Sibonelo Setinshumayelo Lesingatisebentisa

Indlela Longacala Ngayo Sifundvo SeliBhayibheli NgeMgcibelo Wekucala Ku-November

“Bantfu labanyenti bake bashonelwa ngumuntfu labamtsandzako. Ucabanga kutsi siyoke siphindze sibabone yini lesibatsandzako lesebafa? [Lindzela imphendvulo.] Naka naku lokushiwo lapha.” Niketa lococa naye Sicongosekulindza sa-October-December bese nicoca ngekwatiswa lokusembutweni wesibili ekhasini 16 lokungenani nifundze nembhalo munye. Mhambisele lomagazini uphindze uhlele kubuya nitococa ngembuto lolandzelako.

Sicongosekulindza October-December

“Nanobe liBhayibheli lingakhulumi ngeligwayi, ucabanga kutsi uphatseka njani Nkulunkulu nangabe umuntfu abhema? [Lindzela imphendvulo.] LiBhayibheli liveta kutsi kuze simkhonte ngendlela layemukelako, kufanele siyibalekele imikhumba lengcolile. [Fundza 2 Khorinte 7:1] Ekhasini 15, lomagazini ukhuluma ngaletinye timiso teliBhayibheli letichaza indlela Nkulunkulu laphatseka ngayo nangabe umuntfu abhema.”

Phaphama! November

“Lamuhla sivakashela imindeni. Semanyenti emakhaya lanemtali lokhulisa bantfwana ayedvwa. Ucabanga kutsi batali labanjalo bahlangabetana netinsayeya letinyenti yini kunebatali labakhulisa bantfwana babobabili? [Lindzela imphendvulo.] Batali labanyenti basitfole silusito seluleko seliBhayibheli. [Fundza 2 Thimothi 3:16.] Lomagazini ucoca ngaletinye tetindlela letingasita batali labakhulisa bantfwana babodvwa kuze baphumelele.”