Yesus libi nanga diniwroko

Yesus e go agen na Yerusalem

Yesus de esesi baka na pasi èn e leri fu foto go na foto èn fu dorpu go na dorpu. A de soleki a e sori na ini a distrikt Perea, na a abra sei fu na Yordaan liba, te yu luku en fu a sei fu Yudea. Ma a laste presi pe a o doro na Yerusalem.

Na dyu filosofie taki soso wan skotu nomru fu sma sa kisi ferlusu, de kande na reide fu san-ede wan man e aksi en: „Masra, a de pikinso sma nomo di sa kisi ferlusu?” Ini en piki Yesus e dwengi den sma fu go denki na a sani san de fanowdu fu kisi ferlusu: „Span yusrefi krakti [strei, ofu haswa] fu go na ini na naw doro.”

Sowan krakti muiti de tranga fanowdu „bika furu sma,” so Yesus e go mozofara, „sa proberi fu go na ini ma den no sa man fu go”. Fu san-ede den no sa man? A e tyari kon a krin taki ’te na Masra fu na oso opo kaba èn ben sroto na doro, èn sma de na dorosei di e naki a doro èn taki: „Masra, opo gi wi”, a sa taki: „Mi no sabi pe unu komoto. Komoto gwe fu mi, ala un wrokoman fu onregtvaardikifasi!”’

Den sma di den sroto a doro, a de krin e kon tapu wan ten di soso bun gi den. Ma na a ten dati a doro fu okasi sroto èn greni. Fu kon na ini sei, dan den ben mu kon moro biten, awinsi na a ten dati a no ben de so bun gi den. Iya, a sa waka na wan sari fasi nanga den sma di e poti en na tapu wan tra ten fu meki na anbegi fu Yehorah leki a moro prenspari marki ini den libi.

Den dyu di den ben seni Yesus go du dienst na den, moro furu ben misi fu meki gebroiki fu den tumsi moi okasi fu den fu teki a seti fu Gado fu kisi ferlusu. Yesus e taki fu dat’ede taki den sa krei èn kawtifi te den sa poti den na dorosei. Na a trasei sma fu „oost nanga west kontren . . . èn fu noordsei èn zuidsei.” iya, fu ala nâsi „sa didon na tafra na ini a kownukondre fu Gado”.

Yesus e go morofara fu dat’ede fu taki: „Yu abi lastewan [feragti no-dyusma èn dyu di den e kwinsi] di sa de den fosiwan èn yu abi fosiwan [di na skinfasi èn na a fasi fu kerki de dyu di abi nen] di sa de den lastewan.” Fu de den lastewan wani taki taki den sortu lesi sma disi di no de tangi kwetkweti no sa kon ini Gado kowukondre.

Now Fariseiman e kon na Yesus èn e taki: „Komoto gwe èn komoto fu dya, bika Herodes [Antipas] wani kiri yu.” Kande Herodes srefi ben panya a nyunsu disi fu tyari Yesus sofara fu lon komoto fu a kontren fu en. Herodes kande ben frede fu kon de ini a tori fu a dede fu ete wan profeiti fu Gado soleki ini a geval fu na dede fu Yohannes na Dopuman. Ma Yesus taigi den Fariseiman: „Go taigi na krabdagu dati: ’Luku! Tide nanga tamara mi e puru ogri eye tapu sma èn mi e dresi sma èn na di fu dri dei mi sa klari.’”

Te Yesus klari en wroko drape a e waka o na Yerusalem, bika — soleki fa a e tyari kon a krin — „primisi no gi taki wan profeiti dede dorosei fu Yerusalem”. Fu san-ede a de wan sani fu fruwakti taki Yesus sa dede ini Yerusalem? Fudi Yerusalem de a mama-foto pe na Sanhedrin-heikrutu de di e teri 71 memre èn pe sma e tyari den meti-ofrandi. Fu dat’meki primisi no ben sa gi taki na Lam fu Gado ben sa dede dorosei fu Yerusalem.

„Yerusalem, Yerusalem, di e kiri den profeiti èn di e ston den wan di ben seni kon na yu”, Yesus e kragi, „O furutron mi ben wani tyari yu pikin konmakandra tapu a fasi fa wan uma fowru e tyari den pikin fu en kon na ondro en frei, ma yu no ben wani! Luku! Den e libi yu oso leigi a baka.” Fudi na nâsi e trowe na Manpikin fu Gado, meki a mu dede!

Te Yesus e waka go morofara na Yerusalem, dan den e kari en kon na ini a oso fu wan tiriman fu den Fariseiman. A de sabbat èn den sma e luku en bun, fudi wan sma de drape di e siki na siki fu waterzucht — wan dyunta fu watra kande na ini en anu nanga futu. Yesus e taki nanga den Fariseiman nanga den sabiman fu na wet di de drape èn e aksi: „A mag fu dresi sma tapu na sabbat ofu no?”

Nowan sma e taki wan wortu. Dan Yesus e dresi a man èn e seni en gwe. Dan a e aksi: „Suma fu unu te en manpikin ofu en kaw fadon na ini wan peti, no sa hari en puru wantewante tapu na sabbat dei?” Agen nowan sma de di e taki ooktu wan wortu baka. Lukas 13:22–14:6; Yohannes 1:29.

◆ San de fanowdu soleki Yesus e sori fu kisi ferlusu èn fu san-ede furu sma e poti a doro?

◆ Suma de den „lastewan” di e tron den fosiwan, èn den „fosiwan” di e tron den lastewan?

◆ San de kande na reide fu san-ede den e taki taki Herodes wani kiri Yesus?

◆ Fu san-ede primisi no e gi taki wan profeiti dede dorosei fu Yerusalem?