seti foe sani”, di ben bigin ini na rampoe jari 1914, a ben sa de spesroetoe na „reti ten” foe prati na joisti „marki foe njanjan” na mindri na „skin foe foetoeboi”, èn disi foe troe ben sori dati a de so. Na fikapisi foe na „knekti”-klasse ben sori dati a de getrow ini disi. — Matt. 24:3-14.
13. San na Masra Jezus Kristus ben wani doe te a ben drai kon baka nanga na „knekti”-klasse, èn san na klasse disi ben doe te nanga a ten dati?
13 Disi e akroederi nanga na troe tori dati na Masra Jezus Kristus ini 1914, na a kaba foe den ten foe den heiden, ben go teki prati nanga en hemel Tata ini kownoekondromakti èn na so fasi te foe kaba ben kisi na sani di a ben go foe en (Luk. 19:12). A ben kan drai kon baka sondro sma ai si en foe datede, nanga na prakseri foe aksi en „knekti” frantwortoe. Te nanga na dé disi foe pai, a no ben de séker wan pikin wroko foe prati „na a reti ten na marki foe njanjan”. Ma den sma di de wan pisi foe na „knekti”-klasse ben wroko nanga makandra foe prati gi makandra na jeje „njanjan” na wan progressief fasi, aladi Jehovah Gado ben kari moro sma ete foe de erfgenaam foe na kownoekondre, èn foe de wan pisi foe na „pikin ipi”.
A POTI „TAPOE ALA EN GOEDOE”
14. Foe san-ede wan prisiri ten sa broko kon gi na „knekti” te en masra te a drai kon baka feni en leki srafoe e doe wroko?
14 Na Masra, na Masra Jezus Kristus, ben taki ini en agersitori foe wan getrow èn koni „knekti” foe en leki wan „srafoe” èn a ben taki: „Kolokoe na srafoe dati de te en masra feni en e doe dati te a kon!” Foe san-ede? Jezus e taki: „Mi e taigi joe ini waarheid: A sa poti en tapoe ala en goedoe.” — Luk. 12:43, 44.
15. Foe san-ede a ben sa prisiri na „knekti” foe ben poti tapoe ala „goedoe”?
15 Disi wani taki dati na „srafoe”, leki paiman foedi a ben sori dati a de getrow èn koni èn ini na froewakti foe na drai kon baka foe en masra ben tan alaten na ai, ben sa kisi wan moro bigi frantwortoe. Disi ben de wan sani di ben kan. Fa so? Foedi na masra, di ben go koiri, ben kisi wan sani tapoe wan boen fasi èn ben drai kon baka nanga moro dan leki san a ben abi di a ben gwe. En „goedoe” ben kon moro foeroe, sodati moro ben de, tapoe san en „getrow knekti” ben kan poti foe loekoe. Dati a ben tan hori na presi foe „knekti”, ben sa kan sori dati a ben o doe dienst ini wan moro bigi fasi. En Masra srefi ben drai kon baka ini wan moro bigi wroko dan leki pe a ben de na ini di a ben gwe foe en bepaalde boskopoe. Ini na disiten kontroe foe na agersitori disi, a ben de so nanga na fika-pisi foe na „knekti”-klasse èn a Masra foe den, na glori Jezus Kristus.
16. Foe sortoe wortoe foe Jezus a de kon na krin, dati na agersitori foe na „knekti” ben taki ini wan „faja” ten?
16 Ma fa wi kan taki dati a de so, dati wi e libi now ini na joisti ten pe na fika-pisi foe a „knekti”-klasse ben poti tapoe na moro bigi „goedoe” ofoe afersi foe na Masra. We, wan toe vers baka na agersitori Jezus ben taki: „Mi ben kon foe leti wan faja na grontapoe, èn san libi gi mi foe winsi efoe a leti kaba?” (Luk. 12:49). Na agersi tongo disi e akroederi nanga san Johannes na Dopoeman ben taki a fesi foe Jezus wantoe moen na fesi: „A sma dati sa dopoe oenoe nanga santa jeje èn nanga faja. En skopoe foe wai (foe prati na alési foe na boeba) de ini en anoe, èn a sa krin en floer foe sjoeroe alési dorodoro èn a sa tjari en alési kon makandra ini na maksin, ma a sa bron na boeba nanga faja, di no kan dede.” — Matt. 3:11, 12.
17. Soema ini Jesus ten ben sa kisi wan „faja” ondrofeni, nanga sortoe rampoe leki hémarki?
17 Den profétis wortoe dati e sori dati na faja kaba foe na djoe seti foe sani ben de foe kon. Den djoe di no ben teki na kristendom, ben sa ondrofeni wan faja pori neleki na boeba alési. Disi ben sa kon ini na pori foe Jeruzalem èn na panja foe den djoe komoto foe Palestina go na ala pisi foe na grontapoe. Ini 70 G.T. den Romein legre ben doe disi.
18, 19. (a) Sortoe agersitori di Jezus ben gi ini en profétitori foe na „marki” foe na „bosroiti foe na seti foe sani”, e akroederi nanga na agersitori foe na „knekti”? (b) Den sma di ben de wan pisi foe na klasse dati ben sori ini na bosroiti foe na djoe seti ini Palestina dati den ben de getrow èn koni èn fa a de ini na disiten „bosroiti foe sani” nanga na fika-pisi foe na klasse dati?
18 Dri-tenti-na-sébi jari bifo na agersi „boeba alési” ini 70 G.T. ben bron nanga faja di no kan dede. Jezus Kristus ben taki en profétitori, pe a ben tjari kon na krin na „marki” foe na faja „bosroiti foe na (grontapoe) seti foe sani” èn na marki foe en „de noja” ini jeje di no de foe si nanga ai. Pikinmoro na mindri sé foe na profétitori dati, a ben sori tapoe wan „getrow èn koni srafoe” di ben sa wroko na grontapoe te na grontapoe seti foe sani ben sa doro en kaba. Den wortoe foe Jezus foe na „srafoe” disi e akroederi boen nanga na „getrow, na koni knekti”. A de krin dati den abi foe doe nanga na srefi klasse, ma na wortoe „knekti” e sori spesroetoe tapoe na sortoe wroko di na „srafoe” e doe.
19 Loekoe san Jezus e taki: „Soema de troetroe na getrow èn koni srafoe, di en masra ben poti tapoe den osoknekti foe en foe gi den na a reti ten a njanjan foe den? Kolokoe na srafoe dati de te en masra feni en e doe so te a kon. Foe troe, mi taki gi oenoe: A sa poti en tapoe ala en goedoe” (Matt. 24:45-47). Den sma di ben de wan pisi foe na „getrow èn koni srafoe”-klasse, na „knekti”-klasse, ben doe dienst faja faja te na a kaba foe na djoe seti foe sani ini 70 G.T. Den sma di ben tan abra foe na „srafoe”-klasse, na „knekti”-klasse, ben sori ini na disiten „bosroiti foe na seti foe sani” sensi na jari 1914 G.T. dati den de getrow èn koni.
20. (a) Sortoe wortoe Jezus ben taki bifo a ben opo foe na Olijfbergi go na loktoe foe drai go na hemel? (b) Fa den sma di de wan pisi foe na fika-pisi foe a „knekti”-klasse ini disi ten de foe sabi nanga den wortoe disi?
20 Na fika-pisi foe na „knekti”-klasse wi kan kon sabi makriki now, bikasi den e handri akroederi nanga na sani di Jezus, na Masra, ben taki gi den sma, di ben de na fosi pisi foe na „knekti”-klasse. Let bifo Jezus ben opo foe na Olijfbergi go na loktoe foe drai baka go na hemel, a ben taki gi den: „Oen sa kisi tranga te na santa jeje kon na oen tapoe, èn oen sa de kotoigi foe mi na ini Jeruzalem èn ini heri Judéa nanga Samaria èn te na den moro farawe kontren foe grontapoe” (Tori foe den Apostel 1:8). Foe kan de kotoigi foe na Masra Jezus Kristus, dan den djoe discipel dati na a srefi ten ben moe de kotoigi foe en Gado èn Tata, Jehovah. Den noiti ben stop foe doe dienst leki Jehovah kotoigi.
21. Na kotoigi foe soema den djoe discipel dati ben de foe na gebortoe foe den ede èn oten den ben tron den fosi wan foe na „knekti”-klasse?
21 Den djoe discipel dati ben moe de kotoigi foe Jehovah, bikasi foe na gebortoe foe den ede den ben de wan pisi foe na naatsi, di Gado ben taki gi den fosten tata foe den: „’Oenoe de mi kotoigi’, so Jehovah taki, ’ja mi knekti di mi ben teki, . . . Foe datede meki oenoe de mi kotoigi’, so Jehovah taki, ’èn mi na Gado’” (Jes. 43:10-12). Den djoe kotoigi dati foe Jehovah foe datede ben moe de now ooktoe kotoigi foe en Manpikin Jezus Kristus. Tapoe na pinksterdé, tin dé baka di Jezus ben drai baka go na hemel, den ben kisi dopoe nanga na santa jeje èn na so fasi na glori Masra Jezus Kristus foe den ben gi den makti foe prati jeje njanjan gi en „skin foe foetoeboi”. Na so fasi den ben tron den fosi wan foe na „knekti” di ben de foe difrenti sma. Den ben gi na klasse disi wan toemsi moi bigin.
22. Wan pipel foe soema nen na „knekti”-klasse ben sa de speciaal èn fa krakti ben poti tapoe na sani disi baka 36 G.T tapoe wan spesroetoe konmakandra na Jeruzalem?
22 Na „knekti”-klasse disi de wan pipel foe Jehovah nen. Na sani disi ben kisi spesroetoe krakti wan pisi ten baka na jari 36 G.T. tapoe wan spesroetoe konmakandra foe den apostel nanga owroeman foe na gemeente Jeruzalem. Jakobus, na afoe brada foe Jezus Kristus, ben taki drape: „Simeon (dati wani taki, na apostel Simon Petrus) ben ferteri soifri fa Gado foe na fosi tron ben poti en prakseri tapoe den naatsi (den heiden di no ben besnij) foe teki a mindri den wan pipel foe en nen.” — Tori foe den Apostel 15:1-14.
23. Kotoigi foe soema na fika-pisi foe na „knekti”-klasse moe de ini a „bosroiti disi foe a seti foe sani”, èn a nen foe soema moe kari tapoe den?
23 Den sortoe djoe disi ben go de wan pisi foe na „knekti”-klasse foe na fosi eeuw. Leki wan baka pisi foe disi, meki na klasse disi ben de na salfoe pipel foe Gado nen, di de Jehovah. Na nen foe Gado, Jehovah, ben kari na tapoe den. Den no ben kan lon komoto foe dati foe de en kotoigi. Disi moe de so toe nanga na salfoe fika-pisi foe na „knekti”-klasse ini disi ten, now di na „marki” di de foe si nanga ai sensi 1914, e sori dati na masra foe na „knekti”-klasse di drai kon baka de noja èn dati „na bosroiti foe na seti foe sani” sa doro ibri momenti en hémarki ini Har-mageddon. — Matt. 24:3.
Leki wan loekoe baka foe na artikel foe na „Getrow knekti”, fa joe ben sa piki den aksi di e kon now?
◼ Soema de na „masra” ini na agersitori foe Jezus foe na „getrow knekti”?
◼ Soema de na „getrow knekti”?
◼ Soema de na „skin foe foetoeboi”?
◼ San de ini Hebreër 3:6 na „oso” di den poti Jezus na tapoe?
◼ Foe san-ede na „getrow knekti” no kan de wan aparti sma?
◼ Na „getrow knekti” de na srefi leki „na getrow èn koni srafoe”?
◼ Ini sortoe wroko na „getrow knekti”-klasse e teki fesi, sodati a de wan sani di kan now foe sabi na klasse disi?
[Prenki na tapoe bladzijde 3]
„Dan Petrus ben taki: ’Masra, joe e taki na agersitori disi gi wi ofoe ooktoe gi den alamala?’ Èn Masra ben taki: ’Soema de troetroe na getrow knekti, na koniwan?’” — Lukas 12:41.