Tinshumayelo Letisibonelo

Kucalisa Tifundvo TeliBhayibheli NgeMgcibelo Wekucala KuNovember

“Ngicela sewubuke nangumbuto lomuhle. [Fundza umbuto wekucala losekhasini lekugcina le-Sicongosekulindza saNovember-December.] Ucabangani ngawo? [Fundza tigaba letimbili letingephansi kwalowo mbuto, futsi lokungenani ufundze munye umbhalo kuleyo lekhonjiwe.] Ngingaphindze ngibuye yini kuze sitococa ngekutsi kungani uMbuso waNkulunkulu utawubazuzisa bantfu?”

Sicongosekulindza November–December

“Ucabanga kutsi bantfu batawona umhlaba uze ungasalungiseki yini? [Lindzela imphendvulo.] Ngisho nobe umuntfu ete emandla ekulungisa umonakalo lawubangele, liBhayibheli lisitjela kutsi Nkulunkulu angakhona kuwulungisa futsi unaso sifiso sekwenta njalo. Tihlabelelo 65:9 tiyasicinisekisa ngaloko. [Fundza.] Le-Sicongosekulindza sicoca ngendlela Nkulunkulu latawunakekela ngayo umhlaba kanye nekutsi singatitfola njani leto tibusiso tesikhatsi lesitako. Ngingakushiyela yini lomagazini kuze uwufundze?”

Phaphama! November

“Wonkhe umuntfu ufuna kujabula, kodvwa bantfu labanyenti lamuhla abajabuli. Ucabanga kutsi yini lengenta umuntfu atfole injabulo sibili? [Lindzela imphendvulo.] Mine ngibone kutsi liBhayibheli liyasita ekutfoleni injabulo ekuphileni. Asewunake nje nasi simiso seliBhayibheli. [Fundza Hebheru 13:5.] Lomagazini ugcizelela tintfo letine letisekelwe eBhayibhelini letingakwenta utfole injabulo sibili.”