Sondro fu trow ma toku yu de bun dorodoro gi na dienst fu Gado
„Ooktu a sma di e trow en nyun wenkefasi e du bun, ma a sma di no e trow en, sa du moro bun.” — 1 KORINTE 7:38.
1. Fa na trowlibi sori taki a de wan blesi?
YEHOVAH no ben ferwakti noiti fu na fosi libisma dati a ben tan sondro fu trow. Gado moro furu ben meki wan trowpatna gi Adam, na fosi tata fu na libismafamiri (Genesis 2:20-24; Tori fu den Apostel 17:26). Èn fa na trowlibi ben de wan blesi! A ben sorgu fu matifasi, a gi fu yepi a makandra ben de mogelijk, a ben de wan krin seti fu meki pikin kon gebore èn fu wan bigi pisi a ben tyari koloku gi libisma. Iya, srefi den pôtiwan èn den wan di e kisi kwinsi kan ondrofeni na sani san nowan enkri moni kan bai — a lobi fu a trowlibi! — Heisingi 8:6, 7.
2, 3. (a) San de na prakseri fu na celibaat èn na trowlibi ini wan kerki publikatie? (b) Fa wi mu si a trowlibi leki fa a bijbel e si en?
2 Ma son sma e si a trowlibi tra fasi. Ini wan kerki publikatie den e taki: „Na celibaat de na kerkiwet ini na westsei kerki di de gi kerki fesiman èn di wani taki dati den sma di trow, no kan wije èn den di kisi wan moro hei wijding, no kan go trow. Na ondro disi ooktu na plekti de fu hori densrefi na wan pramisi di kon fu wan sweri fu hori densrefi krin. Den reide fu disi de: sodati den sma di den ben wij, kan dini Gado nanga wan moro bigi marki fu gi densrefi abra krinkrin ini a dini fu Gado (1 Kor. 7:32), èn dati den na a fasi dati sa libi wan libi fu hori densrefi farawe fu bepaalde sani, na toestand fu nyunwenkefasi, di de moro santa èn moro hei leki na trow toestand. Ini na NT [Nyun Testamenti] na celibaat ofu na nyunwenkefasi poti moro hei leki na staat fu wan trowsma.” — The Catholic Encyclopedia, di Robert C. Broderick meki.
3 A ferplekti celibaat kan de trutru ’moro santa èn moro hei leki na trowlibi’? No leki fa Paulus wortu ini na katholiek Petrus Canisiusvertaling fu na Nyun Testamenti e taki, pe tanapu: „Na yeye e taki nanga krakti, dati ini den laatste ten son sma sa fadon komoto fu na bribi, èn sa gi yesi na bedrigi yeye èn didibri leri, nanga na hoigrifasi fu leiman, di ben bron den eigi konsensi. Sma di e tapu fu sma trow èn fu nyan nyanyan, di Gado ben meki, fu den sma kan gebroiki, di e bribi èn ben erken na waarheid nanga a taki fu tangi” (1 Timóteus 4:1-3). A trow de te yu luku en bun wan presenti di komoto fu Gado èn a de wan bun presenti. — Ruth 1:9.
4. Sortu aksi e kon a fesi te wi luku 1 Korinte 7:38?
4 Aladi na trowlibi de wan presenti fu Gado, toku na apostel Paulus ben skrifi: „Ooktu na sma di e trow en nyunwenkefasi e du bun ma na sma di no e trow en, sa du moro bun” (1 Korinte 7:38). Fu san-ede Paulus ben sori dati a ben sa de moro bun fu tan sondro trow? Wan sma di no trow mu firi en srefi dati a no de bun dorodoro? Èn a fasi fu no trow de kande wan di e pai?
Na sani pe na libi fu wan kristen e drai lontu en
5. San mu de a mama fu a tori pe a libi fu wan kristen e drai lontu en?
5 A dini fu Yehovah mu de a sani pe wi heri kristen libi e drai lontu en, efu wi de now sondro dati wi trow ofu wi trow. Te wi nanga prisiri e du santa dienst gi Gado, dan wi e sori dati wi lobi en trutru leki na universele Soeverein. Opregti gi yesi èn teki prati na a kristendiniwroko fayafaya de fu si fu sori na lobi disi trutru (1 Yohannes 5:2, 3; 1 Korinte 9:16). Efu wan sma no trow, dan a kan du na diniwroko èn ooktu tra du fu gi yesi di de ini akruderi nanga na wani fu Gado.
6. Wan diniwroko di e du fayafaya e gi wi na okasi fu du san, ofu wi trow ofu no trow?
6 Evangeliumpreikiman e du now na kownukondrepreikiwroko fu prijse Yehovah. Èn efu wi de now dati wi trow ofu no trow, wan diniwroko di e du fayafaya e gi wi na okasi fu gebroiki wantu fu wi persoonlek gudu èn talenti ini a dienst fu Gado. Ma wi mu gebroiki wi omstandigheden so bun leki wi kan, èn hori den ini anu, sodati na diniwroko alaten e tan teki na fosi presi ini wi,libi èn no sa pusu komoto fu drape. Wi mu ’suku fosi a kownukondre’ (Mattéus 6:33). A e gi prisiri fu hori wisrefi bezig nanga belang fu Gado na presi fu persoonlijk belang.
Bun dorodoro gi na diniwroko
7. Fu sortu eksempre e kon na fesi dati wan kristen di no trow kan de bun dorodoro gi na diniwroko?
7 Kristensma kan de bun dorodoro gi na diniwroko, ofu den de now sondro fu trow ofu trow. Na fasi di wan sma de na ini dati a no trow de sobun wan fasi di a no de fanowdu dati a mu kenki (Teki gersi 1 Korinte 7:24, 27. Sobun a Wortu fu Gado no e teki na standpunt fu son lo dati wan man de pas wan trutru man te a trow. Yesus Kristus ben dede leki wan man di no ben trow èn na wan enkri uma di Gado ben poti gi Yesus de wan yeye bruid ini hemel (Openbaring 21:2, 9) Toku a Manpikin fu Gado aladi leki libisma a no ben trow, ben de na moro aparti eksempre fu wan sma di ben de bun dorodoro gi na wroko.
8. Soleki Paulus e meki wi si, dan na toestand fu de sondro fu trow e gi wan sma na okasi fu du san?
8 Te yu luku en bun dan na fasi dati wan sma no trow e gi wan sma moro bigi persoonlijk fri èn moro ten gi na diniwroko. Di Paulus ben rikomanderi na fasi fu de sondro trow, a ben taki: „Mi wani dati unu de fri fu sorgu. Na man di no trow e broko en ede gi den sani fu Masra, fa a sa kisi a bunati fu Masra . . .. Morofara na uma di no trow, èn ooktu na nyunwenke, e broko ede fu den sani fu Masra” (1 Korinte 7:32-34). Disi abi fu du nanga kristen di no trow èn nanga den sma di ben trow wan dei ma di den omstandigheden fu den ben kenki sodati den ben go baka ini na toestand fu no trow. — Mattéus 19:19; Romeini 7:2, 3.
9. Fa e kon a krin ini na eksempre fu Yesus dati na toestand fu de sondro fu trow no e meki wan sma no de bun gi na kristendiniwroko?
9 Na doro fu lepifasi na skin-fasi, ini ferstan èn yeyefasi, e meki wan sma de bun dorodoro, gi na dienst fu Gado. Yesus no ben abi wan trowpatna fanowdu fu ben kan teki na rol fu na Moro Prenspari dinari na tapu en dorodoro èn fu de na sma nanga yepi fu suma na ferlusu ofrandi ben sa gi (Mattéus 20:28). Fudi Yesus ben de sondro fu trow, dan a ben gi ala san a ben abi gi diniwroko. Na fasi pe a ben de na ini dati a no ben trow ben kenki srefsrefi fu san ben normaal na den dyu, dati wani taki dati bigi waarde ben e poti na a trowlibi èn na a abi fu pikin. Toku Yesus ben bun dorodoro fu klari a wroko di Gado ben gi en (Lukas 3:23; Yohannes 17:3, 4). Dati wan sma no trow no e meki en fu dat’ede dati a no bun dorodoro gi na kristendiniwroko.
Sma di trow de „prati”
10. San Paulus ben taki fu den sma di trow te yu teki den gersi nanga den sma di no trow fudi den sma di trow „de wán skin” nanga den trowpatna fu den?
10 Kontrari nanga den sma di no trow, dan kristen di trow musu hori na prakseri ini a feti di den e feti baka a diniwroko fu den, dati den de „wán skin” nanga den trowpatna (Mattéus 19:5, 6). Fu na matifasi dati ede èn fu den difrenti frantwortu di ai tyari nanga en, meki Paulus ben taki dati trowsma de „prati”. A ben skrifi: „Mi wani dati unu de fri fu sorgu. Na man di no trow e broko-ede gi den sani fu Masra, fa a sa kisi na bunati fu Masra. Ma na trowman e broko-ede gi den sani fu a grontapu, fa a sa kisi na bunati fu en uma, èn a prati, Morofara na uma di no trow, èn ooktu na wenke, e broko-ede nanga den sani fu Masra, fu de santa ini en skin èn ini en yeye. Ma na trowuma, e broko en ede fu den sani fu na grontapu, fa a sa kisi na bunati fu en man. Ma mi e taki disi fu un eigi bun, no fu trowe wan trapu lontu unu, ma fu buweigi unu fu san de bun èn san wani taki a dini fu Masra doronomo, sondro fu sani puru unu prakseri.” — 1 Korinte 7:32-35.
11. San Paulus e meki kon a krin na ini 1 Korine 7:32-35?
11 A de krin dati Paulus ben rikomanderi na fasi fu de sondro fu trow leki wan libifasi nanga mendri sani di e puru wan sma prakseri. A kan de dati ensrefi ben de wan weduwenaar di ben teki a bosroiti fu no trow baka (1 Korinte 9:5). A winsi fa a no fa a ben sabi dati na trowltbi na ini a grontapu disi no de fri fu sorgu. A ben meki kon a krin dati kristensma di no trow kan prisiri ini wan bepaalde marki fu fri èn dati bribiwan di trow musu prati a prakseri fu den a mindri skinafersi èn yeye-afersi. Wan sma di trow no abi na makti krinkrin abra en skin, bika en trowpana de wan skin nanga en èn fu dat’ede abi reti tapu en skin (1 Korinte 7:3-5). Nanga disi na ini prakseri meki Paulus nanga leti ben taki dati na kristen di no trow kan de santa, dati wani taki akruderi skin èn yeye kande aparti dorodoro èn de drape fu Yehovah Gado gebroiki en wantewante.
12. San wan sma di no trow kan du fudi a no abi wan trowpatna?
12 Na yeye ofu na yeyefasi di de moro furu fu wan kristen di no trow e buweigi en fu du dienst fayafaya sondro fu sani puru en prakseri fu na bun fu a kownukondre fu Gado. Fudi a no abi wan trowpatna di fu wan pisi abi fu taki tapu en skin, meki a kan handri ini akruderi nanga na yeye ofu firi fu en ferstan èn ati. A kan trowe ensrefi go krinkrin nanga skin èn yeye tapu Yehovah dienst. Na man ofu frow di no trow sobun kan poti ensrefi moro bun a tapu fu plisi Masra wawan fudi a abi a moro bigi persoonlijk fri. Wi no kan meki bezwaar teige san Paulus ben taki, bika Yehovah ben feni en bun fu den wortu fu en ben skrifi fu leri wi.
Wan sma di trow no de bun dorodoro?
13, 14. Nanga sortu fowtu waka nanga libi wan sma e sori dati no abi respeki gi na „wan skin”-matifasi èn wan sma di trow no ben sa de bun gi na kristendiniwroko?
13 Nanga na fowtu prakseri dati den ben sa kan du moro ini a dienst fu Gado, meki son trow kristen kande ben gi wan mendri prenspari presi ini den libi na a trow fu den. Na uma ben sa kan go handri fu eksempre ini prenspari pisi onafhankelijk fu en masra. Gemeente activiteit ben sa kan teki kande na masra krinkrin abra. Ondro den sortu omstandigheden disi kande den ben sa kon na a bosroiti dati a e go bun nanga den ini Yehovah dienst. Ma te yu luku en bun dan den e waka kande wan fasi nanga san den e sori taki den no sori respeki gi na trow matifasi, di e meki man nanga uma de wan „skin”. Efu dati de so, dan disi no ben sa plisi Yehovah.
14 Te yu luku en bun dan a no sori fu respeki gi na „wan skin”-matifasi ben sa meki wan trowsma no de bun dorodoro gi na kristendiniwroko. A trow no e meki wan sma tron wan sma di de moro bun dorodoro gi na diniwroko, ma morofuru e meki dati moro mendri persoonlijk prakseri kan poti na a diniwroko. (Teki gersi nanga Lukas 14:16, 17, 20.) Ma efu trowsma wani plisi Gado èn de bun dorodoro leki dinari, dan den mu du den trowferplekti.
De sondro fu trow fu a bun fu a kownukondre
15. (a) Sortu fasi kristensma di no trow mu kweki? (b) Sortu fundamenti punt ini a tori fu a trowlibi èn fu de sondro trow Paulus ben meki kon a krin ini 1 Korinte 7:36, 37?
15 Aladi trowdienstknegti fu Yehovah mu du den trowfrantwortu, dan den kristensma di no trow mu kweki tevredefasi ini na bun di den bun dordoroo leki sma di no trow. Soleki Paulus ben taki: „Gi den wan di no trow èn den weduwe now mi e taki dati a bun gi den efu den tan soleki mi (sondro fu trow). Yu tai na wan uma? No suku fu kon fri. Yu no tai moro a wan uma? No suku wan uma” (1 Korinte 7:8, 27). Te yu no trow, kweki nanga na yepi fu Yehovah na toestand fu tan faste, di Gado e meki de mogelijk. Wan kenki fu toestand no mu de wan sani di mu de poti a fesi kaba ofu a no mu de wan sani di soso de gwenti fu na presi pe yu e libi ofu druk di kon fu sma fu yu libi marki. Sowan sani moro furu mu kon efu wan fanowdu fu na sei fu na bijbel de, bika Paulus ben taki: „Ma efu wan sma e denki dati a e tyari ensrefi tapu wan fasi di no fiti ini a tori fu en nyunwenkefasi, efu en ben pasa na bromki fu en yongu yari, èn disi de a fasi tapu fa a mu psa a e du san a wani; a no e sondu. Meki den trow. Ma efu wan sma tanapu faste ini en ati, no e firi a fanowdu, ma abi na makti tapu en eigi wani èn ben teki ini en ati na bosroiti fu kibri en nyun wenke fasi, a sa du bun.” — 1 Korinte 7:36, 37.
16. (a) San a wani taki ’fu pasa na bromki fu den yongu yari’? (b) Wan kristen di e tan sondro fu trow mu abi na overtoigi fu san?
16 Na sofasi Paulus meki wi si dati a no ben sa de fowtu fu trow efu wan sma e feni dati a e tyari ensrefi tapu wan fasi di no fiti ini a tori fu en nyunwenkefasi, aladi na apostel sondro degedege no e poti praksri nanga dati tapu bigi sondu. Soleki a ben taki afesi kaba: „A moro bun fu trow leki fu bron fu lostu” (1 Korinte 7:9). A no de fu taki dati a ben bedoel dati na sma di ondro den sortu omstandigheden disi ben sa trow, ben musu „psa na bromki fu den yongu yari”, iya ben abi na ten na baka den di na seksuele belangstelling ben abi den biginbigin tranga ini den anu. Leki wan sma di e lepi „ben abi na makti abra en eigi wani” èn ini en ati ben teki na faste bosroiti fu meki presi gi na stand fu no trow, dan a ben sa du bun. Fu meki na toestand fu de sondro fu trow waka bun no wani taki fu poti doronomo na yu ondro na lostu di tan hori nomo èn di pikinmoro yu no man wini fu trow èn fu abi wan osofamiri. Na presi fu dati, na kristen di teki na bosroiti fu tan sondro fu trow mu abi na faste overtoigi na ini en ati dati a de ini en geval yoisti fu tan sondro fu trow, èn dati a de klarklari fu du ala muiti di de fanowdu fu tan hori faste na a staat dati ini seksuele krinfasi. Wan kristen di e du disi, sani moro mendri sa puru en prakseri èn sa abi moro bigi fri fu dini en Masra.
17. Fu san-ede leki fa Yesus taki son sma e tan sondro fu trow?
17 Kristensma di no trow sa kisi yepi fu tan sondro fu trow efu den sa kweki na yeye fu Yesus Kristus. Aladi a no ben trow na ini wan kulturu di ben poti tapu wan kraktifasi tranga tapu na trowlibi dan a ben gi en ten nanga talenti krinkrin na e dini-wroko di noiti bô drai kon baka. Wan kristen di no trow kan prisiri na net so wan fasi leki Yesus ini na presenti fu na staat, dati a no trow èn di Gado e gi na den sma di e meki presi fu dati. Fu disi Yesus ben taki: „No ala sma e meki presi gi na wortu disi, ma soso den di abi na presenti. Bika yu abi eunuch di abi na presenti. Ma yu abi eunuch di kon gebore so fu den mama bere, èn yu abi eunuch di sma meki den tron eunuch, èn yu abi eunuch di ben meki densrefi tron eunuch fu na bun fu na kownukondre fu hemel. A sma di man meki presi fu dati, meki a meki presi fu dati.” — Mattéus 19:11, 12.
18. San e tapu den sma di „de eunuch” fu a bun fu a Kownukondre fu go ini wan trow?
18 Yesus no ben taki dati wan sma di no trow de moro bun leki wan sma di trow. A no ben gi tranga fu de sondro fu trow soso fu kan abi wan libi sondro sorgu èn seiker a no ben gi a rai fu de sondro fu trow nanga na marki na fesi dati na sma di no trow ben sa kan poti en prakseri tapu wan lo sma fu na tra sekse. Nono, den sma di e meki densrefi de „eunuch” fu na bun fu na Kownukondre, morofuru de sma di abi wan moreel soifri-retifasi èn di ini den ati meki presi gi na toestand fu de sondro trow. San e tapu den fu go trow? No a wan ofu tra fowtu na skinfasi ma wan bigi lostu di de tapu ala sani fu poti densrefi someni leki a kan fu a dienst fu Gado. A dienst disi spesrutu de now prenspari fudi a Kownukondre ben opo na ini hemel na ini 1914 èn na „bun nyunsu disi fu na Kownukondre” mu preiki na a heri grontapu leki wan kotoigi bifo na kaba di e kon esesi fu na seti fu sani disi di o go ini pori e kon. — Mattéus 24:14.
Prijs den kristen di no trow
19. San ala kristen mu du ini tori fu den sma di e tan de sondro fu trow fu na bun fu na Kownukondre?
19 Ala kristen musu prijse èn gi dekati na den sma di fu na bun fu na Kownukondre tan sondro fu trow. Te yu luku en bun, dan tan sondro fu trow, wani taki „a dini fu Masra doronomo . . . sondro fu sani puru un prakseri” (1 Korinte 7:35). Papa nanga mama ben sa du bun fu leri den pikin san na bijbel e taki fu na toestand fu de sondro fu trow èn den winimarki de tai na dati ini a tori fu na dienst gi Yehovah. Wi alamala kan gi dekati na kompe bribiman di no trow èn wi no sa nyan a bosroiti fu den noiti na ondro fu de sondro fu trow fu na bun fu na Kownukondre.
Fa na piki fu yu sa de?
◻ San mu de a mama fu a tori pe na libi fu wan kristen e drai lontu en?
◻ Fu san-ede dienstknegti fu Yehovah di no trow kan de bun dorodoro gi na kristendiniwroko?
◻ Na sortu fasi wan trow sma no ben kan de bun dorodoro?
◻ San a wani taki fu de wan „eunuch” fu a bun fu a Kownukondre?
◻ Fu san-ede wi mu gi kristen di no trow dekati?
[Prenki na tapu bladzijde 2]
Aladi na apostel Paulus no ben trow toku a ben de bun dorodoro
[Prenki na tapu bladzijde 3]
Yesus ben de a moro aparti eksempre fu wan sma di ben bun dorodoro gi na diniwroko
[Prenki na tapu bladzijde 5]
Yu e prijse den sma di fu na bun fu na Kownukondre e tan sondro fu trow?