No weri fu du san de bun

„Meki wi no weri fu du san de bun, bika na a reti ten wi sa koti efu wi no weri.” — GALASIA 6:9.

1. Sortu wroko Yesus ben gi en bakaman?

Fa a de wan tumsi moi activiteit di kristensma e du leki wan pisi fu na anbegi fu den! A skrifi poti krin na ini na gebod: „Go fu dat’ede èn meki disipel fu sma fu ala natie, dopu den . . . èn leri den fu hori ala san mi ben komanderi unu. Èn luku! Mi de nanga unu ala den dei te na a bosroiti fu na seti fu sani” (Mattéus 28:19, 20). Yesus srefi ben gi en disipel na komando dati wan leriwroko di ben sa de na a heri gronatpu ben musu du.

2. (a) Fu san-ede wi kan taki dati a meki fu disipel ben de wan prenspari èn wan tumsi bun wroko? (b) Sortu marki wi e dini nanga na wroko di de na ini a meki fu disipel?

² Na komando fu meki disipel ben de wan fu den lasti ferklari fu Yesus na en fosi disipel bifo a ben opo go na hemel. A no ben sa de wan sani di ben e go fu wan tumsi prenspari wroko? Iya, fudi a du fu en ben sa yepi sma fu kisi libi (1 Timóteus 4:16). Dati e meki a de wan tumsi bun wroko. A e gi bun bijbelleri na den sma di e poti prakseri tapu na Kownukondreboskopu, èn a preikiwroko de wan warskow gi sma di e poti en na wan sei (Lukas 10:10, 11). A du fu na wroko disi e meki sma kon sabi tru kristen fu dat’ede ooktu èn a gi di den e gi jesi na tra leri fu Yesus. — Yohanes 8:31.

3. (a) Fa Yesus disipel ben du tapu Yesus eigi eksempre èn gebod? (b) Sortu yeyefasi Yesus ben bow na ini en disipel?

³ Leki na Bigi Leriman Yesus ben gi en bakaman wan tumsi moi eksempre. A ben gi leri na publiki èn a ben meki disipel fudi a ben preiki ’na bun nyunsu fu na kownukondre’ (Mattéus 9:35). Nyun disipel di ben waka na en baka densrefi ben meki disipel, bika wan tru disipel na „wan sma di e teki den leri fu wan tra sma èn di e yepi fu panya den”. Biginbigin den ben musu tan ini a meki fu disipel na den dyu èn proselietsma. Ma Yesus bakaman ben gi en yesi „sondro fu stop” na en gebod; fu ’go alaten baka’, awinsi na wan feianti fasi sma ben de na a veld dati? Iya futru, den ben go „na den lasi skapu fu na oso fu Israël”, teleki na ini 35 G.T. den fosi heiden den ben tron bribiman (Mattéus 10:5, 6; Tori fu den Apostel 5:42). A tori e taki dati den disipel ’ben furu Yerusalem nanga a leri fu den’ (Tori fu den Apostel 5:28). Den no ben stop nanga a tumsi moi wroko fu den. A presi fu dati den ben du en getrow.

„Na veld na a grontapu”

4. Nanga sortu yeyefasi Yesus bakaman ben du na wroko fu den di ben kon moro bigi?

⁴ Yesus ben sori dati na veld ben sa de „sma fu ala natie” (Mattéus 28:19). Ini wan agersitori di e go fu na sai fu Kownukondresiri a ben taki: „Na veld na a grontapu” (Mattéus 13:38). Kristensma ben sa de sobun na alasei Kownukondre-„kotoigi” fu en. Agen den ben sa ’go alaten baka’, a tron disi „te na a moro farawe kontren fu na grontapu” (Tori fu den Apostel 1:8). Na apostel Paulus ’ben hori ensrefi intensief nanga na wortu’ èn wi kan de seiker dati disi ben de ooktu so nanga tra kristen. — Tori fu den Apostel 8:5.

5. Fa Yesus ben sori dati a ben fruwakti dati en disipel ben sa de fayafaya bezig nanga na preiki-wroko teleki na disi ten seti ben sa feni en kaba?

⁵ Yesus ben fruwakti dati na kotoigi activiteit ben sa hori kristensma bezig srefsrefi, teleki a disi ten seti fu sani ben sa feni en kaba. Disi e kon na krin ini san a ben taki na fesi fu na kristen diniwroko èn na gebied di den ben go wroko na ini. Yesus ben taki: „Na bun nyunsu disi fu na Kownukondre sa preiki na a heri grontapu leki wan kotoigi gi ala natie èn dan na kaba sa kon.” — Mattéus 24:14.

6. Olanga na Kownukondrepreiki sa go doro ete, èn fa disi mu abi krakti tapu wi yeyefasi?

⁶ Di Yesus ben gi na gebod fu preiki na a heri grontapu na Kownukondre, èn fu meki disipel, a ben sabi dati sowan tumsi moi wroko ben sa doro wan dei en heimarki soleki disi ben de ooktu so gi na dyu veld. Ma den ben sa doro na marki di den ben abi a prakseri. „Dan”, soleki a ben taki, „a kaba sa kon.” Fu dat’ede meki Yehovah Kotoigi e go nanga fertrow èn nanga prisiri doro te na a kaba nanga a wroko di den kisi. Na dati e yepi den na ini wi ten fu go doro nanga a wroko teleki a kon klari.

Fa fu du a wroko

7. San ben de a thema fu Yesus diniwroko èn di fu en disipel?

⁷ Yesus ben leri en disipel fa den ben mu du a publiki diniwroko fu den. Nanga faya den ben gi yesi na en gebod fu „go”. Di Yesus ben gi den leri fu na kotoigiwroko fu den, a ben taigi den: „Preiki tapu yu pasi èn taki: ’A kownukondre fu hemel kon krosbei kaba’” (Mattéus 10:7). Dati ben gi na boskopu fu den na srefi Kownukondrethema di ben marki en diniwroko. A ben sa de bun nyunsu gi opregti sma fu ati. Yesus srefi ben tapu di en bakaman ben bigin kaba na nanga a wroko fu en? Nono, kwetkweti, bika „di Yesus ben kon klari now nanga a gi fu instructie na den twarfu disipel, a ben hari gwe fu drape fu go leri sma èn go preiki na ini den foto fu den”. — Mattéus 11:1.

8. (a) Pe èn fa Kownukondrepreikiman ben mu go na den sma? (b) Fu san-ede a de wan sani di fiti fu go nanga bun nyunsu na wan sma oso? (c) Sortu winimarki a abi te wi taki na ososma odi na a yoisti fasi?

⁸ Pe èn fa den Kownukondrepreikiman disi ben musu kon miti sma? Yesus ben taigi den: „Te unu e go na ini a oso, taki na osofamiri odi” (Mattéus 10:12). Fu go nanga a bun nyunsu na wan sma oso, e gi na ososma wartifasi, fudi a e gi en na okasi tapu en eigi kontren fu hori ensrefi bezig nanga na Kownukondre boskopu. No wawan yu abi den fasi fu taki odi di sma gwenti, na maniri fasi fu hori sma na prakseri fu bigin wan takmakndra, ma na tapu fu dati a de soso wan winimarki efu wan switi èn bun odi kan meki dati wan fisiti pe sma no kari yu kon tron wan switi pe den e bari yu wan switi kon. (Teki gersi nanga Mattéus 28:9; Lukas 1:28.) A toon fu na stem èn a piki fu na sma na a doro e ferteri yu ooktu furu fu en yeyefasi. Yu musu man fu si sowan sani bifo yu go morofara, fudi a sabi disi o meki en moro makriki gi yu fu fiti san yu o go taki na den fanowdu fu na ososma. — Teki gersi nanga Tori fu den Apostel 22:1, 2; 23:6.

9. San e sori dati a no ala sma ben sa yere na Kownukondre boskopu nanga warderi èn fa wi mu de efu sma no e sori nowan belangstelling?

⁹ Yesus ben meki en disipel sabi dati a no ala sma ini wan kontren ben sa teki a bun nyunsu na wan bun fasi. A ben taki: „Sortu foto ofu sortu dorpu yu e go na ini ooktu, ondrosuku suma de drape di warti fu en.” Efu ala sma ben sa teki na Kownukondreboskopu, dan a no ben sa abi fu taki fu ’ondrosuku’. San ben musu de a fasi fa sma ben sa du efu sma no ben sori belangstelling gi na boskopu? „Efu wan sma no ben sa teki yu na wan presi ofu no ben sa arki na yu wortu, libi dan na oso ofu na foto dati èn seki na stof puru fu yu futu”, gwe na ini vrede èn libi den bakapisi abra na a krutu fu Yehovah. Mattéus 10:11, 14.

Na situwasi na ini wi ten

10. San Yehovah Kotoigi e taki fu na Kownukondrepreikiwroko?

¹⁰ Fudi Yehovah Kotoigi e gi yesi na a kristen komando meki den e doro na a heri grontapu nanga na Kownukondreboskopu. Na so A. P. Wisse, wan koranti skrifiman na ini Nederland ben skrifi: „Den de tra fasi leki tra sma. Wan pisi fu na difrenti dati e kon fu na faya fu den fu preiki na evangelium. Den no e si na kristendom leki wan dini fu Gado nanga kathedraal, (kerki oso), nanga parochianen (kerkisma di ibriwan abi den fasti presi èn di na fasi fu anbegi fu den no e aksi moro furu fu den leki fu arki. Den e taki nanga a fri fu taki fu Paulus sondro frede nanga ibriwan sma di wani arki.” Sowan faya gi na diniwroko seiker Yehovah Gado ben blesi.

11, 12. (a) Sortu bun bakapisi ben kon ini yari di no psa solanga kaba na ini a diniwroko? (b) San e psa nanga gebied di de, omoro den nomru fu wi e kon moro furu? (c) Sortu aksi e kon na fesi?

¹¹ Moro leki 3000.000 Kownukondrepreikiman e wroko now fayafaya na ini 210 kondre. Wi e si wan tumsi moi gro na ini nyun disipel — 1.246.204 ben teki dopu na ini den lasti seibi yari. Na blesi fu Yehovah tapu a wroko pe sma e gi densrefi krinkrin na ini de krin (Yesaya 60:8-10, 22). Iya, no moro mendri leki 40 kondre èn eilanti e teri wán kotoigi tapu ibri 300 ofu moro mendri sma di e libi drape, ofu wán tapu sowan 100 osofamiri! Boiti fu dati na ini son kontren fu kondre leki Canada nanga Guadeloupe a verhouding de wán Kotoigi tapu 45 ofu 50 sma ini a gebied fu wan gemeente — ibri preikiman soso tapu sowan 15 oso ofu moro mendri ete gi na oso-fu-oso prei-kiwroko! Furu fu den kontren disi ibri mun den e wroko na ini. Srefi na ini kondre pe na verhouding de moro hei, bepaalde foto gebied den e wroko m.oro furu nanga a kotoigi fu wi. Na ini Seoel, na ini na republiek Korea, son foto gebied den e wroko ibri feifi dei! Omoro na nomru fu wi e lon gro èn moro kotoigi e teki na pionierwroko èn na yepi-pionierwroko tapu den, dan omoro furutron wi sa de na a doro fu den naaste fu wi. Dati e gi problema?

¹² Wi musu piki dat na ini son gebied problema de, gi Yehovah Kotoigi èn gi den sma di wi e kon na den doro. San e meki den problema e kon moro bigi ete, de a gro fu mi-no-ke fasi a mindri den sma ini furu kondre. We, wi sa stop safrisafri fu du wi tumsi moi wroko aladi wi e kon moro furu? Wi e kon na a bosroiti dati pikinmoro a wroko fu wi du kaba èn dati wi ben sabi fu feni ala den sma di ben sa teki a bun nyunsu na wan bun fasi èn tron disipel? Yu persoonlek e bigin kon weri èn kon bruya kande fudi alaten baka yu mu go fisiti densrefi sma di no e teki? San wi kan du fu kan tan hori na tumsi moi nivo fu activiteit fu wi?

Kibri na yoisti yeyefasi

13, 14. (a) Fa wi mu si na situwasi taki moro nanga moro wi e wroko na ini den gebied? (b) Fu san-ede wi no e meki den sma di „de sondro firi” no skreki wi? (c) Fa wi kan waka na baka na eksempre fu den apostel fu kakafutu gi den sma di e naki futu na den fisiti fu wi?

¹³ Na lusu e go moro furu fu wi yeye fasi leki kotoigi fu Yehovah. Meki na ini a fosi presi wi tan si alaten na positief sei. Dati fu wan hei verhouding fu preikiman tapu den sma di e libi ini wan kondre e meki moro furutron wi e wroko wan gebied, na wan sani di seiker ben sa sori ensrefi na furu presi omoro a wroko fu wi e doro en heimarki. Ma wi no ben begi fu dati? (2 Thessalonika 3:1). San wi e si now, mu meki wi prisiri èn mu overtoigi wi dati wi de na ini den lasti pisi fu na meki fu disipel! Na Kownukondre e preiki soleki Yesus ben taki na fesi. Èn ooktu te sma ’no e arki na wi wortu’, den e kisi warskow nanga yepi fu na faya Kownukondrepreiki fu wi. Go prakseri dati no wawan wi e meki disipel ma ooktu e preiki na bun nyunsu „leki wan kotoigi”. — Mattéus 10:14; 24:14.

¹⁴ Boiti fu dati wi kan fruwakti dati omoro na kaba e kon krosbei, omoro sma sa trowe na Kownukondreboskopu. Den sani di ben taki na fesi de krin, èn den ondrofeni fu Yesus èn Paulus e gi wi na garanti dati wi sa miti sma di de „sondro firi”, di na ati fu den „no e teki sani”. Fu dat’ede wi mu luku bun na ini a ten disi dati wi „no de sondro firi dati wi ben kisi wan wroko. Srefi na den sma di de sondro firi, wi mu go „alaten baka” (Yesaya 6:9-11; Mattéus 13:14, 15; Odo 10:21). Meki un taki dati a de so, dan dek’ati de fanowdu fu go alaten baka na den sma di e nakifutu na den fisiti fu wi. Ma nowan enkri gebied-situwasi fu sortu fasi tu no mag fu taigi wi: ’Tapu fu taki.’ Na presi fu dati wi mu begi netleki den apostel fu kisi fri fu „tan taki” sondro frede — awinsi ferferifasi ofu feiantifasi de — teleki a wroko du. — Tori fu den Apostel 4:18-20, 24-31.

15. Sortu dek’ati e gi na ini Galasia 6:9 èn fa dati mu abi krakti tapu a luku fu wi ini na fisiti fu den naaste fu wi?

¹⁵ Te yu luku en bun dan soso tu sortu sna de na ini ala wi gebied — den di na a momenti disi abi belangstelling èn den di no abi belangstelling. Fu dat’ede wi mu go doro fu ’ondrosuku suma de warti fu en’. Te wi e du disi, de den furu tumsi moi wroko di wi mu du leki kristen fu sori wi lobi gi Yehovah èn wi loyaliteit gi en.” „Meki fu dat’ede wi no weri fu du san bun, bika na a reti ten wi sa koti efu wi no kon weri” (Galasia 6:9). Fudi wi de now so krosbei na a kaba fu a seti fu sani, dan a no de a ten gi wi fu tapu nanga wroko ofu fu kon weri ma dati wi mu go doro fu go na wi naaste nanga a bun nyunsu fu na Kownukondre. Yehovah no taki ete dati a wroko klari.

Fu san-ede wi mu „tan taki”

16. (a) San na wantu fu den omstandigheden di kan kenki na fasi fa sma ini wan gebied e du? (b) Sortu eksempre fu a presi pe yu de kan gi fu wan fasi di kenki na den sma?

¹⁶ A sa yepi wi ooktu fu kibri wan yoisti yeyefasi efu wi go prakseri dati loyaliteit e sori gi Yehovah nanga na faya activiteit ini na preiki fu na bun nyunsu. Boiti fu dati gebied e tan kenki na tapu difrenti fasi. Sma e froisi, ofu den omstandigheden fu den e kenki. Kande na lasti tron di wi ben de na den doro den no ben abi belnstelling, ma na lasi fu wan wroko, na dede fu wan sma di ben de diri gi den, wan kenki ini na strei a mindri den supermakti di wani taki wan sani, wan seryusu siki — den sani disi èn tra kenki ete kan wani taki dati na tra tron di wi e kon, den e opo densrefi gi na boskopu. Tra sma ben kon sabi dati wan mati ofu famirman ben tron wan kotoigi fu Yehovah èn kande wani taki now pikinso nanga wi fu kon sabi san de na ini bribi fu wi di meki na kenki disi du kon.

17. Fa son sma e du now nanga na Kownukondreboskopu? Gi eksempre fu na presi pe yu de.

¹⁷ Go prakseri ooktu dati den sma di gro kon bigi na ini den yari di psa, abi now wan osofamiri, e si a libi moro seryusu èn e aksi sani di soso a Wortu fu Gado kan piki. Na so wan yongu mama ben kari tu kotoigi kon na inisei èn ben taki: ’Leki meisye noiti mi ben man frustan fu san-ede mi mama ben seni den kotoigi gwe èn dati en no abi belangstelling, aladi unu soso wani taki fu na bijbel. Mi ben teki na prakseri dati te mi gro kon bigi èn ben trow èn ben abi mi eigi oso, ben sa kari Yehovah Kotoigi kon na inisei èn fu aksi dn fu tyari na bijbel kon na krin gi mi.’

18. Fa na kerki situwasi di kenki abi krakti na tapu na gebied pe wi e preiki èn e leri sma?

¹⁸ Yu ben si dati son sma di yari langa no ben wani taki nanga wi èn ben prakseri dati den „ben kisi ferlusu kaba”, e aksi wi opregti aksi now? Fu san-ede? Fudi na ini na kerki denki fu den wan kenki ben kon. Den e ferteri now dati den ben kon bruya fu den sani di kon na krin fu hurudu waka nanga libi, politiek activiteit èn na fermosru fu kerki moni fu na sei fu son prenspari tv-domri di wan dei den ben poti fertrow na ini den. Kande seiker disi sa pasa moro furutron ete omoro den toestand na ini Babylon a Bigiwan e tan kon moro ogri te na ten fu na pori fu en doro. — Openbaring 18:1-8.

19, 20. San e sori dati wi no musu lasi ati fu go alaten baka na sma di e trowe na boskopu?

¹⁹ Ini ibri geval wi no mu lasi ati te a moro bigi pisi fu den sma e poti a boskopu fu wi a wansei. Baka te wi gwe fu den, dan kande seiker wi de ete na ini den prakseri. Na ini Canada wan oso-uma ben meki tu kotoigi di ben fisiti en kon frustan dati a no ben abi no wan belangstelling. Bakaten a ben go denki fu san den ben taki èn a ben wani feni den sodati den ben kan gi en piki tapu den aksi di ben kon na ini en prakseri. A ben dyompo go na ini en oto èn ben rij ini den strati fu en birti go-kon e suku den sondro fu a ben kan feni den. A ben stop? Nono, a ben fo na wan mati fu aksi ofu den ben de drape. Dati no ben de so, ma na mati ben taki dati na en wrokope wan Kotoigi ben de èn dati a ben sa tyari na uma dati di ben abi belangstelling kon ini kontakti nanga na Kotoigi disi. Disi ben abi leki bakapisi wan lo fisiti na a sma disi oso di ben abi belangstelling, pe a ben kari mati, birti, famirman èn sma fu en wrokope kon. Sontron 15 sma ben de èn sowan 430 buku nanga bijbel èn 2015 tijdschrift ben prati.

²⁰ Furu sma abi warderi gi den fisiti fu wi. Ini wan brifi na wan bijkantoro fu na Wachttorengenootschap wan uma ben taki: „Mi e taki yu tangi dati yu ben poti wan bigi lobi ini na ati fu den sma fu yu bribi. Grantangi dati yu ben waka psa . . . èn ben prati na lobi fu Masra nanga tra sma. Na eenvoudig du disi e du someni gi tra sma. . . . Aladi kande son sma de tranga, trawan nanga mi-no-ke fasi èn trawan baka no e teki . . . toku a e du bigi bun dati wan sma waka psa fu memre yu na yeye sani. Mi e feni en wan bun afersi, fu taki so nanga makandra fu Masra.” Ini wan tra brifi wan ososma e aksi wi fu ’no meki sma fadon’ awinsi fa den e behandel wi. „Meki fu dat’ede wi no kon weri fu du san bun, bika na a reti ten wi sa koti efu wi no kon weri” (Galasia 6:9). A wroko disi abi a bun ati nanga blesi fu Yehovah, èn dati wi e teki prati na en e bewijsi na lobi fu wi gi en èn gi wi naaste (Mattéus 22:37-39). Meki wi klari a wroko sobun. — Teki gersi nanga Filipi 1:6.

21. (a) Pe na tyalansi didon, kande fu wan pisi fu go baka na gebied di wroko furu? (b) San wi sa go taki fu en na ini a tra artikel?

²¹ Wi mu si a tru tori disi ondro ai dati a no a fu de alaten den sma di e meki en muilek fu wroko wan gebied furutron. Sonttron na wisrefi. Wi e bigin kaba nanga negatief prakseri, fudi wi e denki dati wi sabi ala sma èn sabi kaba fa den sa du? Dati kan abi krakti na tapu wi yeye fasi èn kande seiker tapu na klank fu wi sten èn wi f esi. Wi gebroiki alaten baka den srefi methode èn wortu di wi ben gebroiki yari kaba? Now di a gebied e kenki, dan san wan dei ben waka bun, kande no sa kon abra tupu tra sma ’di de warti fu en’. Kande wi abi wan bun fasi fu go taki nanga wan sma èn wan nyun luku tapu wi wroko fanowdu. Meki wi go luku morofara san wi kan du sodati ’wi no sa kon weri ma kan koti na a reti ten’.

Yu kan tyari disi kon a krin?

◻ Fu san-ede wi no mu ’kon weri’ fu go nanga a bun nyunsu na wi naaste?

◻ Suma ben taigi wi fu meki disipel tapu a fasi soleki wi e du, èn san na den fondamenti marki fu a methode dati?

◻ Sortu situwasi ben du kon na ini furu gebied, èn san sa yepi wi fu kibri na yoisti yeyfasi na fesi den situwasi dati?

◻ Fu san-ede wi mu „tan taki” sondro fu tapu?

Poti alaten prakseri na a fasi fa yu e leri sma

„Poti prakseri alaten na yusrefi èn na a fasi fa yu e leri sma. Tan na de sani disi, bika te yu du disi yu sa ferlusu yusrefi èn den sma di e arki na yu.” — 1 TIMOTÉUS 4:16.

1. Fu san-ede disi no de a ten fu meki na tempo fu wi Kownukondrepreikiwroko kon slap?

YEHOVAH e meki na tyari konmakandra now fu sma di yu kan teki gersi nanga skapu du moro esiesi. Gi en pipel a de fu dat’ede seiker no a ten fu du a preiki fu na kownukondre èn a meki fu disipel safrisafri (Yesaya 60:8, 22; Mattéus 24:14; 28:19, 20). Wi mu handri ini akruderi nanga na yeye fu san Gado e du na ini wi ten. Omoro na kaba e kon krosbei, omoro furu wi mu go baka na wi naaste. Iya, na gro fu na kotoigi activiteit fu na sei fu someni moro preikiman èn pionier e tyari buweigi kon na ini na veld na a heri grontapu. Èn na tempo fu na prisiri tyari-komakandra disi sa gro moro ete. — Yesaya 60:11; Psalm 126:5, 6.

2. (a) Sortu fonten fu krakti wi kan go na en fu kisi na fanowdu krakti fu klari a Kownukondrepreikiwroko leki fa Yesaya 40:28-31 taki? (b) San na wan bun reide fu poti ekstra prakseri na a kwaliteit fu wi diniwroko na ini a ten disi?

² Na presi fu gi wisrefi abra na wan firi fu weri, fudi wi e wroko wan gebied furutron, wi mu frustan dati a de na ten gi wi fu aksi Yehovah na ini begi fu gi wi na fanowdu „dynamisch energie” fu klari na wroko (Yesaya 40:28-31; 1 Yohannes 5:14). A de tru taki milyunmilyun sma fu na „bigi ipi” „tra skapu” tyari kon makandra. Ma san nanga bun winimarki wi ben e gebroiki fu yepi bepaalde sma, kande no de moro langa bun fu yepi tra sma di de ete na ini wi gebied (Openbaring 7:9, 10; Yohanes 10:16). Fu dat’meki na kwaliteit fu wi diniwroko abi ekstra prakseri fanowdu.

3. Fa wi kan kisi wan fris enthousiasme na ini wi velddienst?

³ Nanga nyun faste bosroiti wi kan poti wisrefi a tapu fu kan meki na doeltreffendheid fu wi ini na diniwroko kon moro bun. Disi kan meki nyun enthousiasme kon na ini a velddienst. Ma fa disi kan du? Fudi ’alaten wi e poti prakseri na wisrefi èn a fasi fa wi e leri sma’ èn no e du wi diniwroko soso leki fa wi gwenti fu du sani (1 Timoteus 4:16). Den mofobuba fu wi musu tyari moro leki wan frafra „srakti ofrandi fu prijse” (Hebrewsma 13:15). Wi mu abi koni fu du wi wroko (Odo 22:29). Fu san a tori e go sobun, na fu wroko na gebied na wan bun fasi. Dyaso wantu sani de fu wi diniwroko pe wi ’mu poti alaten prakseri’.

Fa wi kan meki „nyun” gebied

4. Na sortu fasi wi kan meki „nyun” gebied na ini san wi kisi leki gemeente?

⁴ Meki wi luku na situwasi na wan praktis fasi. Na ini furu kontren nyun ebied no de ofu gebied di no wroko so furu. Fu san-ede sobun wi no sa meki „nyun” gebied ini sei fu san na gemeente kisi fu wroko? We, efu furutron wi e kon na den sma na den doro, dan wi no kan du leki noiti wi ben kon na a oso dati ete fudi wi e taki san wi gwenti fu taki. Kande seiker na ososma sa herken wi efu furutron wi e wroko na gebied. Na buku Tak-go-tak-kon nanga yepi fu den buku e gi moro leki fo-tenti inleiding di wi kan gebroiki ini wi inleiding. Wi mu sreka den dati bun sodati den de nyun èn moi fu hari sma kon fudi wi e tai den na afersi fu a presi pe wi e libi èn di abi a belangstelling fu den sma, Na presi fu kande de es’esi fu pardon wisrefi fu di wi e kon so furu tron, dan wu mu abi wan positief yeyefasi èn meki wi gebied kon „nyun” fudi wi e pristeri wi boskopu tapu wan bun fasi. Ma dati sa yepi efu ososma no e sori switifasi?

5. (a) Fa wi kan gebroiki wan grofu fasi di ben sori na wan leisi a fesi ini a bun fu wi? (b) San gersi dati e wroko bun na a presi pe wi de? (c) Fu san-ede a de bun fu arki èn fu prijse opregti?

⁵ Te yu sabi fa wan ososma fosten ben de nanga na boskopu, kan wiki negatief firi nanga a prakseri dati agen yu sa tanapu na en doro. Ma fu san-ede wi no e meki na sabi dati wroko na wan bun fasi gi wi? Fa? Fudi wi e ferteri fosi kande san ben taki ini a fisiti a fesi èn bow dan go moro fara. Yu ben sa kan taki: „Morgu, meneer Yansen!” Efu a fiti, yu kan taki morofara: „Ala sani e go bun nanga yu?” Dan yu ben sa kan taki: „Di mi ben de a tra wiki dyaso, yu ben ferteri mi taki yu kerki e sorgu gi ala yu yeye fanowdu èn dati yu de wan memre fu kerki di du belijdenis. Mi ooktu e teki religie na seryusu fasi, èn mi kan aksi yu pikinso, san yu kerki e taki fu na howpu fu tan a libi na ini na atoomten disi?” Èn meki en ferteri yu dati. Prijse na oso sma efu yu kan du dati na ini ala opregti fasi. Fudi yu e arki na en èn e prijse en, kan meki a kenki en fasi. Nofotron sma sa gi pasi fu wan tra fisiti efu densrefi ooktu kan taki. A no de fu ta ki dati yu ben sa wani fiti yu boskopu na san den ososma e taki.

6. (a) Fa wi kan memre ososma fu gwenti fu ferwakti wi geregeld baka fu wan fisiti? (b) Sortu sroto zin kan yepi wi na ini disi? (c) San e wroko bun na ini a gebied fu wi gemeente?

⁶ Nanga san yu e taki, meki yu kan meki den ososma gwenti fu fruwakti wi geregeld na den doro. Pruberi dati pikinso: „Dag mefrow De Vries. Fa a e go nanga yu tide? Nanga a fisiti disi fu wi na tra sma wi e taki fu . . .” Ofu yu ben sa kan taki: „Morgu! Wi e tyari wi faste ala wiki fisiti. A wan moi sani fu waka psa baka. Den birti fu yu ben warderi na tori di wi e taki na a fisiti disi fu en.” Èn go dan morofara. Disi e meki ooktu dati gebied kon „nyun” gi yu. Den soifri wortu kan de pikinso tra fasi na ini yu kondre, ma disi e tyari na ede prakseri kon na fesi. Fu san-ede yu no ben sa gebroiki disi leki wini gi yusrefi?

7. (a) Fa son kotoigi e sreka na ososma na fesi tapu wan tra fisiti te a e gwe? (b) San e wroko bun na ini disi na ini na gebied fu yu gemeente?

⁷ Son kotoigi di wani sreka na ososma tapu na tra fisiti, ben si winimarki nanga wan bosroiti leki disi: „Wi e luku a fesi fu si yu es’esi baka”. Gi den sma di biginbigin no ben e firi furu gi wan takmakandra, yu ben kan taki: „Mi ben feni na takmakandra fu wi wan switi wan. Yu ben taki seiker wantu bun sani. Wi ben taki wantu minuut, ma wi no ben taki fu takru nyunsu, di alaten wi kan yere. Disi ben de trutru bun.” Sondro degedege yu kan feni moro fasi di fiti fu taki nanga ososma. Pruberi in elk geval nanga positief wortu, nanga na presenteri fu na boskopu na wan bun fasi èn na wan switifasi fu yepi na publiki fu no feni den regelmatige fisiti fu wi wan ferferi sani.

Gi kotoigi finifini

8, 9. Sortu rai e gi fu suku finifini na den sma di warti fu dati?

⁸ Wan tra sani na san wi mu poti prakseri fu tan nanga faya, de na finifini fasi na ini a suku fu sma di de warti fu dati (Tori fu den Apostel 8:25; 20:24). Na so wan brada ben sa kan aksi fu na masra fu na oso te na a weekend efu neti neti na uma efu wan pikin e kon na a doro. Kande wi ben taki morofuru nanga na uma. Fu dat’ede a e gi wi na mogelekheid fu wan nyun bigin nanga na osofamiri efu wi taki nnaga na edeman fu na osofamiri. Wi kan fiti na boskopu dan na en nanga den wortu leki „San sa dyaranti leki fa yu prakseri yu osofamiri fu kisi wan koloku tamara?” Ofu „Luku fa na bijbel e meki na wanfasi fu na osofamiri go na fesi”. Prijse na man fu den bun prakseri di a tyari kon na fesi.

⁹ Wan tra fasi fu feni „nyun” gebied de fu suku kontakti nanga tra famirman di e libi na ondro na srefi dak — wan granmama, wan neef di e volg wan bepaalde opleiding, wan schoonzus di e wroko na ini a wiki. A sori taki a de ooktu praktis fu si omeni electriciteitsmeter ofu brifibus de a wan oso. Den disi kan de wan marki dati sma repareer wan ondro oso, wan tapsodro ofu wan tra pisi fu na oso fu yuru. Pruberi fu kisi kontakti nanga den yuru-osoman disi — studenti, sma di e libi den wawan èn di e wroko na deiten, weduwe èn tra sma. Ooktu disi e yepi fu ’rek na gebied di de kon moro bigi’.

10. San na ete wan fasi fu meki na oso fu oso gebied kon moro bigi, èn san son sma ben du fu miti nanga sma di e wroko na neti?

¹⁰ Ete wan fasi fu meki na oso fu oso gebied kon moro bigi, de fu libi en rostu pikinso ten na ten aladi wi e poti prakseri na tra pisi fu wi diniwroko. Leki wan kenki wi ben sa kan wroko na gebied nanga na rechtstreeks pristeri fu wan gratis osobijbelstudi gi na osofamiri. Son sma di no de na oso te wi kon na den na den doro, wi kan feni tapu a presi pe den e wroko èn fu gi kotoigi na ini bisnis gebied kan tyari ooktu froktu kon. Sonwan fu den sma disi wi kan miti te wi e du strati-wroko tapu yuru di bun. Na ini Canada pionier ben si bun bakapisi nanga fisiti na ini den lati neti yuru na den wrokoman na tankstation èn ini neti wenkri nanga hotel pe waktiman gewoonlek no abi en druk tapu den ten dati èn nofotron e breiti nanga lektuur. A no de fu taki dati den sisa na ini den lati yuru mu tan farawe fu bepaalde gebied.

11. (a) San son Kotoigi e du te na a fositron furu sma no de na oso? (b) Sortu krakti a sori fu faya ini a go baka na oso pe sma no de ben kan abi tapu wi gebied, nanga sortu bun bakapisi ini na diniwroko?

¹¹ San wi mu du nanga den sma di no de na oso te wi kon na den doro? Ooktu dya wi wroko finifini. Son kotoigi wantewante baka den doro-fu-doro-wroko e meki gebroiki fu den oso-fu-oso-rapport di den hori bun bij fu go baka na den oso dati pe den sma no ben de na oso a dei dati. Nofotron ososma kon baka na oso ofu den de sma di e wroko na neti èn di no opo ete. Ini furu gebied 50 procent ofu moro fu den sma no de na oso na deiten. Sobun wi kan meki te yu luku en bun na gebied kon tu tron so bigi te tapu difrenti ten wi e go na sma di no ben de na oso teleki wi miti wan sma na oso. Pionier nanga preikiman di abi ondrofeni e agri dati te wi go seryusu baka na den sma di no e de na oso nofotron moro bun bakapisi ben kon leki na fositron di wi wroko ini a gebied. Te wi poti prakseri na a pisi disi fu wi diniwroko, dan kande seiker wi sa kisi furu blesi. — Odo 10:22.

Den sma di e kragi

12. Fa wi mu du te sma e kragi dati wi e kon tumsi furutron? Fu san-ede?

¹² San wi kan taki gi sma di e kragi dati wi e kon tumsi furutron? Dan wi mu sori dati wi e frustan dati (Mattéus 7:12). Gi den a gersi dati wi e kon tumsi gaw baka. Ma a bun fu wi memre dati sma yari psa kaba ben taki: ’Yu ben de dyaso a wiki di psa kaba’, aladi wi ben sabi heri bun dati a ben de siksi mun ofu moro langa kaba dati wi ben de na den. Boiti fu dati a de so dati go moro furutron kan meki belangstelling du kon. Na ini Guadeloupe wan man ben waka kon na baka wan kotoigi fu taigi en: „Mi ben waki yu wantu wiki kaba. Gewoonlek mi no e arki den kotoigi ma mi mu sabi fu san-ede unu e go so furutron na den sma!” Wan nyun bijbelstudi ben de a bakapisi.

13, 14. Fa son kompe-bribiman e du te ososma e kragi?

¹³ Son brada na wan switifasi ben ferteri kragiman na soifri datum fu na fisiti a fesi èn meki den si den lasti tijdschrift, aladi den ben tyari kon na krin taki den artikel e kenki fu di ini den tijdschrift di wi ben abi na wi a fisiti di psa. Te wi e tak-go-tak-kon nanga den sortu ososma disi dan wi ben sa kan taki dati sensi wi lasti fisiti kande den ben kisi bun furu koranti nanga tijdschrift ma dati den disi no alaten ben abi bun nyunsu. Wi ben sa kan tyari kon na krin dati wi e tyari bun nyunsu èn dati den fisiti fu wi no e langa. Ma efu wan ososma abi en tumsi druk, dan wi ben sa kan taki: „Efu disi no de wan bun momenti fu taki nanga yu, dan wi e miti yu na a tra fisiti, baka wan wiki ofu so.”

¹⁴ San wi ben kan taki morofara ete? Disi e anga fu na fasi fu na ososma èn fu na maniri fasi di sma gwenti na ini a presi pe wi e libi èn di wi mag fruwakti. Wan sisa na ini Yapan e ferklari a go di wi e go furutron baka na a fasi disi: ’Na nyunsu tapu televisie sa gi alaten baka bericht fu na sei di wan bigi winti e teki èn taki nofotron a sani disi gi den sma di ben misi kande den tron di a ben taki a fesi. Disi den e du fudi libi de fu lasi. Na tyari kon morofuru fu na nyunsu e gro omoro na bigi winti e kon krosbei. Na net so tu te a bigi winti fu Armageddon e kon krosbei, dan a warskow boskopu mu meki nofotron leki a kan bekenti fu ferlusu libi.’ A no de fu taki dati nanga wan swtitifasi èn nanga opregtifasi wi sa tyari disi kon a krin, ini na howpu fu doro na ati fu na arkiman.

Na tyalansi fu mi-no-ke-fasi

15. (a) San kan de wan tyalansi di e gro te gebied e wroko furutron? (b) Fu san-ede son sma de nanga mi-no-ke fasi?

¹⁵ Omoro na furutron fu wi fisiti e gro, dan wan tyalansi di e gro de na mi-no-kefasi di furutron wi e kon tanapu a fesi fu en. Ma fu wan ondrosuku fu wantu fu den oorzaak fu wan mi-no-kefasi wi kan kisi na dek’ati dati a kande mogelek ete fu doro na ati fu wantu fu den sma disi. Na mi-no-kefasi fu den kande e sori a bruya èn sondro howpu fasi fu den. Kande den e meine dati no wan fasi de fu komoto fu na disi ten grontapu toestand èn gi densrefi den kon feni dati den kan go sobun leki fa a de morofara fu libi. Trawan kon furu nanga tegu fasi fudi son kerki tiriman go ini politiek, gi densrefi abra na hurudu libi ofu libi en na baka fu teki wan krakti bosroiti teige sekshurudu. Den ososma disi sobun mandi èn e libi soso gi a dei fu tide.

16. Fa wi ben sa kan doro na ati fu wan mi-no-ke sma?

¹⁶ Wi sabi dati den fosten kristen bedinari nanga bun winimarki ben kakafutu gi na srefi fasi, bika sonsma ben taki na a ten dati: „Meki wi nyan èn dringi, bika tamara wi e dede” (1 Korinte 15:32). Fu dat’ede meki wi sabi dati wi abi precies san der sortu sma disi mu yere. Ma fa wi kan doro den ati? Wan fasi de fu kibri na a momenti disi na bijbellektuur fu wi èn meki den si dati wi e du dati. Dan wi kan poti den aksi di wi ben go prakseri bun soleki disi: „Yu e denki dati wan lusu de gi den disi ten problema? A heri tori de dati a moro bigi pisi fu den sma gewoon no feni na piki ete? Yu e bribi dati wi mu abi wan positief yeyefasi èn mu tan suku na wan lusu?” Gi trawan wi ben sa kan taki: „Yu ben sa agri seiker nanga wi dati wan libisma kan libi moro bun nanga howpu leki sondro a fruwakti tapu wan moro betre sani. San yu e howpu fu ondrofeni?” Wi ben kan aksi: „San yu denki de na moro bigi problema fu kisi wanfasi nanga vrede na ini na grontapu?” Dan yu ben sa kan aksi trawan baka: „Yu denki dati ala kerki de soleki yu ben taki?” Nofotron den sortu aksi disi sa meki na ososma taki san a e denki. Arki fu dat’ede bun te den e piki. Iya, meki den puru den ati kon na doro. Furu fu den ’e soktu èn e geme fu ala den tegu sani di e du ini a ten disi’. — Ezechiël 9:4.

17. Fa wi ben sa kan gebroiki wi lectuur fu miti nanga son sma srefi efu biginbigin den ben taki dati den no abi belangstelling?

¹⁷ Wan tra fasi fu waka miti mi-no-kefasi de fu taki wan sani di na ososma ben taki ofu wan genstaki èn kon baka nanga wan tijdschrift ofu wan tra buku fu na Wachttorengenootschap pe den e taki fu na afersi dati. Na ini a bigin a ben sa kan de wan tori di no abi fu du nanga kerki soleki wan artikel di e go fu Wiege-dede ofu a dede fu den busi. Tyari kon a krin dati yu ben prakseri san abi na belangstelling fu na ososma èn ben kon so tapu na artikel disi. Meki a si edeprakseri ini a materiaal. Wan uma di ben weigri lectuur fu wi, ben teki soso wan tu seconde baka dati tijdschrift. Fu san-ede? Fudi na kotoigi ben aksi efu na uma ben sabi dati ala yari 55 milyun puru fu bere e feni presi. A sani disi di ben seki en di a ben yere ben meki a ben aksi fu na tijdschrift pe na bodoi dati ben de na ini.

Klari na wroko

18, 19. (a) Wi mu ’poti prakseri’ na sortu tra punt te wi e du wi diniwroko? (b) Sortu fasi fu krutu sani a fesi son sma abi fu wi èn wi bribi overtoigi, èn fa wi kan gi den wan piki?

¹⁸ Morofuru wi mu de nanga pasensi nanga den sma. No taki es’esi èn taki nanga waran. Sori lobi èn switifasi (Galasia 5:22, 23). Go denki, bifo yu go na a tra doro, san ben psa na a fosiwan fu si pe kenki kan tyari kon. Sori taki yu e frustan sani, bika furu sma abi fowtu prakseri fu Yehovah Kotoigi. Den e taki kande: ’Unu e hari unsrefi puru fu un politiek èn borgru plekti’, ’unu e weigri fu tron srudati’, ’unu e meki trow broko.’ Ma na fasi disi de net soleki di na grontapu ben sori teige kompe bribiman fu wi na ini na fosi yarhondro. Sori a sma a sani disi, fudi yu e meki gebroiki fu sani na ondro na edepraksesi „Neutraliteit” ini na Tak-go-tak-kon-buku.

¹⁹ Na historia skrifiman Will Durant ben skrifi fu den fosi kristen: „Gi wan kristen èn fasi fu anbegi ben de wan sani di ben de aparti fu na politiek maatschappij èn di ben de moro hei leki dati; na moro hei getrowfasi fu en no ben de gi Caesar ma gi Kristus. . . . Na fasi fu wan kristen fu hori ensrefi farawe fu a grontapu afersi ben de gi wan heiden a lon gwe fu na borgru plekti, wan kon moro swaki fu na nationaal yeye ktakti èn wani. Tertullianus ben gi kristensma na rai fu weigri srudati dienst; . . . den tiriman fu kristensma ben fermane den fu komoto na a pasi fu sma di no ben de kristen, fu tan farawe fu den prei tapu den feistedei leki wan takru sani èn fu tegu gi den komedi prei-oso leki presi fu doti libi. . . . Na kristendom [te a ben meki bekeerling] ben kisi na kragi dati a ben tyari prati kon na ini osofamiri.” — Caesar and Christ, blz. 647.

20, 21. (a) Fu san wi wani de seiker efu sma no e teki sani bun? (b) Fu san-ede wi ’no mu kon weri’ nanga a tumsi moi bun wroko fu na Kownukondrepreiki ma wi mu go doro?

²⁰ Son sma no sa arki san wi e taki ooktu. Ma na reide mu de dati den e trowe na Kownukondreboskopu, no fudi wi misi fu wi sei fu pristeri ini wi diniwroko na boskopu a tapu wan bun fasi (Lukas 10:8-11; Tori fu den Apostel 17:32; Ezechiël 3:17-19). Nanga yepi fu Gado wi mu du ala muiti, èn Yehovah sa klari na wroko. — Teki gersi nanga Filipi 1:6.

²¹ Go fu dat’ede nanga ala fertrow ’fu abi furu fu du na ini a wroko fu Masra, e sabi dati na wroko fu yu no de fu soso’ (1 Korinte 15:58). „Poti alaten prakseri na yusrefi èn na a fasi fa yu e leri sma. Tan na den sani disi, dan yu sa ferlusu yusrefi èn den di e arki na yu” (1 Timotéus 4:16). Èn spesrutu, „meki wi no kon weri fu du san de bun, bika na a reti ten wi sa koti, efu wi no weri”. — Galasia 6:9.

Yu kan memre disi ete?

◻ San na wantu fasi fu hori wan positief yeyefasi ini gebied di ben wroko furutron?

◻ Fa wi kan du sani moro fini ini a suku fu den sma di warti fu dati?

◻ San wi kan pruberi efu sma e kragi dati wi e kon tumsi furutron?

◻ Tapu sortu fasi wi kan kakafutu gi na tyalansi fu mi-no-kefasi?

◻ San sa kenki na kwaliteit fu wi diniwroko?

[Faki na tapu bladzijde 10]

TE WI E WROKO MORO FURU INI NA GEBIED

’poti dan alaten prakseri na’:

◻ wan positief fasi fu luku èn tyari sani

◻ suku finifini na den di warti fu dati

◻ fu arki nanga pasensi na den di e kragi

◻ fu kakafutu gi na tyalansi fu mi-no-ke-fasi èn na no ferstan fu sani.