Sibonelo Setinshumayelo Lesingatisebentisa

Indlela Yekucala Tifundvo TeliBhayibheli NgeMgcibelo Wekucala Ku-August

“Bantfu basetinkholweni letehlukehlukene futsi bakhonta Nkulunkulu ngetindlela letingafanani. Ucabanga kutsi Nkulunkulu utiva njani ngaloku? [Lindzela imphendvulo.] Asewunake loko Jesu lakufundzisa ngalendzaba.” Fundzani ndzawonye loko lokusesihlokwaneni sekucala ekhasini 16 le–Sicongosekulindza sa-August 1 kanye nembhalo lowodvwa lokhonjiwe. Mnike lomagazini, futsi uhlele kubuya kute nicoce ngembuto lolandzelako.

Sicongosekulindza August 1

“Kufanele yini bantfwana bafundziswe ngaNkulunkulu nabasebancane, nobe kuncono kutsi ulindze kute kube ngulapho sebakhulile futsi ubavumele kutsi batikhetsele inkholo yabo? [Lindzela imphendvulo.] Naka kutsi liBhayibheli liyala bobabe kutsi benteni. [Fundza Efesu 6:4.] Lomagazini uveta letinye tindlela batali labangabafundzisa ngato bantfwana babo ngaNkulunkulu.”

Phaphama! August

“Ngingatsandza kuva umbono wakho ngalelivesi. [Fundza 1 Samuweli 16:23.] Ngekusho kwalelivesi, umculo unemandla. Ucabanga kutsi kungenteka yini letinye tingoma tisihungele ekwenteni tintfo letimbi? [Lindzela imphendvulo.] Lomagazini uveta indlela lesingawukhetsa ngayo ngekuhlakanipha umculo nendlela lesingabasita ngayo bantfwana betfu kutsi bente lokufananako.”