Imibiko Lejabulisako Yemsebenti Wekushumayela

Bamemeteli nemahlahlandlela labangephansi kweligatja laseNingizimu Afrika bente konkhe lokusemandleni abo nga-May ekulandzeleleni umsebenti lomuhle lowentiwe nga-March nanga-April. IBotswana ibike linani lelisha lemahlahlandlela lavamile langu-211. INamibia ifinyelele emanani lamasha emahlahlandlela lavamile langu-191 nebamemeteli labangu-1 950. INingizimu Afrika ifinyelele emanani lamasha emahlahlandlela lavamile langu-9 130, bamemeteli labangu-92 255 netifundvo teliBhayibheli letingu-132 008. Sihlenge lesincane sase-St. Helena naso sijabulele kuba nebamemeteli labangu-120 labahlanganyele ekusakateni tindzaba letimnandzi kubantfu bakhona labangephansi kwa-4 000. Nente kahle kakhulu ekumemeteleni tindzaba letimnandzi ‘nasekwenteni bafundzi’ kuwo onkhe emasimu langephansi kweligatja letfu.—Mat. 24:14; 28:19, 20.