Yeyses libi nanga diniwroko

Na fanowdu fu begi nanga sakafasi

DI Yeyses ben de ete na lni Yudeya, a ben fruteri den wan agersitori fu sori o prenspari a de fu hori doro na ini begi. Now, na ini a ten fu en lasti waka go na Yerusalèn, a e poti agen krakti na tapu na fanowdu fu horidoro na ini begi. Yeyses kande seyker de ete na ini Samariya ofu Galileya te a e fruteri en disipri so srefi tu ete na agersitori di e kon now:

„Na ini wan seyker foto wan seyker krutuman ben de di no ben abi frede gi Gado èn no ben abi respeki gi libisma. Yu ben abi so srefi tu wan weduwe na ini na foto dati, di ala tron baka ben go na en èn ben taki: ’Sorgu taki mi kisi reti na fesi fu mi kontra partey na ini na krutu afersi.’ Wan heri pisiten a no ben wani, ma baka dati a taki na en srefi: ’Aladi mi no abi frede gi Gado èn no abi respeki gi wan libisma, toku awinsi fa o no fa mi sa sorgu taki na weduwe disi sa kisi reti, fu di alaten baka a e fruferi mi, so taki a no tan kon doro èn te fu kba sa naki mi na ini mi fesi.’”

Yeyses e meki wi si moro fara fa na tori fu en kan kobroyki ini wi libi fu di a taki: „Yere san na krutuman, aladi a ben de onregtfardiki, ben taki! Gado seyker no sa meki den sma di a ben teki puru, èn di dey nanga neti e bari kari en, kisi reti awinsi a de nanga langa pasensi nanga den?”

Yeyses no ben wani sori nanga dati taki Yehovah Gado na ini wan fasi de leki na onregtfardiki krutuman disi. Ma efu srefi wan onregtfardiki krutuman na wan bunfasi e opo du wan sani tapu doronomo begi, dan no wan degedege musu de taki Gado di de regtfardiki èn bun dorodoro, sa piki efu en pipri e tan horidoro na ini begi. Fu dati-ede Yeyses e taki moro fara: „Mi e taygi unu: Gado heri esi sa meki den kisi reti.

Den e hori reti a baka gi den mofinawan èn pôtiwan, aladi den maktiwan èn den guduwan nofotron e kisi reti. Ma Gado no sa sorgu wwan taki den godelowsu sma e kisi na reti stra u fu den, ma sa sorgu seyker tu taki den e behandel en futuboy regtfardiki fu di a e gi den têgo libi. Ma omeni sm a e bribi tranga taki Gado sa meki libisma kisi esi-esi reti?

Te Yeyses e sori spesrutu tapu bribi na ini na krakti fu begi a e aksi: „Te na Manpikin fu libisma kon, a sa feni trutru na bribi na grontapu?” Aladi na aksi e tan sondro fu kisi wan piki, dan na prakseri ben sa kan de na ini taki na a ten fu a kon fu Krestes na ini kownukondre makti ini algemeen sma no ben sa abi na bribi disi. Ma wi no kan kon na a bosroyti taki na bribi disi no ben sa de. Yu e sori na bribi disi?

A mindri den sma di e arki Yeyses, yu abi son sma di de seyker fu den srefi ini na tori fu na bribi fu den. Den abi na frutrow taki den de regtfardiki èn den e luku tapu tra sma. Kande srefi wantu fu Yeyses en disipri ben de a mindri den. Fu dati-ede Yeyses e taki en tra agersitori gi den sortu sma disi:

„Tu sma ben de na pasi e go na tenpri fu begi: na wan ben de wan Fariseyman èn na trawan ben de wan belastingman. Na Fariseyman ben opo tanapu èn ben go begi na en srefi na a fasi disi: ’Ow, Gado, mi e taki yu tangi taki mi no de leki den tra sma: bidrigiman, onregtfardiki sma, sutaman, ofu srefi so leki na belastingman disi. Mi e faste tu tron wan wiki, mi e gi a di fu tin pisi fu ala sani san mi kisi.’”

Den Fariseyman sma ben sabi fu na dorosey sori fu a regtfardikifasi fu den fu kan meki indruk tapu tra sma. Munde nanga fodewroko de gewoonlijk den faste dey di den srefi ben poti èn nanga den heri konsensi den ben pay na di fu tin pisi fu srefi ala pikin wwiri di e gro tapu na firi gron. Wantu mun a fesi na a ten fu na Wwirikanpu fesa, na wisiwasi fu den di den ben e wisiwasi na gewoon pipri ben kon na krin di den ben taki: „Na ipi sma disi, di no sabi na Weti [dati wani taki, na tyari kon a krin fu a weti fu a sey fu den Fariseyman], frufruktu den musu de.”

Te Yeyses e go doro nanga en agersitori, a e taki fu so wan „frufruktu sma”: „Ma na belastingman, di ben tanapu fara, no ben wani opo srefi en ay go na heymel, ma ben naki doro nomo tapu en borsu èn a ben taki: ’Ow, Gado sori mi sonduwan bun-ati.’” Fu di na belastingman erken en swakifasi nanga sakafasi, meki Yeyses e taki: „Mi e taygi unu: Di a wan disi ben saka gwe na en oso, a ben sori taki a ben de moro regtfardiki leki a trawan dati; bika ibriwan sma di e hey en srefi den sa lagi, ma sma di e lagi den srefi, den sa hey.”

Na so fasi, Yeyses e poti krakti agen tapu na fanowdu fu sakafasi. Fu di Yeyses disipri gro na ini wan libimakandra pe den Fariseyman di ben e krin den srefi ben abi makti èn pe alaten den ben poti krakti na tapu posisi nanga rang, meki a no abi fu wiki fruwondru taki srefi Yeyses disipri ben ondrofeni na krakti fu dati. Ma fa disi de moy leri di Yeyses e gi ini sakafasi! Lukas 18:1-14; Yohanes 7:49.

◆ Fu san-ede na onregtfardiki krutuman ben du leki fa na weduwe ben aksi, èn sortu leri ddon na ini Yeyses agersitori?

◆ Yeyses sa luku na sortu bribi ini na ten te a kon?

◆ Gi suma Yeyses e taki en agersitori fu na Fariseyman nanga na belastingman?

◆ Sortu fasi fu den Fariseyman unu musu poti farawe fu wi?