Likhona Yini Litsemba Ngalabafile?

Kufa kusitsintsa sonkhe. Kodvwa kufa kusiphetfo sakho konkhe yini? Labafile sitawubakhohlwa phakadze yini? Likhona yini litsemba ngalabafile?

CABANGA NGALOKO LOKUSHIWO LIBHAYIBHELI:

LABAFILE ASIKABAKHOHLWA

‘Bonkhe labasemathuneni . . . batawuphuma.’​—Johane 5:28, 29.

Nkulunkulu akabakhohlwa bantfu labafile; bonkhe labasenkhumbulweni yakhe batawuvuswa ekufeni.

BANTFU LABAFILE BATAWUVUSWA

“Kutawuba neluvuko lwalabalungile nalabangakalungi.”​—Imisebenti 24:15.

Tigidzigidzi tebantfu titawuvuswa ekufeni tinelitsemba lekuphila ngekuthula phakadze.

KUVUSWA KWALABAFILE KUTAWENTEKA MBAMBA

“[Nkulunkulu] ubala inombolo yetinkhanyeti, atibite tonkhe ngemabito ato.”​—Tihlabelelo 147:4.

Njengobe Nkulunkulu akhona kubita tonkhe tinkhanyeti ngemabito ato, kulula kakhulu ngaye kukhumbula bantfu latawubavusa ekufeni.