Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala ku-August

“Bantfu labanyenti lesicoca nabo batsi bangatsandza kubona sekuphele imphi nekuhlupheka. Ucabanga kutsi ukhona yini umuntfu longenta umhlaba ube nekuthula?” Lindzela imphendvulo. Mkhombise likhasi 15 le-Sicongosekulindza sanga-July-August bese ucoca naye ngekwatiswa lokusembutweni wesibili, nifundze lokungenani munye umbhalo kulekhonjiwe. Mnikete bomagazini bese uhlela kubuyela.

Naka loku: Kufanele kwentiwe umboniso walenshumayelo emhlanganweni lochutjwa kusengakayiwa ensimini nga-August 3.

Sicongosekulindza July-August

“Ngicela kukukhombisa lesitfombe lesisekucaleni kwalomagazini. Yini loyibona kulesitfombe lengakavami endzaweni lesihlala kuyo? [Lindzela imphendvulo.] Bunye betive letehlukene bubaluleke kakhulu kuNkulunkulu. Ngicela kukukhombisa umbono waNkulunkulu ngebantfu betive letehlukene. [Fundza Imisebenti 10:34.] Lomagazini uyakhombisa kutsi yini lebangela lubandlululo nekutsi yini lokufanele siyente kute silingise Nkulunkulu ngekungakhetsi.”

Phaphama! August

“Labanyenti betfu bafuna kuphila sikhatsi lesidze. Ucabanga kutsi intfutfuko yesayensi itawusenta sikhone yini kuphila phakadze ngalelinye lilanga? [Lindzela imphendvulo.] Ase ulalele nasi setsembiso lesijabulisako. [Fundza 1 Khorinte 15:26.] Nkulunkulu utawukwenta njani loku—ngesayensi nobe ngaletinye tindlela? Yini lebangela kutsi nyalo siguge futsi sife? Lomagazini uyakhombisa kutsi liBhayibheli liyiphendvula njani lemibuto.”