Verwijzing gi „Kresten libi nanga preikiwroko Studie-buku”

Verwijzing gi Wi Kresten libi nanga a preikiwroko studie-buku

6-12 NOVEMBER

GUDU NA INI GADO WORTU | YOB 13-14

„Efu wan libisma dede, a kan kon na libi baka?”

Diki moro dipi

it-1-O 173

Asisi

Na ini owruten sma ben e si asisi leki wan sani di no de noti noso di no abi nowan waarde. Di Abraham ben de na fesi Yehovah, a ben taki: „Mi na doti nanga asisi” (Ge 18:27; luku sosrefi Yes 44:20; Yob 30:19). Yob ben taki dati den sani di den falsi mati fu en ben e taki ben „de leki asisi.”—Yob 13:12.

20-26 NOVEMBER

GUDU NA INI GADO WORTU | YOB 18-19

„Noiti yu musu gwe libi yu brada nanga sisa”

Diki moro dipi

w94-O 1/10 32

Wortu di e trowstu sma abi krakti

Ma di Yob srefi ben abi deki-ati fanowdu, Elifas nanga den mati fu en no taki sani fu trowstu Yob. Na presi fu dati den meki Yob firi leki na fu di a ben du ogri na wan kibri fasi meki a ben kisi so furu problema (Yob 4:8). Wan Bijbel di nen The Interpreter’s Bible e taki: „San Yob ben abi fanowdu na wan sma di ben e firi gi en. Ma aladi son wan fu den sani di den mati fu en ben taki ben tru, toku den no ben gi Yob deki-ati. Bika den no ben hori den firi fu en na prakseri.” Di Yob yere den sani di Elifas nanga den mati fu en taki, a ben ati-bron srefisrefi èn a taki: „O langa unu o fruferi mi ete? O langa unu o fon mi nanga den wortu fu unu?”—Yob 19:2.

Noiti wi musu taki sani sondro fu denki èn di kan hati a firi fu wan anbegiman fu Yehovah, noso a kan lasi-ati. (Luku sosrefi Deuteronomium 24:15.) Wan odo na ini Bijbel e taki: „A tongo abi a makti fu kiri sma, noso fu gi den libi. A sma di lobi fu taki o nyan den froktu fu dati.”—Odo 18:21.

27 NOVEMBER–3 DECEMBER

GUDU NA INI GADO WORTU | YOB 20-21

Du muiti fu tron wan moro bun preikiman

g-O 5/09 12-13

DEN sani disi na sani di furu kerki sma lobi taki fu sori taki Gado e blesi den nanga gudu. Den e preiki taki efu yu du san bun na ini Gado ai, dan a o gi yu na okasi fu abi wan bun libi nownowde èn na ini a ten di e kon. A fasi fu denki disi e hari furu sma prakseri èn den buku di e taki fu den tori dati na den buku di sma moro lobi fu bai. Ma a fasi fu denki disi e kruderi nanga san Bijbel e taki?

A no de fu taki dati, wi Mekiman, a wan di Bijbel e kari „a koloku Gado” wani taki wi musu de koloku èn wi musu abi wan bun libi (1 Timoteyus 1:11; Psalm 1:1-3). Boiti dati, a e blesi den wan di dini en nanga den heri ati (Odo 10:22). Ma a blesi disi na den gudu di wan sma kan kon abi na materia sei? A piki tapu na aksi disi e kon na krin te wi frustan na ini sortu ten wi e libi èn te wi luku san Gado abi na prakseri gi grontapu.

Na wan ten fu kon gudu?

Na ini a ten di pasa, Yehovah Gado ben blesi son wan fu den futuboi fu en nanga gudu na materia sei. Fu eksempre a ben blesi na famiri-edeman Yob nanga Kownu Salomo nanga furu gudu (1 Kownu 10:23; Yob 42:12). Ma toku furu tra sma di ben abi bigi lespeki gi Gado no ben gudu, soleki Yohanes a dopuman nanga Yesus Krestes (Markus 1:6; Lukas 9:58). San disi e leri wi? Soleki fa bijbel e sori, dan Gado e gi den futuboi fu en san den abi fanowdu na a momenti dati (Preikiman 3:1). Fa a sani disi abi fu du nanga wi na ini a ten disi?

Den Bijbel profeititori e sori krin taki „a kaba fu a grontapu disi de krosibei” noso taki wi e libi na ini „den lasti dei” fu na ogri grontapu disi. Disi ben o de fu si na den sani di e pasa, soleki feti, takru siki, angriten, gronseki nanga a tyari di sma e tyari densrefi na wan fasi di no fiti—den sani disi na sani di e pina a libisma famiri sensi a yari 1914 (Mateyus 24:3; 2 Timoteyus 3:1-5; Lukas 21:10, 11; Openbaring 6:3-8). Fu taki en syatu, a grontapu disi de leki wan sipi di de fu sungu! Efu dati de so, dan fu san ede Gado ben o blesi ibri anbegiman fu en nanga gudu di kan lasi gwe? Noso a abi wan tra sani na prakseri gi wi?

Yesus Krestes ben taki dati a ten fu wi ben o de leki a ten fu Noa. A ben taki: „Na ini a ten dati bifo a frudu, sma ben nyan, den ben dringi, man ben teki uma fu trow èn uma ben trow nanga man, teleki a dei doro di Noa go na ini na ark. Ma den no ben poti prakseri na san ben e pasa, teleki a frudu kon èn a wai den alamala puru. Na so a o de te a Manpikin fu libisma kon” (Mateyus 24:37-39). Yesus ben taki tu dati a ten fu wi ben o de leki a ten fu Lot. Den sma na ini Sodom nanga Gomora a foto pe Lot ben e libi, ’ben e nyan èn dringi, den ben e bai èn seri sani, ben e prani sani èn e bow oso.’ „Ma a dei di Lot komoto na Sodom, faya nanga ston di ben e bron fadon komoto fu hemel èn a kiri den alamala.” Yesus ben taki tu: „Na so a o de tu na a dei te a Manpikin fu libisma o sori ensrefi.”—Lukas 17:28-30.

Ma dati wani taki a fowtu fu nyan, fu dringi, fu trow, fu bai sani èn fu seri sani? Nono! San fowtu na te wi e poti ala wi prakseri na den sani disi so te taki wi frigiti taki wi e libi na ini den lasti dei. Aksi yusrefi a sani disi: ’Gado ben o du wi wan bun efu a ben o blesi wi nanga sani di e puru wi prakseri na den moro prenspari sani?’ Fu taki en leti, a ben o du wi wan bigi ogri. Èn dati a no a fasi fa a Gado fu lobi de!—1 Timoteyus 6:17; 1 Yohanes 4:8.

4-10 DECEMBER

GUDU NA INI GADO WORTU | YOB 22-24

„Yu denki taki Gado man gebroiki wan libisma gi wan bun sani?”

w95-O 15/2 27 ¶6

Wan fasi fa wi musu lusu problema

Den dri mati fu Yob tan meki a firi broko-saka, fu di den ben e taki nomo san den e denki na presi fu gebroiki a koni fu Gado. Elifas go so fara srefi fu taki dati ’Gado no e frutrow den futuboi fu en’ èn taki a no e broko en ede efu Yob ben de wan reti-ati sma noso wan ogri sma (Yob 4:18; 22:2, 3). A no abi misi, den lei wortu disi fu Elifas ben meki Yob firi broko-saka srefisrefi! Dati meki a no fruwondru wi taki bakaten Yehovah ben ati-bron tapu Elifas nanga den mati fu en fu di den ben gi Gado porinen, A taki: „Bika unu no taki sani fu mi di tru” (Yob 42:7). Ma den ben o taki moro ogri sani srefi.

18-24 DECEMBER

GUDU NA INI GADO WORTU | YOB 28-29

„Yu abi wan bun nen neleki Yob?”

w09-O 1/2 15 ¶3-4

San wan nen wani taki?

Aladi wi no man taki sortu nen wi o kisi te wi gebore, toku wisrefi kan bosroiti sortu sma wi wani de (Odo 20:11). Aksi yusrefi: ’Efu Yesus noso den apostel ben abi na okasi fu gi mi wan nen, sortu nen den ben o gi mi? Sortu nen ben o fiti a fasi fa mi e denki noso fa mi e tyari misrefi?’

Wi musu denki bun fu den aksi disi. Fu san ede? Kownu Salomo ben skrifi: „A moro betre fu abi wan bun nen, leki fu abi furu gudu” (Odo 22:1). Efu wi e tyari wisrefi na wan bun fasi noso wi meki wan bun nen na ini a libimakandra, dan a no abi misi taki sma o lespeki wi. Ma san moro prenspari na taki, te wi meke wan bun nen na Gadu dan wi o kisi têgo blesi. Fa so? Gado pramisi taki a o skrifi a nen fu den wan di abi lespeki gi en na ini „wan buku fu memre” den èn a o gi den a dyaranti taki den o libi fu têgo.—Maleaki 3:16; Openbaring 3:5; 20:12-15.

Diki moro dipi

g00-O 8/7 11 ¶3

Lafu pikinso—A bun gi yu!

A prenspari fu lafu? We, yu e memre fa a lafu fu wan sma ben meki yu firi korostu? Yu ben firi wan fasi noso firi leki wan sma no ben wani taki nanga yu, fu di a no ben lafu? Iya, lafu prenspari srefisrefi. Lafu kan abi krakti tapu ala tu sma, a wan di e lafu nanga a wan di a e lafu gi. Yob, wan man na ini Bijbel ben taki a sani disi fu den feanti fu en, a ben taki: „Te mi ben e lafu nanga den—den ben e fruwondru—Mi fesi ben e brenki fu prisiri, èn nowan sma ben man kenki dati” (Yob 29:24). A kan taki a fasi Yob „fesi ben e brenki” ben e sori taki a ben e prisiri èn taki a ben de koloku.