MWBR19 05 Verwijzing gi Wi Kresten libi nanga a preikiwroko studie-buku
6-12 MEI
GUDU NA INI GADO WORTU | 2 KORENTESMA 4-6
„Wi no e gi abra”
it-2-O 1172
Horidoro
A prenspari tu taki wi no e frigiti a howpu di wi leki Kresten abi taki wi o man libi fu têgo sondro sondu. Awansi feanti kiri wi, toku a howpu disi no e lasi gowe (Ro 5:4, 5; 1Tes 1:3; Opb 2:10). A pina di wi e pina now na noti te yu teki en gersi nanga ala den sani di o kon tru soleki fa Gado pramisi (Ro 8:18-25). Te wi e prakseri a têgo libi di wi o kisi, dan a pina di wi e pina now „de fu wan syatu pisi ten nomo èn a no hebi” (2Kor 4:16-18). Te wan sma e prakseri taki tesi na fu wan syatu pisi ten nomo èn te a e tan bribi na ini a howpu di wi leki Kresten abi, dan dati kan yepi en fu no bruya so te taki a e drai baka gi Yehovah Gado.
13-19 MEI
GUDU NA INI GADO WORTU | 2 KORENTESMA 7-10
„A wroko di wi e du fu yepi sma di de na nowtu”
Diki moro dipi
g99-O 8/7 20-21
A fowtu fu meki bigi?
Na ini den Kresten Griki buku fu Bijbel, a wortu kaukomai, di vertaal nanga „meki bigi, prisiri nanga, noso dyaf” kan abi fu du nanga sani di bun noso nanga sani di no bun. Fu eksempre, Paulus ben taki: „Meki wi prisiri, bika wi abi a howpu fu kisi a glori fu Gado.” A ben taki tu: „Meki a sma di e meki bigi, du dati gi Yehovah” (Romesma 5:2; 2 Korentesma 10:17). Disi wani taki dati wi breiti taki Yehovah na wi Gado èn fu dati ede wi e meki bigi fu den bun sani di a du.
27 MEI–2 YUNI
GUDU NA INI GADO WORTU | GALASIASMA 1-3
„Mi piri-ai gi en”
it-2-O 579
Paulus
Wan pisi ten baka dati, Petrus srefi kon na Antiokia na ini Siria èn a ben e moksi nanga den Kresten di no ben de Dyu. Ma di wan tu Dyu fu Yerusalem kon drape, dan a ben de krin fu si taki Petrus no ben wani moksi moro nanga den Kresten di no ben de Dyu, fu di a ben frede libisma. Te yu luku en bun, Petrus no ben e gi yesi na a santa yeye di ben e sori taki Gado no ben e desko sma di de fu wan tra ras. Di Paulus si dati, dan a piri-ai gi Petrus na fesi ala sma drape, fu di a fasi fa a ben tyari ensrefi ben kan tapu a Kresten bribi fu go na fesi.—Ga 2:11-14.
Diki moro dipi
it-1-O 700
Gi den Galasiasma
Di Paulus taki: „Un Galasiasma, unu no e gebroiki un frustan!”, dan suma a ben abi na prakseri? Buweisi no de taki a ben e taki soso fu sma fu wan spesrutu ras di ben e libi na a kontren na a noordsei fu Galasia (Ga 3:1). Na presi fu dati, Paulus ben e piri-ai gi son sma na ini den gemeente drape di ben meki den leri fu den Dyu abi krakti tapu a fasi fa den ben e denki. Den Dyu dati ben e suku fu sori taki den na reti-ati sma fu di den ben e hori densrefi na a Wet fu Moses, na presi fu bribi na ini a nyun frubontu di ben e gi sma na okasi fu tron reti-atisma te den ben e poti bribi na ini Krestes (2:15–3:14; 4:9, 10). Den sma na ini „den gemeente fu Galasia” (1:2) ben de Dyu nanga trakondre sma. Den trakondresma disi ben de sma di ben teki a Dyu bribi èn di ben besnèi nanga sma di no ben besnèi. A no de fu taki dati sonwan fu den ben komoto na West-Europa (Tor 13:14, 43; 16:1; Ga 5:2). Ma Bijbel e kari den alamala Kresten fu Galasia fu di den ben e libi na ini a kontren fu Galasia. A heri fasi fa Paulus ben skrifi a brifi e sori taki a ben de gi sma na zuidsei fu Galasia di a ben sabi. A no ben skrifi en gi sma na noordsei di a no ben sabi srefisrefi èn pe a no ben go noiti.