LES 53
Abi prisiri na wan fasi di Yehovah feni bun
Yehovah na „a koloku Gado” (1 Timoteyus 1:11). A wani taki wi de koloku èn taki wi prisiri na ini a libi. A feni en bun te wi e poti ten na wan sei fu rostu èn fu meki prisiri. Na ini a les disi wi o si fa wi kan gebroiki a ten dati fu du sani di e gi prisiri èn di Yehovah feni bun.
1. San wi musu prakseri fosi wi bosroiti san wi o du fu abi prisiri?
San yu lobi du te yu e relaks? Son sma lobi de na oso. Den e leisi wan buku, den e arki poku, den e luku wan felem noso den e go tapu Internet. Tra sma lobi du sani nanga mati. Den e go koiri, den e go swen noso den e prei game. Ma awinsi san wi e du fu abi prisiri wi musu de seiker taki ’Masra feni en bun’ (Efeisesma 5:10). A prenspari fu frustan a sani disi bun fu di furu sani di sma e du fu abi prisiri abi sani na ini di Yehovah no lobi, sani soleki feti, hurudu nanga afkodrei. (Leisi Psalm 11:5.) San kan yepi wi fu bosroiti san wi o du fu abi prisiri?
Efu wi e suku mati di lobi Yehovah, dan den o yepi wi fu abi prisiri na wan fasi di Yehovah feni bun. Na ini les 48 wi si taki „te wan sma e waka nanga koniwan, dan ensrefi o kon koni”. Ma efu wi lobi moksi nanga sma di no lobi den wet fu Gado, dan ’sani no o waka bun gi wi’.—Odo 13:20.
2. Fu san ede a prenspari fu luku o furu ten wi e gebroiki fu meki prisiri?
Awinsi wi e du bun sani fu abi prisiri, toku wi musu luku bun o furu ten wi e gebroiki gi den sani dati. Efu wi no du dati, dan wi no o abi nofo ten gi moro prenspari sani. Bijbel e gi wi deki-ati fu ’gebroiki a ten fu wi na wan koni fasi’.—Leisi Efeisesma 5:15, 16.
SORTU TRA SANI YU KAN LERI?
Wi o luku fa wi kan bosroiti san wi o du fu abi prisiri.
3. No du sani di no bun gi yu
Fu san ede wi musu luku bun san wi o du fu abi prisiri? Prei a FELEM èn taki fu den aksi disi:
Fa den feti di sma ben luku na ini owruten Rome de leki sonwan fu den sani di sma e luku na ini a ten disi?
Na ini a felem, san Danny kon frustan te fu kaba?
Leisi Romesma 12:9 èn taki fu na aksi disi:
Fa a tekst disi kan yepi yu fu abi prisiri na wan fasi di Yehovah feni bun?
San na wan tu sani di Yehovah no lobi? Leisi Odo 6:16, 17 nanga Galasiasma 5:19-21. Baka te yu leisi ibri tekst, dan taki fu na aksi disi:
Sortuwan fu den sani di kari na ini a tekst disi yu e si furu na ini den felem nanga game fu a ten disi?
Fa yu kan bosroiti fa yu o abi prisiri?
Aksi yusrefi:
San mi o du? A sani di mi wani du abi sani na ini di Yehovah no lobi?
O ten mi o du en? A sani di mi o du o meki taki mi no abi ten gi moro prenspari sani?
Nanga suma mi o du en? Te mi o du a sani disi mi o moksi furu nanga sma di no lobi Yehovah?
Na wan koni sani fu tan fara fu sani di kan meki taki ogri miti wi. Dati meki te yu no de seiker efu a sani di yu wani du fu abi prisiri bun, dan a moro bun fu no du en
4. Gebroiki yu ten bun
Prei a FELEM èn taki fu na aksi disi:
Aladi a brada na ini a felem no ben luku sani di no bun, toku a ben abi wan problema. San ben de a problema fu en?
Leisi Filipisma 1:10 èn taki fu na aksi disi:
Fa a tekst disi kan yepi wi fu bosroiti o furu ten wi e gebroiki fu abi prisiri?
5. Du sani di bun gi yu
Aladi Yehovah no lobi son sani, toku furu bun sani de di wi kan du fu abi prisiri. Leisi Preikiman 8:15 nanga Filipisma 4:8. Baka dati taki fu na aksi disi:
Sortu bun sani yu lobi du fu abi prisiri?
Yu kan abi prisiri di bun
SON SMA E TAKI: „A no fowtu fu luku sani di abi feti, seks noso afkodrei na ini, solanga yu no e du den sani disi.”
San yu ben o taigi a sma?
SAN YU LERI?
Yehovah wani taki wi abi prisiri di bun.
Fa yu ben o piki den aksi disi?
San wan Kresten no musu du fu abi prisiri?
Fu san ede wi musu luku bun o furu ten wi e gebroiki fu abi prisiri?
Fu san ede yu wani abi prisiri na wan fasi di Yehovah feni bun?
TRA SANI DI YU KAN LUKU
Suma e bosroiti gi yu san yu o du fu abi prisiri?
Na ini na artikel disi yu o si san yu kan du fu abi prisiri na wan fasi di Yehovah feni bun.
„Yu abi prisiri na wan fasi di fiti?” (A Waktitoren, 15 oktober 2011)
Na ini na artikel „Mi no ben denki takru moro fu wetiman” yu o si fu san ede wan man bosroiti fu luku tra sortu felem èn fu arki tra sortu poku.
Na ini a felem disi yu o si fu san ede wan mama bosroiti fu no luku felem moro di abi afkodrei na ini.