Yeyses libi nanga diniwroko

Na guduman nanga Lasarus

YEYSES ben taki nanga en disipel fu na yoysti kobroyki fu gudu na skinfasi èn ben tyari kon na krin taki wi no kande srafu fu a gudu disi èn na a srefi ten srafu fu Gado. Den Fariseyman èn yere disi tu èn fu di den lobi moni, meki den go spotu Yeyses. Fu dati-ede a e taygi den: „Na unu srefi e fruklari na fesi den sma taki unu de regtvaardiki, ma Gado sabi unu ati, bika san de hey a mindri libisma, de wan têgu sani na ini den ay fu Gado.”

A ten doro taki sani o de tra fasi gi den sma di abi grontapu gudu, politiki makti nanga relisi makti nanga krakti. Den sa lagi den, ala di den sma di e frustan den yeye fanowdu fu den sa kon hey. Yeyses ben poti na prakseri tapu na kenki disi te a e taygi den Fariseyman moro fara:

„Na Wèt èn den profeyti den de te nanga Yohannes [na Dopuman]. Fu a ten dati na kownukondre fu Gado e meki bekènti leki bun nyunsu, èn ala sortu fu sma e pusu go na en. Fu tru, a de moro makriki taki heymel nanga grontapu psa gwe, leki taki wan pikin pisi fu wán letter fu na Wèt tan sondro fu a kon tru.”

Den meystri fu wèt nanga den Fariseyman e meki bigi taki den e hori den srefi getrow na a Wèt fu Moses, so leki den e taki. Go prakseri taki di Yeyses ben meki wan breni man na ini Yerusalem kon si baka tapu wan wondru fasi, den ben meki bigi èn taki: „Wi de disipel fu Moses. Wi sabi taki Gado ben taki nanga Moses.” Ma now na marki fu san ede na Wèt fu Moses ben gi, namku fu tyari sakafasi sma go na Gado Kownu di a poti, Yeyses Krestes, ben kon tru. Fu sensi na bigin fu na diniwroko fu Yohannes dan ala sortu fu sma e span den srefi, spesrutu den sakafasi wan nanga den pôti wan, fu tron so bun borgru fu Gado kownukondre.

Fu di na wèt fu Moses e kon tru now, meki na fruplekti fu hori en, musu komoto na pasi. Na Wèt e gi pasi fu broko wan trow tapu difrenti gron, ma Yeyses e taki now: „Ibriwan sma di e prati fu en uma èn e trow wan trawan, e du sutadu, èn a sma di e trow wan uma die prati, e du sutadu.” Fa den taki disi ben de wan tergi sani gi den Fariseyman, spesrutu fu di den ben e gi pasi fu broko wan trow tapu furu gron!

Ala di Yeyses e taki ete nanga den Fariseyman dan a e taki wan agersitori di e go fu tu man di a posisi fu den ofu na situwâsi fu den te fu kba e kenki srefisrefi. Yu kan si suma den man e prenki èn san na kenki wani taki ini den difrenti situwâsi fu den?

„Wan seyker sma now ben gudu,” Yeyses e tyari kon a krin, „èn a ben weri moro furu tron purper nanga linnen èn a ben libi wan bigi libi dey na dey. Ma wan seyker begiman, di ben nen Lasarus di ben lay sweri, leki fa a gwenti de den e poti en na a doro fu en, a ben angri fu en bere furu nanga san fadon fu na tafra fu na guduman. Iya, ooktu den dagu ben kon fu leki en sweri.”

Yeyses e kobroyki dya na guduman leki wan prenki fu den dyu relisi fesiman di no wwan don Fariseyman nanga den meystri fu wèt ben de wan pisi fu na grupu dati, ma ooktu den Saduseyman nanga den heypristri. Den gudu ini na tori fu yeye grani nanga okasi èn tyari den srefi neleki na guduman. Na kownu purper di den e weri, e agersi na bun posisi fu den, na weti linnen de wan prenki fu na regtvaardiki di den regtvaardiki den srefi.

Den memre fu na bigi memre guduman-klasse disi e luku nanga moro bigi fru-akti tapu den pôti èn gewoon sma èn den e kari den am’ha.’a’rets, ofu pipli fu na grontapu. Na begiman Lasarus de fu dati-ede wan prenki fu den sma disi, di den relisi fesiman no e gi na yoysti yeye nyanyan nanga grani. Neleki fa a ben de na ini na tori fu na Lasarus di ben lay nanga soro na so den e luku nanga fru-akti tapu na gewoon pipli leki sma di siki na yeye fasi èn di bun nofo fu de ini na kompani fu dagu. Ma toku den sma di de fu na Lasarus-klasse e angri èn e drey watra fu yeye nyanyan, èn fu dati-ede den de na a doro, ini na howpu fu kisi den pina pisi fu yeye nyanyan di kande sa fadon fu na tafra fu na guduman.

Yeyses now e fruteri fu na guduman èn Lasarus e ondrofeni wan kenki. Sortu kenki disi de, èn san disi e prenki? Den aksi disi wi sa go lu ini na tra uitgave fu na tijdschrift. Lukas 16:14-21; Yohannes 9:28, 29; Mateus 19:3-9; Galasia 3:24; Kolosesma 2:14.

◆ Sortu kenki e sori en srefi fu sensi na bigin fu na diniwroko fu Yohannes, so leki Yeyses e sori?

◆ San musu puru a pasi na a dede fu Yeyses èn fa disi sa abi krakti tapu na afersi fu broko trow?

◆ Suma na ini na agersitori fu Yeyses na guduman èn Lasarus e prenki?

◆ Sortu bodoy wi kan fruwakti ini na tra ultgave fu na tijdschrift disi?