Singi 221
Yonguwan! Waka Baka a Bribi fu Den
1. Na Silo, a yongu boi Samwèl ben go
Fu dini Yehovah èn drape a gro.
Wan Isrèl profeiti, na dat a ben tron;
A krin Yah nen, lek Nasireisma a kon.
A priester, nen Eli, ben ab ogri boi.
Den b’o pori Samwèl, a san dat ben moi?
No, Samwèl ben gi yesi fu arki Yah.
A arki Yehovah èn no wan tra sma.
2. Lek yongman Timoteus ler Bijbel bun;
A tron wan bun owruman; a no ben grun
A ben du den san f’a ben ler den bifo.
A ben de getrow, a ben suku bun so.
Na in en gemeente a ben ab bun nen,
Èn sondro fu tweifri den tan suku f’ en.
A rèis nanga Paulus èn a ben si fa
En wroko tya blesi gi bun furu sma.
3. Yong sisa, un memre a pkin f’Isrèl tu,
En brib in Yehovah ben de bun fu tru.
Katibo no mek a las a bribi f’ en,
A gi sma dek’at nang’ a bribi fu en
A taigi a wefi f’ Na-aman getrow:
’Yehovah profeiti kan betre yu now.’
Na edeman f’Siria ben tek en rai;
Dat meki den blesi d’a kisi, ben lai.
4. Yong brada èn sisa, wi e tranga un
Fu waka na baka eksempre di bun.
Wi ab wan moi gudu n’a „ten f’a kaba”.
Yehovah wan’ wi fu fruteri den sma.
So, yongwan kon feti makandra gi En,
Èn nanga den futuboi di hei En nen.
Ko’w’ warskow den sma nanga prèise Yah hei,
Èn abi wan prati in den lasti dei.