Sori sma fa den kan kisi wini fu den sani di yu e taki

Yesaya 48:17

SAN YU MUSU DU: Yepi den arkiman fu frustan fa a tori di yu e taki kan yepi den na ini den libi èn sori den san den musu du nanga a leri di den e kisi.

FA YU KAN DU DISI:

• Denki den arkiman fu yu. Prakseri fu san ede den arkiman musu yere a tori di yu o taki fu en. Dan luku sortu pisi fu a tori den abi spesrutu fanowdu.

• Na ini a heri lezing, sori den arkiman san den musu du. Na a bigin kaba fu a lezing, ibri arkiman musu firi taki a tori di yu e taki kan yepi en. Te yu e taki fu ibri edepenti, dan sori fa den kan du san den leri. No taki frafra fu wan tori, ma taki fu spesrutu sani di kan yepi den.