Usakhumbula Yini?

Ubafundze kahle yini bomagazini bakamuva be-Sicongosekulindza? Nangabe kunjalo, asewubone kutsi ungakwati yini kuphendvula lemibuto lelandzelako:

Tinwele taSamsoni betimnika emandla yini?

Emandla aSamsoni abengekho etinweleni takhe. Tinwele takhe betimelela buhlobo bakhe lobukhetsekile labenabo naJehova njengobe abengumNaziri. Lobo buhlobo baphatamiseka ngesikhatsi Delila abangela kutsi tinwele taSamsoni tihhulwe.—4/15, likhasi 9.

Nasicatsanisa nenhlitiyo yetfu mbamba, ngutiphi tintfo letintsatfu letingazuzisa inhlitiyo yetfu lengumfanekiso?

(1) Kudla. Njengobe inhlitiyo yetfu idzinga kudla lokunemphilo, sidzinga kutfola imfundvo leyenele ngaNkulunkulu lefanana nekudla lokunemsoco. (2) Kuvivinya Umtimba. Kuhlanganyela ngenkhutsalo emsebentini wekushumayela kungagcina inhlitiyo yetfu lengumfanekiso iphilile. (3) Indzawo lesiphila kuyo. Singakunciphisa kucindzeteleka ngekutsi sitihlanganise nalabo lesikholwa nabo labasikhatsalelako.—4/15, likhasi 16.

Umuntfu angakubalekela njani kubanjwa ngemadimoni?

Balekela nome yini lengase ikwente usebentise imimoya. (Imis. 19:19, 20) Yetama ngemandla ‘kusondzela kuNkulunkulu,’ uciniseka kutsi angakhona kukusita futsi utakusita uphunyule emadimonini. (Jak. 4:7, 8)—7/1, likhasi 12.

Kungani sikhulumi lesetfula inkhulumo yemngcwabo kungakafaneli sisebentise Tihlabelelo 116:15 nasikhuluma ngalona lofile?

Lombhalo utsi: “Kuligugu emehlweni aSimakadze kufa kwalabangcwele bakhe.” Loku kusho kutsi Nkulunkulu ukutsatsa njengalokubita kakhulu kufa kwato tonkhe tinceku takhe letetsembekile kutsi angakuvumela kwenteke. Angeke avumele kutsi tinceku takhe tibulawe tonkhe njengelicembu emhlabeni.—5/15, likhasi 22.

Abebobani ema-colporteur?

Ngembikwekutsi kufike 1931, leligama lelitsi “colporteur” belisetjentiswa kulaba nyalo lababitwa ngekutsi ngemahlahlandlela.—5/15, likhasi 31.

Kungani lamanye emaJuda akhubeka ngendlela Jesu lafa ngayo?

Lokunye kwatiswa kutsi emaJuda angelikhulu lekucala ayibona ilihlazo indlela Jesu lafa ngayo. Abekholelwa kutsi indlela umuntfu lafa ngayo iveta kutsi ungumuntfu lonjani. Ngaleso sizatfu, Jesu bamtsatsa njengemuntfu loluhlupho.—7/1, likhasi 13.

Bobani labakha ‘yonkhe lemibuso’ lokukhulunywa ngayo kuDanyela 2:44?

Kulelivesi kukhulunywa ngemibuso nobe bohulumende labamelelwa tincenye letehlukehlukene talesitfombe sensimbi lesicwebetelako lesichazwa nguDanyela.—6/15, likhasi 17.

Umbuso Wemhlaba WemaNgisi nemaMelika wacala nini kuba ngumbuso wesikhombisa lochazwa siphrofetho seliBhayibheli?

Lombuso wemhlaba loyinhlanganisela wacala kuba khona ngesikhatsi emaNgisi nemaMelika acala kusebenta ndzawonye ngendlela lekhetsekile ngesikhatsi seMphi Yelive Yekucala.—6/15, likhasi 19.

Ngutiphi letinye timiso letingasita umuntfu akhetse kuba nelikusasa lelihle?

Cabanga ngemiphumela yetincumo takho. (Tag. 22:3) Kuhlolisise lokukhetsako. Cabanga ngemiphumela yalokukhetsako. (Tag. 21:5) Sebentela emigomeni yakho. (Joh. 17:3)—7/1, emakhasini 18-19.

Ngutiphi letinye teluleko teliBhayibheli letingasita umuntfu abhekane nesimo sekuwa kwemnotfo?

Bala tindleko. (Luk. 14:28) Tivumelanise nesimo lesishintjile. (Tag. 22:3) Timisele kwemukela leminye imisebenti. (Tag. 29:25) Yeneliseka. (Fil. 4:11, 12)—7/1, emakhasini 20-21.