LES 11

Taki nanga faya

Romesma 12:11

SAN YU MUSU DU: Taki nanga faya so taki yu kan gi den arkiman deki-ati fu du san den leri.

Den sani di yu o taki musu naki yu ati. Te yu e sreka yusrefi fu hori wan lezing, dan denki dipi o prenspari a boskopu fu yu de. Yu musu sabi a tori heri bun, so taki yu kan taki komoto fu yu ati.
Prakseri den arkiman fu yu. Prakseri fa a sani di yu o leisi noso di yu o leri sma o tyari wini kon gi den. Dan luku fa yu kan hori a lezing na so wan fasi taki den arkiman kisi moro warderi gi a sani di yu wani leri den.
A lezing fu yu no musu soi. Taki nanga faya. Den gebaar di yu e meki èn a fasi fa yu e poti yu fesi, musu meki sma si fa yu e firi fu a tori di yu e taki.

Sorgu taki yu no e meki a srefi gebaar ibri tron baka, noso den arkiman no o poti prakseri moro na a boskopu fu yu. Den gebaar di yu e meki musu fiti. Yu musu taki nanga faya, spesrutu te yu o taki fu wan prenspari penti èn te yu o gi den arkiman deki-ati fu du wan sani. No taki nanga tumusi faya a heri lezing, noso den arkiman kan kon weri fu arki yu.