Indlela Yekusebentisa Lobhukwana

Kulobhukwana, utawutfola umbhalo welusuku ngalunye kanye nendlela lokhulunyelwa ngayo. Nanobe umbhalo welusuku ungafundvwa nganome ngusiphi sikhatsi, kepha labanyenti bakutfola kulusito kakhulu kuwufundza ekuseni. Loko kwenta kutsi bakhone kucabangisisa ngemaphuzu awo lilanga lonkhe. Kucoca ngembhalo welusuku njengemndeni kusita kakhulu. Imindeni yaseBethel lesemhlabeni wonkhe iwufundza ngesikhatsi sekudla kwasekuseni.

Tigaba titsetfwe kubomagazini be-Sicongosekulindza (w) kusukela nga-April 2023 kuya kuMarch 2024. Tinombolo letilandzela lusuku lwe-Sicongosekulindza tisho likhasi nobe emakhasi kuloyo magazini lakutsetfwe khona lamaphuzu bese kulandzela inombolo yesigaba. (Buka lomfanekiso longentansi.) Kwatiswa lokubanti ngayo yonkhe indzaba kutfolakala kuleso sihloko.