Koloku fu sari-atiwan!

1. Koloku f’ den sar-atiwan!

In Gado ai so moi d’e tan.

D’e ler sma di lob retidu

Dat Gado lob sar-ati tu.

Yehovah sen en Pkin kon dya,

Na so A sor sar-at gi sma.

Sar-at Ae sor saf-atiwan,

Bika wi swaki, Ae frustan.

2. Sar-at sma Gad’ e blesi den,

Pardon fu sondu kon fu En,

Nyan bun fu dati nofotron,

Di Krestes na fes Gad’ a e sdon.

Wi wani sor sar-at gi sma,

Dat mek bun nyunsu wi e tya,

W’e taigi sma: „Prisiri tu,

A Kownukondre seti f’ tru.”

3. Yehovah lobi wi sa si

Te En sa krutu y’ anga mi.

Sar-ati f’ En w’o firi f’ tru,

Di wi sref sor sar-ati tu.

So mek wi de sar-atiwan,

Fu kwek a fas dis pe w’e tan.

Wi Gado nang’ a Manpkin f’ En,

Sar-ati wi kan leri f’ den.