Yeyses libi nanga diniwroko

Yeyses nanga wan yongu tiriman di gudu

TE Yeyses e waka psa na distrikt fu Pereya e go na Yerusalen, wan yongu man e lon kon na en di e fadon tapu en kindi na en fesi. Den e kari a man wan tiriman. san seyker kande wani taki taki a abi wan prenspari posisi na ini wan snoga fu na presi ofu srefi taki a de wan memre na Sanhedrin. Boyti fu dati, a gudu srefi srefi. „Bun Leriman,” a e aksi, „san mi musu du fu ki têgo libi?”

„Fu san-ede yu e kari mi bun?”, Yeyses e piki: „No wan sma bun, boyti wán, Gado.” Kande seyker na yonguman e kobroyki „bun” leki wan titel èn fu dati-ede Yeyses e meki a sabi taki so wan titel Gado wwan kan kisi.

„Ma”, na so Yeyses e go doro, „efu yu wani go na ini a libi, ondrow dan ala ten den komando.”

„Sortu wan?”, a man e aksi.

Yeyses a kari na ini na piki fu en feyfi fu den tin komando èn e taki: „Den disi: Yu no musu kiri, Yu no musu suta, Yu no musu fufuru, Yu no musu kotoygi falsi, Respeki yu ppa nanga mma.” Dan Yeses e poti ete wan prenspari kobòt a tapu fu di a e taki: „Yu musu lobi sma na yu sey leki yu srefi.

”Ala disi mi ben du fu sensi mi yongu yari; na man e piki na ini ala opregtifasi. „San mi e misi ete?”

Te Yeyses arki na a tranga fanowdu begi fu na man, a e firi lobi gi en. Ma Yeyses e si fa a e anga na gudu na skinfasi èn e sori en fu dati-ede krin na ini san a e misi: „Wán sani yu e misi: Go, seri san yu abi èn gi na den pôtiwan, èn yu sa abi wan diri sani na ini heymel, èn kon dya, tron mi bakaman.”

Yeyses sondro dege dege e luku nanga furu sari-atifasi te na man e opo èn nanga sari e gwe. En gudu e breni en gi na waarde fu tru warti sani. „O muyliki”, na so Yeyses e taki nanga sari, „a sa de gi den di abi moni, fu go na ini na Kownukondre fu Gado.”

Den disipri e fruwondru fu Yeyses wortu. Ma a e fruwondru den moro ete te a e poti wan algemene libilin: „Iya, gi wan kameri a de moro makriki fu psa na ini na olo fu wan nnay leki gi wan guduman fu psa go ini na kownukondre fu Gado.”

„Suma te yu luku en bun kan kisi frulusu?”, den disipri wani sabi.

Aladi Yeyses e luku den reti na ini den fesi, a e piki: „Na libisma a de wan sani di no kan, ma no na Gado, bika na Gado ala sani kan.”

Petrus e taki taki na bosroyti di den ben teki kenki krin krin fu di fu na gudu yongu tiriman èn e taki: „Luku! Wi ben gwe libi ala sani èn ben waka na yu baka,” Fu dati-ede a e aksi: „San te yu luku en bun wi sa kisi?”

„Na ini na meki kon bun baka fu sani,” na so Yeyses e pramisi, „te na Manpikin fu libisma e teki presi na tapu en glori kownusturu, dan unu di ben waka na mi baka, so srefi tu sa sdon tapu twarfu kownusturu èn krutu den twarfu lo fu Israèl.” Iya, Yeyses e sori taki sani a grontapu sa meki kon bun baka, so taki na situwâsi di ben de na ini na dyari fu Eden sa kon baka. Èn Petrus nanga den tra disipri sa kisi na payman fu tiri nanga Yeyses makandra tapu na Paradeysi disi na a heri grontapu. So wan tumusi bigi payman de seyker warti gi ala ofrandi!

Ma srefi now kba payman de so leki Yeyses e taki nanga krakti: „No wan sma di libi oso ofu brada ofu sisa ofu mma ofu ppa ofu pikin ofu firigron fu mi ede èn fu na bun nyunsu ede, di no sa kisi now, na ini na pisiten disi, hondro tron, oso nanga brada nanga sisa nanga mma nanga pikin nanga firigron, nanga frufolgu èn na ini na nyun seti fu sani di e kon têgo libi.”

Pe Yeyses disipri e go tu na ini na grontapu, den e prisiri akruderi Yeyses pramisi na ini wan matifasi nanga konpe kresten di de moro krosibey èn moro diri leki a matifasi di den e de nanga den tru tru famiriman. Na gudu yongu tiriman e lasi so leki e sori krin na payman disi èn na payman fu têgo libi na ini Gado heymel kownukondre.

Dan Yeyses e taki: „Ma furu sma di de den fosiwan, sa de den kriboywan èn den kriboywan den fosiwan.” San a e bedul?

A e bedul taki furu sma di de „den fosiwan” ini na tori fu a nyanbun fu grani ini na fasi fu anbegi so leki na gudu yongu tiriman no sa go na ini na kownukondre. Den sa de den kriboywan. Ma furu sma, pe yu ben abi na ini den sakafasi disipri fu Yeyses di den Fariseyman di ben e regtfardiki den srefi, ben wisiwasi den leki sma di kon tapu na ’kriboy presi’ — sma fu na gron ofu ’am ha.’arets — sa de den ’fosiwan’. Taki den e tron ’den fosiwan’ wani taki taki den sa kisi na grani fu tron konpe tiriman nanga Krestes na ini na Kownukondre. Markus 10:17-31; Mateyus 19:16-30; Lukas 18:18-30.

◆ Sortu tiriman na gudu yonguman ben de te yu luku en bun?

◆ Fu san-ede Yeyses e weygri fu den kari en bun?

◆ Fa na ondrofeni fu na yongu tiriman e sori sortu kofar de na ini fu de gudu?

◆ Sortu payman Yeyses e pramisi en bakaman?

◆ Fa den fosiwan e tron den kriboywan èn den kriboywan den fosiwan?