Sibonelo Setinshumayelo Lesingatisebentisa

Indlela Yekucala Tifundvo TeliBhayibheli NgeMgcibelo Wekucala Ku-January

“Singatsandza kuva umbono wakho. Wena ucabanga kutsi ngubani libito laNkulunkulu? [Lindzela imphendvulo.] Ase unake loko lokushiwo lapha.” Niketa umuntfu lococa naye Sicongosekulindza sa-January-February, mkhombise sihloko lesisekhasini lekugcina lalomagazini bese nicoca ngendzaba lesesihlokweni sekucala, nifundze lokungenani umbhalo munye. Mhambisele lomagazini bese uhlela kuphindze ubuye esikhatsini lesitako.

Sicongosekulindza January-February

“Bantfu labanyenti basolo bakhuluma ngekubhubha kwemhlaba. Ucabanga kutsi kubhubha kwemhlaba kuyintfo lekufanele siyesaba yini? [Lindzela imphendvulo.] Mayelana nalokushiwo ngulombhalo bakhona labatawusindza. [Fundza 1 Johane 2:17.] Lomagazini uniketa timphendvulo temibuto lemine bantfu labavamise kutibuta yona mayelana nekubhubha kwemhlaba.”

Phaphama! January

“Sivakashela imindeni kuze sicoce nayo ngalokungayisita. Ucabanga kutsi kubalulekile yini kutsi imindeni yente lokushiwo ngunankha emavi aJesu? [Fundza Imisebenti 20:35b. Lindzela imphendvulo.] Kufundzisa bantfwana kutsi bangaticabangeli bona bodvwa kungaba matima kulomhlaba lonebantfu labanyenti labaticabangela bona. Lesihloko sikhuluma ngaletinye tetindlela letingasita batali kutsi bafundzise bantfwababo kucabangela nalabanye bantfu.”