Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala ku-April

“Lubhabhatiso luyintfo levamile kumaKhristu lamanyenti. Wena ucabangani, lubalulekile yini vele lubhabhatiso? [Lindzela imphendvulo.] Lesihloko sinemaphuzu lajabulisako ngalendzaba.” Niketa umnikati welikhaya Sicongosekulindza sa-April-June bese nicoca ngesihlokwana sekucala lesisekhasini 16 niphindze nifundze lokungenani munye umbhalo. Muphe lomagazini bese uhlela kubuya kute nicoce ngesihlokwana lesilandzelako.

Sicongosekulindza April-June

“Kunemibono leminyenti leshiwoko ngaJesu. Labanye bacabanga kutsi bekanguMesiya lobekatsenjisiwe. Labanye batsi bekamane nje ayindvodza letilungele. Kantsi labanye bakholelwa kutsi akazange ase abe khona. Wena ucabangani ngaye? [Lindzela imphendvulo.] Ngekusho kweliBhayibheli, kubalulekile kwati liciniso ngaye. [Fundza Johane 17:3.] Lomagazini unetimphendvulo letiseBhayibhelini temibuto bantfu labavamise kuyibuta ngaJesu.”

Phaphama! April

“Lamuhla sivakashela imindeni. Uyavuma yini kutsi imindeni ihlangabetana netinsayeya letinyenti lamuhla? [Lindzela imphendvulo.] Ase unake kutsi imindeni leminyenti isitfolephi seluleko lesilusito. [Fundza Tihlabelelo 119:105.] Lomagazini ukhuluma ngendlela imindeni lephumelele ngayo nayihlangabetana netinsayeya letitsite ngekulandzela timiso teliBhayibheli.”