Syatu luku fu a Theokrasia Diniwroko-skoro

Na a Theokrasia Diniwroko-skoro wi sa abi wan takimakandra fu den aksi di e kon now. Wi sa du disi na ini a wiki fu 27 december 2010. A skoro-opziener sa teki 20 miniti fu luku baka san wi ben leri fu den lezing di ben hori na ini den wiki fu 1 november te go miti 27 december 2010.

1. San wi kan leri fu den sani di den Leifi singiman ben singi na ini a prèisesingi fu den, soleki fa skrifi na ini 1 Kroniki 16:34? [w02 15/1 blz. 11 par. 6, 7]

2. Sortu moi fasi David ben abi, aladi Yehovah no ben wani taki a bow na oso fu En, èn san wi kan leri fu a fasi disi fu David? (1 Kron. 22:5, 9) [w05 1/10 blz. 11]

3. Fa Kownu David ben wani taki en manpikin Salomo ben musu denki fu Gado? (1 Kron. 28:9) [w08 15/10 blz. 7 par. 18]

4. Fu san ede a ben fiti taki den meki popki fu mankaw fu hori a bun bigi „se”? (2 Kron. 4:2-4) [w05 1/12 blz. 19 par. 3; w98 15/6 blz. 16 par. 17]

5. Na ark fu a frubontu ben abi soso den tu plata ston na ini, noso tra sani ben de na ini tu? (2 Kron. 5:10) [w06 15/1 blz. 31]

6. San Salomo ben wani taki di a aksi Yehovah fu arki den begi fu iniwan sma di ben o ’begi en nanga den fesi kon na a sei fu na oso disi’? (2 Kron. 6:21, 32, 33) [w05 1/12 blz. 19]

7. San den wortu „wan frubontu fu sowtu” wani taki, soleki fa a skrifi na ini 2 Kroniki 13:5? [w05 1/12 blz. 20 par. 2]

8. Fa den wortu na ini 2 Kroniki 17:9, 10 fiti na a diniwroko fu wi? [w09 15/6 blz. 12 par. 7]

9. Fa a pipel fu Gado na ini a ten disi, o handri soleki fa 2 Kroniki 20:17 e taki? [w03 1/6 blz. 21, 22 par. 14-17]

10. San wi kan leri fu a tori fu Kownu Usia di a ben kon kisi bigifasi? (2 Kron. 26:15-21) [w99 1/12 blz. 26 par. 1, 2]