Gi ala sma na ini yu kontren a kari fu kon na a Memrefesa

Tapu 27 februari wi o bigin prati den kari gi a Memrefesa. Wi o gi so furu sma leki wi man wan kari fu kon memre a dede fu Krestes makandra nanga wi. Wi musu luku tu efu wan sma wani sabi moro èn wi musu go baka na en.

FA YU KAN DU DATI?

DISI NA SAN YU KAN TAKI

„Wi e gi sma wan kari fu kon na wan prenspari konmakandra. Tapu 23 maart, milyunmilyun sma na heri grontapu o kon makandra fu memre a dede fu Yesus Krestes èn fu arki wan Bijbel-lezing sondro fu pai. A lezing disi o sori wi sortu blesi wi e kisi fu a dede fu Yesus. A kari disi e sori pe èn o lati a konmakandra o hori na ini yu birti. Yu kan kon efu yu man.”

Efu a sma disi sori taki a wani sabi moro . . .

• GI EN A WAKTITOREN

  Seti sani fu go baka na en.

• SORI EN A MEMREFESA FELEM

  Seti sani fu go baka na en.

Te yu go baka na a sma disi, yu kan . . .

• SORI EN A FELEM FU SAN EDE WI MUSU STUDERI BIJBEL?

  Baka dati gi a sma wan buku di wi e gebroiki fu studeri nanga sma.

• GI EN SAN BIJBEL E LERI WI TRUTRU?

  Gebroiki blz. 206-208 fu fruteri en moro fu a Memrefesa. Baka dati gi en a buku.

• GI EN NA ARKI GADO-BROCHURE

  Gebroiki blz. 18, 19 fu fruteri en fu san ede Krestes dede gi wi. Baka dati gi en a brochure.