Litsini Libhayibheli?

Kuyoke kube khona yini kulunga emhlabeni?

Ungaphendvula utsini?

• Yebo

• Cha

• Mhlawumbe

Lokushiwo liBhayibheli

“Ngiyati kutsi Simakadze uyayimelela indzaba yalohluphekile, awamelele nemalungelo alomphofu.” (Tihlabelelo 140:12) UMbuso waNkulunkulu utawuletsa kulunga emhlabeni.

Kukhona yini lokunye lokushiwo liBhayibheli ngalendzaba?

• Nkulunkulu uyakubona kungalungi lokukhona nyalo futsi utakucedza.​—Umshumayeli 5:8.

• Kulunga kwaNkulunkulu kutawuletsa kuthula nekulondzeka emhlabeni.​—Isaya 32:16-18.

Sikhona yini sive Nkulunkulu lasitsandza kakhulu kunalesinye?

Labanye bantfu bakholelwa kutsi Nkulunkulu ubusise letinye tive wase letinye uyaticalekisa, kantsi labanye bakholelwa kutsi uphatsa bonkhe bantfu ngendlela lefanako. Wena ucabangani?

Lokushiwo liBhayibheli

“Nkulunkulu akakhetsi, kodvwa etiveni tonkhe wonkhe umuntfu lomesabako nalowenta lokulungile uyemukeleka kuye.” (Imisebenti 10:34, 35) KuNkulunkulu, bonkhe bantfu bayalingana.

Kukhona yini lokunye liBhayibheli lelikushoko ngalendzaba?

• LiBhayibheli ‘linetindzaba letimnandzi’ tato tonkhe “tive, tinhlanga, tilwimi, nebantfu.”​—Sembulo 14:6.