Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 4/05 blz. 3
  • Ala sortu sma sa kisi frulusu

Felem no de na a pisi disi.

Sorry, wan sani no go bun di wi pruberi fu drai a felem.

  • Ala sortu sma sa kisi frulusu
  • Wi Kownukondre diniwroko 2005
  • A srefi sortu tori
  • ¿Yu E Si Soso a Fasi fa Wan Sma De na Dorosei?
    Wi Kownukondre diniwroko 1999
  • Te yu e krutu sani, no luku nomo san yu e si nanga yu ai
    A Waktitoren—A e taki fu Yehovah Kownukondre (Studie-Waktitoren)—2018
  • Yu e si trawan soleki fa Yehovah e si den?
    A Waktitoren—A e taki fu Yehovah Kownukondre 2008
  • Pristeri yusrefi bun
    Kisi wini fu a Theokrasia Diniwroko-skoro
Moro sani
Wi Kownukondre diniwroko 2005
km 4/05 blz. 3

Ala sortu sma sa kisi frulusu

1. San e meki taki wi e kisi wan bun nen na Gado?

1 A no-frudini bun-ati fu Gado e meki taki sma man kisi frulusu. A de a wani fu Yehovah taki „ala sortu sma musu kisi frulusu èn kon kisi wan soifri sabi fu waarheid” (1 Tim. 2:3, 4). A nen di wi abi na Gado no abi noti fu du nanga a kloru fu wi skin, a posisi di wi abi na ini a libimakandra, den sani di wi man du, noso fa wi de na skin sei, ma a abi fu du nanga a bribi di wi e bribi na ini a frulusu-ofrandi fu Yesus (Yoh. 3:16, 36). Wi, leki sma di e wroko makandra nanga Gado, no musu krutu sma na fesi na nowan fasi, fu di dati kan meki taki wi no e preiki gi sma di Yehovah wani teki leki en futuboi.

2, 3. San kan yepi wi fu no krutu sma na a fasi fa den de na skin sei?

2 Luku bun fu no krutu sma: Yehovah e luku fa sma de na inisei, ma a no e du disi fu di a wani du den ogri, noso fu di a lobi a wan sma moro a trawan (1 Sam. 16:7). Ma a e si sosrefi san den sma disi man du. Fu dati ede, a e si den sma di wani plisi en, leki warti sma (Hag. 2:7). Wi e si trawan soleki fa Gado e si den?

3 Te wi e miti son sma na ini a diniwroko, dan kande wi e skreki srefisrefi fu a fasi fa den de na skin sei. Kande den sma disi e weri syabisyabi krosi noso den e weri krosi di no fiti srefisrefi, kande den no seti den barba, noso kande den e weri linga na den noso èn na den mofobuba. A kan taki sonwan fu den no abi oso. Kande trawan e handri nanga wi na wan grofu fasi. Na presi taki wi e krutu den sma disi leki sma di noiti sa tron anbegiman fu Yehovah, wi musu si den leki sma di kan kenki, ’bika wan ten ben de taki wisrefi ben du don sani èn wi ben trangayesi, èn sma ben kori wi’ (Tit. 3:3). Te wi e hori disi na prakseri, dan wi sa de fayafaya fu preiki gi ala sma, srefi gi den sma di gersi leki den no de warti fu yere a bun nyunsu.

4, 5. San wi kan leri fu den eksempre fu Yesus nanga Paulus?

4 Eksempre fu a fosi yarihondro: Yesus Krestes ben teki en ten fu yepi den sma di trawan ben si leki sma di noiti no ben o tron wan anbegiman fu Yehovah (Luk. 8:26-39). Aladi Yesus noiti no ben feni en bun te sma ben du ogri, toku a ben sabi taki sani kan hari sma fu go libi na wan fasi di no bun (Luk. 7:37, 38, 44-48). Fu dati ede, a ben sori taki a ben frustan den, èn „a ben sari den, bika den ben de leki skapu di no abi wan skapuman” (Mark. 6:34). San wi kan du moro fu waka baka na eksempre fu Yesus?

5 Sma ben ston na apostel Paulus, den ben fon en, èn den ben poti en na strafu-oso (Tori. 14:19; 16:22, 23). A de so taki den takru ondrofeni disi ben meki taki a kisi bita-ati, èn taki a teki a bosroiti dati a ben e lasi en ten nanga son trakondre sma èn nanga sma di de fu wan tra lo? Nôno, kwetikweti. A ben sabi taki a ben o man feni opregtisma na mindri ala den difrenti lo, èn a ben teki a fasti bosroiti fu feni den sma disi. Na so wi e si den sma na ini a kontren fu wi, aladi den abi gwenti nanga kulturu di e difrenti fu a di fu wi?

6. Sortu krakti a fasi fa wi e handri nanga trawan kan abi tapu den nyun wan na den gemeente konmakandra?

6 Gi trawan wan switikon na ini a ten disi: Furu fu Gado en pipel breiti taki brada nanga sisa ben gi den wan switikon na ini a gemeente, èn taki den brada nanga sisa no ben luku a fasi fa den ben de na skin sei. Wan man di ben abi wan barba di no ben seti, èn di ben abi langa wiwiri te na en skowru, èn di ben weri doti krosi, ben go na wan Kownukondre zaal na ini Doisrikondre. Sma ben sabi en leki wan man di no ben e tyari ensrefi bun. Ma toku den brada nanga sisa ben gi en wan switikon na a konmakandra. Disi ben naki en ati na so wan fasi, taki a go baka na a konmakandra a wiki baka dati. Na ini wan syatu pisi ten, a man kenki a fasi fa a ben de na skin sei, a tapu nanga smoko, èn a trow nanga na uma nanga san a ben e hori. Syatu baka dati, den tu sma disi makandra nanga den pikin fu den ben dini Yehovah na ini wánfasi leki osofamiri.

7. Fa wi kan waka baka na eksempre fu wi Gado di lobi ala sortu sma?

7 Meki wi waka baka na eksempre fu wi Gado di lobi ala sortu sma, fu di wi e gi ala sma a kari fu kisi wini fu a no-frudini bun-ati fu Gado.

[Prenspari pisi na tapu bladzijde 3]

„Gado no lobi a wan sma moro a trawan, ma awansi fu sortu kondre wan sma de, efu a e du san de regtfardiki èn a e frede Gado, dan Gado feni a sma dati bun.”​—Tori. 10:34, 35.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma