FAKI 7B
Prenspari sani di skrifi na ini a buku Esekièl
„Manpikin fu libisma”
MORO LEKI 90 LEISI
Moro leki 90 leisi Yehovah e kari Esekièl „manpikin fu libisma” (Esek. 2:1). Yehovah e memre en taki aladi a kisi bigi grani, en na wan libisma. Na ini na Evangelietori, 83 leisi den e kari Yesus „manpikin fu libisma”. Disi e sori taki a ben tron wan libisma èn taki a no ben de wan engel di ben teki wan libisma skin.—Mat. 8:20.
„ . . . sa musu fu sabi taki mi na Yehovah”
MORO LEKI 40 LEISI
Moro leki 40 leisi Esekièl e skrifi taki Gado taki dati den pipel „sa musu fu sabi taki mi na Yehovah”. Disi e sori o prenspari a de taki wi e anbegi Yehovah wawan fu di a e frudini dati.—Esek. 6:7.
„A Moro Hei Masra Yehovah”
212 LEISI
Den wortu „a Moro Hei Masra Yehovah” skrifi 212 leisi na ini a buku Esekièl. Disi e sori taki a nen fu Yehovah prenspari èn taki ala sma musu saka densrefi na ondro Yehovah.—Esek. 2:4.