Zefaniya
2 Ngaphambi kwekutsi lomtsetfo ucale kusebenta,
Ngaphambi kwekutsi lelilanga lendlule njengetimphephelezi,
Ngaphambi kwekutsi intfukutselo yaJehova levutsako yehlele etikwenu,+
Ngaphambi kwekutsi lilanga lentfukutselo yaJehova lifike kini,
3 Funani Jehova+ nonkhe nine lenitfobekile emhlabeni,
Nine leninaka imitsetfo* yakhe lelungile.
Funani kulunga, funani kutfobeka.
Mhlawumbe* nitawuvikelwa* ngelilanga lentfukutselo yaJehova.+
4 IGaza itawuba lidolobha lelilahliwe;
Futsi i-Ashkeloni itawubhujiswa.+
I-Ashdodi itawucoshwa emini libalele,
Futsi i-Ekroni itawusishulwa.+
5 “Maye kulabo labahlala ngaselwandle, lokusive semaKherethi!+
Livi laJehova limelene nani.
Awu Khenani, live lemaFilisti, ngitakubhubhisa,
Kuze kube bete losalako kuwe.
6 Indzawo lengaselwandle itawuba ngemadlelo,
Atawuba nemitfombo yebelusi kanye nesibaya setimvu lesakhiwe ngematje.
7 Itawuba sifundza salabasele bendlu yakaJuda;+
Batawudla lapho.
Batawulala etindlini tase-Ashkeloni kusihlwa.
Ngobe Jehova Nkulunkulu wabo utawubanakekela,
Futsi utawenta labatfunjiwe babo babuye.”+
8 “Ngikuvile kuhlambalata kwemaMowabi+ kanye nekwedzelela kwema-Amoni,+
Labahlekise ngebantfu bami futsi ngekutigcabha babasongela ngekubatsatsela indzawo yabo.+
9 Ngako-ke ngitifunga mine,” kusho Jehova wemabutfo, Nkulunkulu wema-Israyeli,
“Mowabi utawufanana neSodoma,+
Futsi ema-Amoni atawufanana neGomora,+
Indzawo yelukhula lolunemanyeva, indzawo yemgodzi weluswayi kanye nendzawo lengenamsebenti.+
Bantfu bami labasele batawutsatsa tintfo tabo,
Futsi labasele esiveni sami batawutsatsa live labo.
10 Nguloko-ke labatawuba nako esikhundleni sekutigcabha kwabo,+
Ngobe bahlambalate nebantfu baJehova wemabutfo baphindze batiphakamisa.
11 Jehova utawenta tintfo letimangalisako* ngalokumelene nabo;
Ngobe utawenta bonkhe bonkulunkulu basemhlabeni babe lite,
Futsi tonkhe tichingi tetive titawukhotsama* embikwakhe,+
Nguleso naleso endzaweni yaso.
12 Nani bantfu baseTopiya nitawubulawa yinkemba yami.+
13 Utawelulela sandla sakhe ngasenyakatfo, abhubhise i-Asiriya,
Futsi utakwenta iNineve ibe lugwadvule,+ yome njengelihlane.
14 Imihlambi itawulala phansi kuleyondzawo, nato tonkhe tinhlobo tetilwane tesiganga.*
Livuba kanye nengungumbane kutawucitsa busuku bonkhe eticongweni tetinsika tayo.
Kutawuvakala umsindvo* wekukhala kwetinyoni efasitelweni.
Kulendzawo kutawuba nembhubhiso ngasekungeneni kwayo;
Ngobe Nkulunkulu utawutiveta ebaleni tingodvo temsedari.
15 Leli lidolobha lebelihleli ngekulondzeka,
Lebelitsi enhlitiyweni yalo: ‘Ngimi ngimi, kute lomunye.’
Nyalo selibe yintfo leyetfusako,
Seliyindzawo yekulala yetilwane tesiganga!
Bonkhe labendlula ngakulo, batawushaya inkwela futsi bajikitise tibhakela tabo ngentfukutselo.”+