Eksempre di yu kan gebroiki

Fa fu bigin Bijbelstudie tapu a fosi satra na ini maart

„Wi kon na yu tide fu taki syatu fu wan sani di o pasa tapu 14 april. A dei dati wi o memre a dede fu Yesus. Son sma o memre a dei di Yesus dede, fu di den e bribi taki a dede fu Yesus de prenspari. Trawan no sabi fu san ede Yesus ben musu dede. Yu denki taki a dede fu Yesus e tyari wini kon gi yu nanga mi?” Gi a sma na okasi fu piki. Sori a sma a lasti bladzijde fu A Waktitoren fu 1 maart, èn taki fu den sani di skrifi na a fosi aksi èn taki fu wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

A Waktitoren 1 maart

„Furu sma e aksi densrefi fu san ede Gado no e du wan sani so taki ogridu nanga pina no de moro na grontapu. Yu denki taki Gado no e du noti fu di a no lobi sma, noso a feni en bun te sma e pina? [Gi a sma na okasi fu piki. Baka dati, leisi Yohanes 3:16.] Aladi furu sma e gebroiki a tekst disi fu sori taki Gado lobi libisma, toku den no sabi sortu wini a dede fu Gado manpikin abi gi den trutru. A tijdschrift disi e fruteri fa a dede fu Yesus o tyari wan kaba kon na ogridu nanga pina na grontapu.”

Ontwaakt! maart

„Wi kon na yu tide fu taki syatu fu a Bijbeltekst disi di furu sma no e frustan bun. [Leisi Genesis 1:1.] Son sma e bribi taki wan sma meki hemel nanga grontapu, aladi tra sma no e bribi dati. San yu e denki fu a tori disi? [Gi a sma na okasi fu piki.] Furu sma no wani bribi taki Gado meki hemel nanga grontapu, fu di den kerki fesiman e leri den wan sani di Bijbel no e taki kwetikweti. A tijdschrift disi e sori na wan makriki fasi san Bijbel e taki fu a tori disi.”