Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-November

“Ucabanga kutsi bonkhe bantfu labatibita ngekutsi bangemaKhristu bangemaKhristu mbamba yini? [Lindzela imphendvulo.] Asewunake loko liBhayibheli lelikushoko kuThithusi 1:16.” Fundzani ndzawonye loko lokusesihlokwaneni sesibili ekhasini 16 le-Sicongosekulindza sa-October-December kanye nembhalo lowodvwa lokhonjiwe. Mnike lomagazini, futsi uhlele kubuya kute nicoce ngembuto lolandzelako.

Sicongosekulindza October-December

“Ucabanga kutsi Nkulunkulu utsandza sive sinye yini kwendlula letinye? [Lindzela imphendvulo.] Asewunake loko liBhayibheli lelikushoko ngaNkulunkulu. [Fundza Imisebenti 10:34, 35.] Lesihloko lesisekhasini 26 lalomagazini siveta kutsi Nkulunkulu utsandza bantfu bato tonkhe tive, futsi sichaza nendlela loko lokufanele kuwutsintse ngayo umbono wetfu ngalabanye.”

Phaphama! November

“Nawubukisisa indzawo yonkhe lesitungeletile, ngusiphi siphetfo lofinyelela kuso—kutsi uMdali ukhona nobe kutsi tonkhe tintfo tativelela ngengoti? [Lindzela imphendvulo.] Naku lokwashiwo ngulomunye umbhali weliBhayibheli ngesikhatsi abuka indzawo yonkhe. [Fundza Roma 1:20.] Lomagazini uchaza loko bososayensi labakutfolile mayelana nenhlayiya yemuntfu, lokusenta siyicondze kahle lendzaba.”