Fu san ede wi e go na den bigi konmakandra?

Fu san ede den sma disi e prisiri so? Den de na wan fu den bigi konmakandra fu wi. Fositen, den futuboi fu Gado ben prisiri te den ben musu kon makandra dri leisi wan yari. Na so wi e prisiri tu fu kon makandra na ini bigi grupu (Deuteronomium 16:16). Ibri yari wi abi dri bigi konmakandra: tu kring konmakandra fu wán dei, nanga wán Dri Dei Kongres. Sortu wini wi e kisi fu den bigi konmakandra disi?

Den e yepi wi fu abi wan moro bun matifasi nanga wi Kresten brada nanga sisa. Neleki den Israelsma di ben prisiri fu prèise Yehovah „na mindri den sma di kon makandra”, na so wi e prisiri tu fu anbegi Yehovah na den spesrutu konmakandra disi (Psalm 26:12; 111:1). Den konmakandra disi e gi wi na okasi fu miti èn de makandra nanga Kotoigi fu tra gemeente noso srefi fu tra kondre. Brekten wi e nyan nanga makandra na a presi pe a konmakandra e hori. Disi e gi wi moro prisiri na a okasi disi te wi e kisi leri fu Gado (Tori fu den apostel 2:42). Drape wi e firi a lobi di „ala brada [nanga sisa]” na grontapu abi gi makandra èn di e meki wi de wán bigi famiri.​—1 Petrus 2:17.

Den e yepi wi fu abi wan moro bun matifasi nanga Yehovah. Den Israelsma ben kisi wini tu fu di den ben kon „frustan” den tori fu Gado Buku di sma ben tyari kon na krin gi den (Nehemia 8:8, 12). Wi e warderi den Bijbel leri di wi e kisi na den bigi konmakandra fu wi. A nen fu den bigi konmakandra abi fu du nanga wan Bijbeltekst. Nanga yepi fu moi lezing, symposium, èn demonstrâsi, wi e leri fa fu du a wani fu Gado. Wi e kisi deki-ati te wi e yere den ondrofenitori fu brada nanga sisa di ben man horidoro di problema ben miti den na ini a muilek ten disi. Na den Dri Dei Kongres sma e prei drama fu Bijbel tori. Disi e yepi wi fu si fa wi kan du den sani di wi leri. Na ibri bigi konmakandra sma kan teki dopu fu sori taki den gi densrefi abra na Gado.

• Fu san ede den bigi konmakandra e gi wi prisiri?

• Sortu wini yu kan kisi te yu e go na wan bigi konmakandra?