LES 1

Den sani di yu e taki na a bigin musu hari sma prakseri

Tori 17:22

SAN YU MUSU DU: Den sani di yu o taki na a bigin musu hari sma prakseri. Den musu meki sma frustan wantewante fu sortu tori yu o taki èn fu san ede a tori prenspari gi den.

FA YU KAN DU DISI:

Taki wan sani fu hari sma prakseri. Poti wan aksi gi den arkiman, fruteri wan ondrofenitori di pasa trutru, fruteri wan tori di ben de na ini a nyunsu, noso taki wan tra sani di kan hari den prakseri.

Te yu e sreka yusrefi, dan prakseri sortu sani den arkiman fu yu lobi èn nanga san den e broko den ede. Disi o yepi yu fu sabi fa yu musu bigin wan takimakandra.
Meki sma frustan fu sortu tori yu o taki. Sorgu taki den sani di yu e taki na a bigin e yepi den arkiman fu kon sabi fu san yu o taki èn fu san ede yu o taki fu a tori dati.
Sori sma krin fu san ede a tori prenspari. Taki fu sani di den arkiman fu yu abi fanowdu. Den musu si krin taki a tori di yu o taki fu en kan yepi den na ini den eigi libi.

Te yu e sreka yusrefi fu hori wan lezing, dan aksi yusrefi: ’San na a situwâsi fu den brada nanga sisa na ini mi gemeente?’ Dan hori a sani dati na prakseri te yu o bosroiti san yu o taki na a bigin fu yu lezing.