Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • w87 1/11 blz. 11
  • San e doti libisma?

Felem no de na a pisi disi.

Sorry, wan sani no go bun di wi pruberi fu drai a felem.

  • San e doti libisma?
  • A Waktitoren—A e taki fu Yehovah Kownukondre 1987
  • A srefi sortu tori
  • San e doti wan sma?
    A moro bigi man di oiti ben libi
  • San e doti wan sma trutru?
    Yesus—En na a pasi, en na san tru, en na a libi
  • Yesus e dresi sma tapu Sabat-dei
    Moi les di yu kan leri fu Bijbel
  • Den Fariseiman e poti aksi gi a man di ben breni
    Yesus—En na a pasi, en na san tru, en na a libi
Moro sani
A Waktitoren—A e taki fu Yehovah Kownukondre 1987
w87 1/11 blz. 11

Yesus libi nanga diniwroko

San e doti libisma?

NA GENS teige Yesus e kon moro tranga. No wawan furu fu en disipel e gwe, ma dyu ini Yudéa e suku fu kiri en, soleki den ben du ooktu di a ben de ini Yerusalem na a ten fu na Pascha fu 31 G.T.

A de now a Pascha fu 32 G.T. A de seiker dati Yesus e go na Yerusalem fu nyan na Pascha fu di a e gi yesi na a vereiste fu Gado. Ma na wan koni fasi a e du sani fu di en libi de ini kefar. Baka dati a drai go na Galiléa.

Yesus de kande ini Kapernaüm pe Fariseiman nanga meester fu wet fu Yerusalem e kon na en. Den e suku reide fu kragi en fu a pasa fu wet fu a fasi fu anbegi Gado. „Fu san-ede den disipel fu yu e psa mofo-taki fu den man fu fositen?” Na aksi fu den de. „Den no e wasi fu eksempre den anu let bifo den o nyan.” Disi no de wan sani di Gado e aksi, ma ete den Fariseiman e si den leki wan bigi sondu te wan sma no du na traditioneel gwenti disi pe den anu e wasi helemaal go to na den baka-anu.

Na presi dati Yesus go piki na kragi fu den, a e sori den dati densrefi tapu wan goddelowsu èn espresifasi e psa a gebod fu Gado „fu a bun fu den mofotaki fu unu?” a wani sabi. „Gado ben taki fu eksempre: ’Respeki un tata nanga mama’, èn: ’A sma di skempi papa ofu mama mu pai en nanga dede.’ Ma unu e taki: ’Ala sani nanga san mi ben kan dini yu, de wan presenti di gi abra na Gado’, no a fu gi en papa grani kwetkweti.”

Den Fariseiman e leri trutru dati moni, gudu san a kan de ooktu leki wan presenti di gi abra na Gado, de fu na tempel, èn no mu gebroiki gi no wan tra sani. Ma te yu luku en bun dan na presenti di gi abra e tan de a gudu fu na sma di ben gi en abra. Wan manpikin di e du sowan sani fu di a e taki eenvoudig dati en moni ofu en gudu de „korban” — wan presenti di gi abra na Gado ofu na tempel — e hari ensrefi puru fu en frantwortu fu yepi en grani papa nanga mama di kan de ini kefar — lek bigi nowtu.

Nanga leti Yesus nanga atibron fu na goddelowsu drai fu na wet fu Gado di den Fariseiman drai na wet e taki: „Yu ben meki a Wortu fu Gado de sondro krakti fu a bun fu den mofotaki fu unu. Hoigriman, nanga reti Yesaya ben taki na fesi fu unu di a ben taki a fesi: ’Na pipel disi e gi grani na mi nanga den mofobuba, ma den ati de fara fu mi. Fu soso den e tan anbegi mi, fu di den e leri libisma gebod leki leri.’

Kande den ipi sma ben hari go tanapu moro na baka fu gi den Fariseisma a okasi fu aksi Yesus sani. Now den Fariseisma no ben abi wan piki tapu Yesus krakti pir’ai gi den, meki a e kari den ipi sma kon na en. „Arki . . . na mi”, a e taki, „èn frustan san a wani taki. Noti di e komoto dorosei go ini libisma, kan doti en, ma san e komoto fu inisei fu libisma dati e doti libisma.”

Bakaten te den o go ini wan oso, den disipel e aksi: „Yu sabi dati den Fariseisma di den ben yere den wortu fu yu ben nakifutu na dati?”

„Ibri bon di mi Tata no ben prani, sa hari puru”, Yesus ben piki. „Meki den du. Den de breni tyariman. Efu now wan breniman e tyari wan breniman dan alatu sa fadon ini wan olo.”

Yesus e ferwondru te Petrus fu na bun fu den disipel e aksi fu tyari ala sani kon krin di abi fu du nanga san e doti libisma. „Unsrefi no kisi frustan ete?” Yesus e piki. „Un no e frustan dati ala sani san go ini a mofo, via a bere e kon ini na gotro? Ma san e komoto fu na mofo, e komoto fu na ati èn dati e doti libisma. Fu na ati e kon fu eksempre goddelowsu praksori, kiri, sutadu, hurudu, fufuru, falsi kotoigi, lei. Den sani dati e doti libisma: ma fu nyan nanga anu di no wasi wan nyanyan, no e doti libisma.”

Yesus no e meki sma lasi ati fu normaal de krin. A no e taki dati wan sma no afu wasi en anu bifo a sreka wan nyanyan ofu go nyan wan nyanyan. Yesus e krutu moro furu na hoigrifasi fu kerki tiriman di tapu wan bidrigifasi e pruberi fu dukrun psa den regtvaardiki wet fu Gado fu di nanga tranga e wani hori na den gwenti di no komoto fu bijbel. Iya, goddelowsu du e doti libisma, èn Yesus e sori dati den disi feni den bigin ini na ati fu libisma. Yohannes 7:1; Deuteronomium 16:16; Mattéus 15:1-20; Markus 7:1-23; Exodus 20:12; 21:17; Yesaya 29:13.

◆ Sortu gens Yesus e kisi now?

◆ Sortu kragi den Fariseiman e taki, ma fa den Fariseiman e psa a wet fu Gado fu espresi leki fa Yesus taki?

◆ San na den sani soleki Yesus e tyari kon na krin di e doti libisma?

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma