San wi kan du te sma e du ogri nanga wi?

Leisi Genesis 37:23-28; 39:17-23 fu leri fu a fasi fa Yosef tyari ensrefi di sma du ogri nanga en.

Leri moro fu a tori. Fu san ede tra sma ben e libi so takru nanga Yosef? (Gen. 37:3-11; 39:1, 6-10) O langa Yosef ben musu hordoro di sma ben e du ogri nanga en? (Gen. 37:2; 41:46) Na ini a pisi ten dati, san Yehovah du gi Yosef, ma san a no du?​—Gen. 39:2, 21; w23.01 17 ¶13.

Ondrosuku sani moro fini. Aladi den sani di a wefi fu Potifar ben taki fu Yosef no ben tru, tòg Bijbel no e sori taki Yosef krutu na uma disi taki a lei gi en. Fa den tekst di e kon now kan yepi wi fu kon ferstan fu san ede Yosef besroiti fu no taki noti? Fa den kan yepi wi fu kon ferstan fu san ede wi no musu ferwakti taki Bijbel o ferteri ala sani finfini? (Odo 20:2; Yoh. 21:25; Tori 21:37) Sortu fasi yepi Yosef fu hordoro di sma ben e du ogri nanga en?​—Mika 7:7; Luk. 14:11; Yak. 1:2, 3.

San yu leri fu a tori disi? Aksi yusrefi:

• ’Sortu ogri mi kan ferwakti taki sma o du nanga mi fu di mi na wan disipel fu Yesus?’ (Luk. 21:12, 16, 17; Hebr. 10:33, 34)

• San mi kan du nownow kba fu de srekasreka te sma o du ogri nanga mi?’(Ps. 62:7, 8; 105:17-19; w19.07 2-7)