Taki sani di e meki sma firi bun èn gi den deki-ati

Yob 16:5

SAN YU MUSU DU: No poti tumusi furu prakseri na wan problema, ma poti prakseri na a lusu fu a problema èn na sani di o gi den arkiman deki-ati.

FA YU KAN DU DISI:

• Denki bun fu den arkiman. Abi a frutrow taki den brada nanga sisa wani du sani di Yehovah feni bun. Srefi efu yu musu gi den rai, toku yu kan suku wan sani fu prèise den fosi.

• No taki tumusi furu fu sani di no e gi deki-ati. Te yu e taki fu wan tori, no poti tumusi furu prakseri na den sani di no e go bun. Efu yu musu taki fu sani di no e go bun, dan du dati soso te dati de fanowdu trutru, ma no taki langa fu en. Den arkiman musu firi bun baka te den arki a lezing fu yu.

• Gebroiki Gado Wortu. Sori den arkiman na ini Bijbel san Yehovah du kaba, san a e du now èn san a o du gi libisma na ini a ten di e kon. Gi den arkiman fu yu deki-ati èn taki sani di e gi den howpu.