Yesus libi nanga diniwroko

Den ben kisi en

ALADI na wiwirikampu fesa ben de ete, dan den kerki fesiman e seni skowtu fu kisi Yesus. A no e du muiti fu go kibri. Yesus e tan gi leri na publiki èn a e taki: „Ete wan syatu ten mi e tan na unu èn dan mi e go na en di ben seni mi kon. Unu sa suku mi, ma un no sa feni mi èn pe mi de unu no kan kon.”

Den dyu no ben frustan disi, èn fu dat’ede den ben taki nanga makandra: „Pe na man disi abi a prakseri fu go, sodati un no sa feni en? A no abi a prakseri tog fu go na den dyu di panya a mindri den Griki èn fu go gi leri na den Griki? San den wortu disi wani taki, di a ben taki: ’Unu sa suku mi, ma unu no sa feni mi, èn pe mi de, unu no kan kon’?” Yesus a no de fu taki ben taki fu a dede fu en di e kon èn en opobaka go na hemel pe en feianti no kan go na en baka.

A di fu seibi èn lasti dei fu na fesa e doro. Ibri mamanten fu na fesa wan priester ben kanti watra, di ben teki fu na watra-beki fu Siloam, sodati a ben sa lon go na a futu fu na altari. Aladi Yesus kande e memre den sma na a ala dei ceremonie disi, a e bari taki: „Efu wan sma ani dreiwatra, meki a kon na mi èn dringi. Suma e poti bribi ini mi, soleki den buku ben taki: ’Fu en inisei liba fu libi watra sa lon.’”

Te yu luku en bun dan Yesus e taki dya fu den moro bigi bakapisi di sma kan fruwakti te santa yeye sa kanti kon. Na tra yari na kanti kon fu santa yeye e feni presi nanga Pinksteren. Te den 120 disipel e bigin fu dini den sma dan liba fu libi watra e bigin lon. Ma te tapu a dei dati, no wan yeye ini a fasi dati, wan disipel fu kristus ben kisi salfu nanga santa yeye èn ben kisi kari fu hemel libi.

Leki reactie tapu Yesus preikiwroko son sma e taki: „Disi na seiker na profeiti”, a de krin dati den e sori na tapu na pramisi profeiti di ben sa de moro bigi leki Mozes. Trawan e taki: „Disi na a Kristus.” Ma trawan baka e protesteer: „Na Kristus te yu luku en bun no e kon tog fu Galiléa? Den buku no ben taki dati na Kristus e kon fu na famiri fu David, èn fu Bethlehem, na dorpu pe David ben gwenti fu de?”

Sobun pratifasi e kon a mindri a ipi sma. Sonwan wani fu den kisi Yesus ma no wan sma e poti anu na en. Te den skowtu e drai kon sondro Yesus den heipriester èn Fariseiman e aksi den: „Fu san-ede yu no ben tyari en kon?”

„Noiti wan tra sma ben taki tapu a fasi disi” den skowtu e piki.

Ini na atibron fu den den kerki fesiman e lagi densrefi fu spotu, fu sori sani tra fasi leki fa a de èn fu skempi. Nanga feragti den e taki: „Un tu den kori sonte? Sonte wan fu den tiriman ofu den Farisei ben poti bribi na ini en? Ma na ipi disi di no sabi na wet, ferfluku den mu de.”

Now Nikodémus, wan Fariseiman èn wan tiriman fu den dyu (dati wani taki wan memre fu na Sanhedrin), e taki fu na bun fu Yesus. Yu kan memre kande dati Nikodémus tu nanga afu yari na fesi na netiten ben kon na Yesus èn ben sori bribi na ini en. Now Nikodémus e taki: „A wet fu wi no e krutu wan sma tog sondro fu yere en fosi èn fu yere san a ben du?”

Disi e meki na ati fu den Fariseiman kon moro bron dati wan sma a den mindri e opo taki gi Yesus. „Yu de ooktu fu Galiléa?” den e taki nanga spotu. „Ondrosuku èn luku dati fu Galiléa no wan enkri profeiti sa wiki kon.”

Aladi den Santa Buku no e taki langalanga dati wan profeiti ben sa opo kon fu Galiléa, toku den e sori a tapu dati Kristus ben sa kon fu drape te den e taki dati ini a kontren disi „wan bigi leti” sma ben sa si, èn kontrari den fowtu prakseri di ben de, Yesus ben gebore ini Bethlehem èn a ben de wan bakapikin fu David. Aladi kande den Fariseiman ben sabi dati, dan toku den de frantwortu fu na panya fu den fowtu prakseri di den sma abi fu Yesus. Yohannes 7:32-52; Yesaya 9:1, 2; Mattéus 4:13-17.

◆ San e psa tapu ibri mamanten fu na fesa, èn fa Yesus e poti prakseri tapu disi kande?

◆ Fu san-ede den skowtu no e kisi Yesus èn fa den kerki fesiman e teki disi?

◆ Suma na Nikodémus, fa en kompe Fariseiman e du nanga en?

◆ Sortu buweisi de dati Kristus sa kon fu Galiléa?