MWBR19 02 Verwijzing gi Wi Kresten libi nanga a preikiwroko studie-buku

25 FEBRUARI–3 MAART

GUDU NA INI GADO WORTU | ROMESMA 9-11

Diki moro dipi

it-1-O 1202 ¶1

De fayafaya

A no ala ten a faya di wan sma abi bun. Wan sma kan de fayafaya fu du wan sani, kande a e du en nanga en heri ati srefi. Ma toku a sani di a e du kan de wan fowtu sani noso wan sani di Gado no feni bun. Na so a ben de nanga den Dyu na ini a ten fu den apostel. Den ben denki taki Gado ben o si den leki reti-ati sma efu den ben e hori densrefi nomo na a Wet di Gado ben gi Moses. Ma Paulus sori den taki aladi den ben e gi yesi na a Wet, toku den no ben e du bun fu di den no ben abi soifri sabi. Dati meki Gado no ben e si den leki reti-ati sma. Den ben musu frustan taki den no ben e si sani na a yoisti fasi. Efu den ben wani taki Gado si den leki reti-ati sma èn efu den ben wani kon fri fu a Wet, dan den ben musu poti bribi na ini Yesus so taki Gado ben kan feni den bun (Ro 10:1-10). Saulus fu Tarsus ben de so wan sma di ben e horibaka so fayafaya gi a Dyu bribi taki a „frufolgu a gemeente fu Gado” na wan ogri-ati fasi, èn a „pruberi fu puru en na pasi”. A ben e hori ensrefi soifri na a Wet so taki ’sma no ben man feni fowtu na en tapu’ (Ga 1:13, 14; Fp 3:6). Aladi a ben e horibaka fayafaya gi a Dyu bribi, toku a sani dati no ben bun. Ma fu di a ben abi wan krin ati, meki Yehovah sori bun-ati gi en èn a meki a kon sabi a tru anbegi nanga yepi fu Krestes.​—1Ti 1:12, 13.