Jezus libi nanga diniwroko
A oema ben fasi en krosi
A NJOENSOE foe a drai di Jezus ben drai baka foe Dékapolis e doro na Kapernaum, èn wan bigi ipi sma e kon makandra na a sjoro foe na se foe bar en wan switi kon baka. Sondro degedege den ben jere dati a ben bedari na bigi winti èn ben dresi den man di ogri jeje ben de na den tapoe. Te a be go now na sjoro nanga prisiri èn foeroe ferwakti den e poesoe go lontoe en.
Wan sma di nanga ala prisiri wani taki nanga Jezus, na Jaïrus, wan fesiman dinari foe na djoe kerki. A e fadon na Jesus foetoe èn e begi en alaten baka: „Mi oemapikin e siki srefsrefi. Kon grantangi èn poti joe anoe tapoe en sodati a man kon betre èn tan a libi.” Jaïrus spesroetoe lobi en srefsrefi foedi a de na wan enkri pikin foe en èn a de soso twarfoe jari nomo.
Jezus e gi jesi na a aksi foe en, èn na ipi sma e waka go nanga en na a oso foe Jaïrus. Wi kan tjari kon na prakseri fa den sma de nanga span ini a ferwakti foe wan njoen wondroe. Ma wán oema ini a ipi abi spesroetoe prakseri gi en égi serjoesoe problema.
Twarfoe jari kaba na oema disi e njan pina foe wan lon foe broedoe. A waka foe a wan datra go na a trawan èn a ben pai ala moni foe feni betre. Ma a no ben jepi en notnoti; a siki foe en ben kon srefi moro ogri.
Soleki fa joe kan froestan kande, dan a kon swaki srefsrefi, no wawan foe na siki foe en, ma foedi a e tjari kon ini ferlégi èn kisi broko saka. Ini algemeen dan nowan sma e taki nanga prisiri na publiki foe sowan siki. Boiti foe dati dan leki fa a wet foe Mozes taki dan wan oema di abi wan lon foe broedoe alaten de wan sma di no krin èn ala sma di fasi en ofoe a krosi foe en di abi broedoe, de ferplekti foe wasi ensrefi èn tan te neti wan sma di no krin.
Na oema e jere foe den wondroe di Jezus ben doe èn now ai kon loekoe en. Te joe loekoe a krin di a no krin den ai boewegi ensrefi na wan fasi di sma no moe si en mindri na ipi foe sma èn ai taki na ensrefi: „Efoe soso nomo mi fasi en tapsé krosi mi sa kon betre.” So esi leki a doe disi a e firi taki a lon foe broedoe e kon dré!
„Soema fasi mi?” Fa den wortoe dati foe Jezus ben moe seki en! Fa a kan sabi dati now? ’Leriman,’ Petrus e protesteer, ’na ipi sma lontoe joe èn poesoe kon krosbé foe joe èn joe e taki: „Soema fasi mi?”’
Jezus ben loekoe lontoe soekoe na oema èn e tjari kon a krin. „Wan sma fasi mi, bika mi ben si dati krakti komoto foe mi.” Nono, disi a no somaar wan fasi, bika foe a kon betre di pasa nanga dati libikrakti foe Jezus ben gebroiki.
Te na oema e froestan dati a no kan tan sondro den si en, nanga béfi ati ai kon na fesi èn ai trowe ensrefi na gron. Na fesi foe ala sma ai ferteri dati na heri troe foe na siki foe en èn na fasi tapoe fa a ben kon betre djonsro de.
Jezus di ati ben kon ini boewegi foe ala sani di a frow ben taki, e trowstoe en nanga sar-ati nanga den wortoe: „Oemapikin, a bribi foe joe ben meki joe kon betre. Go ini vrede èn tan betre foe na serjoesoe siki foe joe.” Fa a de wan switi sani foe sabi dati a sma di Gado ben teki foe tiri abra a grontapoe e firi sani so waran èn de nanga sari èn dati en no wawan lobi den libi sma ma ooktoe abi a makti foe jepi den! Mattéus 9:18-22; Markus 5:21-34; Lukas 8:40-48; Leviticus 15:25-27.
◆ Soema na Jaïrus, èn foe san-ede a e kon na Jezus?
◆ Sortoe problema wan oema abi, èn foe san-ede a feni en sowan moeilek sani foe kon na Jezus foe kisi jepi?
◆ Fa na oema kon betre, èn fa Jezus ben trowstoe en?