LES 17

Yepi trawan fu frustan san yu e taki

1 Korentesma 14:9

SAN YU MUSU DU: Yepi den arkiman fu frustan a boskopu fu yu bun.

Studeri a tori bun. Yu musu frustan a tori bun, so taki yu kan fruklari en na wan makelek fasi èn nanga yu eigi wortu.
Gebroiki syatu zin èn taki sani na wan makelek fasi. Aladi a no fowtu fu gebroiki langa zin, toku a bun fu gebroiki syatu zin te yu e fruklari den prenspari penti.

No taki fu sani di no de fanowdu trutru, noso yu o bruya den arkiman èn den o fuga fu arki yu. A moro bun fu taki sani na wan makelek fasi, leki fu gebroiki wortu di sma no man frustan.
Fruklari wortu di sma no sabi. Efu a kan, no gebroiki wortu di den arkiman no sabi. Fruklari den wortu di furu sma no sabi. Te yu e taki fu wan sma na ini Bijbel di no kari furu, dan fruteri den arkiman moro fu a sma dati. Te yu o taki fu wan owruten gwenti noso fu wan sani di sma na ini owruten ben e gebroiki fu marki noso wegi sani, dan fruklari dati tu.